عايز أعرف الكاربيراتير بتاع ال128 اليوغوزلافي اللي هو ب 370 جنيه في التوفيقيه ده كويس ولا خساره فيه الفلوس عشان أنا الميكانيكي اللي بتعامل معاه قالي أوعي تجيبه فياريت تفيدوني
عرض للطباعة
عايز أعرف الكاربيراتير بتاع ال128 اليوغوزلافي اللي هو ب 370 جنيه في التوفيقيه ده كويس ولا خساره فيه الفلوس عشان أنا الميكانيكي اللي بتعامل معاه قالي أوعي تجيبه فياريت تفيدوني
الكاربراتير زى الفل والله انا جايبه من حوالى شهر زى الفل والحمد لله العربيه بتدور من اول مره والسحب بقى ممتاز وكمان وفر فى استهلاك البنزين جدا والميكانيكى اللى ركبه قالى انه ممتاز بس انا كنت جايبه 330 ويوغسلافى برضه
اليوغوسلاقي ده هوا الي بينزل في الـ 128 الجديد كله وعاملاه شركة Yugo
وشغال عندي أهو في العربية بقاله 11 سنة زي الفل
نفض للميكانيكى بتاعك و هاتة ، الكربراتير دة هو مخ العربية و هيظبطلك حاجات كتير و منها استهلاك البنزين .
و اليوغسلافى ممتاز بس اعتقد انك لو دورت ممكن تجيبة اقل من كدة و لو انت قريب من عين شمس هاتة من عند احمد محرم مضمون اكتر و ارخص .
الف مليون شكر لكل الاعضاء الموقرين والمحترمين اللي جاوبوني وكتر الف خيركو أنتو كده شجعتوني علي اني أجيبوا وكمان بسعر أرخص مره أخري شكرا جزيلا ليكم يا جماعة
انا جبته من التوفيقية ب 320 جنيه من واحد معرفة و شغال عندي بقاله بتاع 6 شهور زي الفل و ظبط فعلا استهلاك البنزين
بس اللعنة علي بنزين 80