كاربيراتير ال128

**zastaffa** · 28-04-2009 03:03 PM

عايز أعرف الكاربيراتير بتاع ال128 اليوغوزلافي اللي هو ب 370 جنيه في التوفيقيه ده كويس ولا خساره فيه الفلوس عشان أنا الميكانيكي اللي بتعامل معاه قالي أوعي تجيبه فياريت تفيدوني

**angel_man100** · 28-04-2009 07:54 PM

الكاربراتير زى الفل والله انا جايبه من حوالى شهر زى الفل والحمد لله العربيه بتدور من اول مره والسحب بقى ممتاز وكمان وفر فى استهلاك البنزين جدا والميكانيكى اللى ركبه قالى انه ممتاز بس انا كنت جايبه 330 ويوغسلافى برضه

**Abdo_Eldesokey** · 28-04-2009 08:18 PM

اليوغوسلاقي ده هوا الي بينزل في الـ 128 الجديد كله وعاملاه شركة Yugo

وشغال عندي أهو في العربية بقاله 11 سنة زي الفل

**ezzatfox** · 28-04-2009 08:26 PM

نفض للميكانيكى بتاعك و هاتة ، الكربراتير دة هو مخ العربية و هيظبطلك حاجات كتير و منها استهلاك البنزين .
و اليوغسلافى ممتاز بس اعتقد انك لو دورت ممكن تجيبة اقل من كدة و لو انت قريب من عين شمس هاتة من عند احمد محرم مضمون اكتر و ارخص .

**zastaffa** · 29-04-2009 02:40 AM

الف مليون شكر لكل الاعضاء الموقرين والمحترمين اللي جاوبوني وكتر الف خيركو أنتو كده شجعتوني علي اني أجيبوا وكمان بسعر أرخص مره أخري شكرا جزيلا ليكم يا جماعة