-
المشكلة مش فى الفيس بوك او التكنلوجيا الحديثة
للاسف المشكلة اللى نعانى منها هى السزاجة والتخلف والجدال اللتى يمتلكها بعض المتأسلميين المتطرفيين حمى النسخ واللصق بدون ادراك او وعى مشكلتنا الحقيقية هى تخلف الفكر وتقدم التخلف
-
استاذ طنطاوى
حضرتك خلطت بين شخصك الكريم و المقال اللي حضرتك نقلته
و عندما قلت لا تقتلو الرسول
فأذكرك بأن الرسول لا يدافع عن محتوى رسالته بل يسلمها و يرحل لذا لا يصح قتله .
رأيي في المقال انه سطحى و انه حلقة في سلاسل طويله من الحرب شديدة الغباء و السطحية ضد كل ما هو اجنبي و ناجح
زي مكدونالد بتاع الخنازير
و توم وجيري بتاع والت ديزنى ههههه
و اوعى تشتري بيبسي لحسن بتجيب سرطان
هذه المقالات تريد خيرا بتلافي منتجات الغرب (كما ترى هي) ولكنها تبدو بتحليل بسيط مكشوفة لأى شاب غر
هل تحتاج اسرائيل لشراء الفيس بوك ؟؟؟
الا تكفي العضويات العادية ؟
وهل تواجد اسرائيل في الفيس بوك يعنى انسحابنا للطرف الآخر من الكرة الأرضية ؟؟؟
هل تعتقد ان الكثير من رواد الفيس بوك لديهم ما يفيد
و من لديهم ما يفيد العدو ....اليس لهم عقل ؟؟؟ ليكتب ما يناسب و يتحاشى مالا يناسب ؟؟!!!
و ان كان غير ذي عقل ....الن يفعل الشيء نفسه على الياهو اليهودي ؟؟؟؟؟
اولن يفعله على icq او paltalk او الماسينجر ؟؟؟
الن يتكلم في جامعته ؟؟؟؟؟
الن يتكلم في نايل و هناك عضوية صهيونية تسمع وترى مثلا ؟؟؟؟؟؟
متى سيتوقف هؤلاء عن تحويل الهواء الى مؤامرة و سلاح و تلفيق الأسباب المخجلة و الثوابت السخيفة لدمغ كل ما يخالف هواهم بأنه الشر الصهيونى الأمريكى المدقع ......
مش كفاية نحارب الهوا بقى ؟؟؟
لاحظ اننى لم اشر لشخصك الكريم لا من قريب ولا من بعيد ولك كل الاحترام
-
ناس كتير جدا اعداء للفيس بوك من غير ما يشتركوا فيه اساسا ولا يعرفوه .
من الحكايات الى بيسمعوها بيالفوا من دماغهم و خلاص .
و لو كده بقي يبقي الفيس بوك بيتجسس على العالم كله .. اشمعنا العالم العربي بس .
ما كانت دولة زى فرنسا او ايطاليا او او او اى دولة كانوا منعوا الفيس بوك و هاجموه .. ولا هما كمان مشتركين فى جريمة الفيس بوك دى ...
بصراحة مقال ميدخلش دماغ اى بنى ادم .
-
مش بعيد حكومتنا الرشيدة تكون هيا الي مفبركة الكلام ده بعد الاضرابات و الاحتجاجات على الفيس بوك فنعقد الناس و نخوفهم منه ..
:dontudear:
المشكلة إن فيه ناس عندها إستعداد داخلي لتصديق و مناقشة مثل هذا الكلام
و فقط في منطقة متقدمة كهذه في العالم هاتجري مناقشة و حوار كهذا عن الفيس بوك..بينما كل الناس من اقصى الشرق و الغرب يستخدمونه في هدوء
-
انا بستغرب والله يا اخواني
هو مينفعشي اللي مش عاجبه الكلام انه يقول رايه بدون انه يتهم احد انه متخلف او مبيفهمشي
هو لازم يكون المخالف لك في الرأي غلط
يعني لازم
طيب نفترض جدلا ان الراي الأخر طلع صح
يبقى احساسك ايه او شعورك ايه
انا بجد بستغرب
يا أخواني ده كلام لا يوجد دليل على تأكيد وايضا لا يوجد دليل على تكذيبه
انا مش فاهم بقه طيب اللي بيكذبه يكذبه هو حر بس لا ينكر كل هذا الأنكار على من يصدقه
فكما انت لك رايك فمن حق اي احد ان يكون له راي اخر مخالف
ايه المشكلة
الغريب ان الناس قاست الكلام بطرق غريبه جدا
لإاحد الأخوة بيقولك فرنسا وايطاليا
وهل حضرتك شعبنا مثل فرنسا وايطاليا في ثقافاته
وهل بلدنا موقفها مثل ايطاليا وفرنسا
نحن لنا ظروف معينه
انا هبتدي اقول وجهة نظري عل سبيل المثال
اولا المعلومات الأستخبارية ده شئ معروف
يعني من المعروف ان اي قرارات او اي خطط او اي شئ من هذا القبيل بيبنى على احصائيات ودراسات على عينات من الشعب
ومن المعروف ان اسرائيل عدو لمصر
ومن المعروف ان اسرائيل عندها القدرة والأستطاعة انها تخطط لألف سنه مستقبلا
طيب نفترض اسرائيل لها خطه معينه عاوزه تنفذها بدون ما مصر تشعر او تعلم
تفتكر احنا بنقول انه هيجند احد من على الفيس بوك مثلا مثل ما احد الأخوة ذكر
يا أخواني الفيس بوك ده عبارة عن حصاله لكل من هب ودب للمعلومات الأحصائية عن شبابنا اللي هو الهدف الرئيسي لأسرائيل
يا اخواني هما لو عاوزين يدرسوا اي شئ دلوقتي
فمن السهل عليهم الأن انهم يعملوا عينه احصائية صغيرة لكم المعلومات اللي موجود عن شبابنا في الفيس بوك
وهيعرفوا يدخلوا منين لشبابنا ومجتمعنا بسبب هذا
اي وكالة اعلانات لما تحب توصل حاجه للزبون
بتعمل احصائيات على عينات من المجتمع وبعد دراستها
بتقدر تتوصل لأقرب الطرق للوصول لهدفها
وهو ده اللي نقصده
ومحدش ساذج قال ان احنا قولنا انهم هيقعدوا ناس لكل واحد في الفيس بوك وترجمة ومش عارف ايه
ده كلام بصراحه بعيد جدا عما نتحدث عنه هنا ومالوش لازمة في حوارنا غير انه لتشتيت
فالكلام يقصد به ان دلوقي مثلا اسرائيل لو عاوزه تدرس اي حاجه في المجتمع المصري
فهيا هتلاقي ما تريده في الفيس بوك لأن الشباب اللي موجود في الفيس بوك يعتبر نسبة من المجتمع المصري اكيد
واحنا لم نقل ان الناس متدخلشي وتستخبى
او قولنا ان كل واحد يقعد في بيته وميفتحشي النت
الكلام واضح ان ده عباره عن تنبيه للكل ان بلاش كم المعلومات اللي بيبقى موجود في الفيس بوك عن نفسك وعن حياتك
يا اخواني في ناس على الفيس بوك عايشه فيه
لو دخلت عليهم هتعرف هما بياكلو ايه
وبرضه المسألة مسألة معلومات احصائية عن اسلوب الشعب وكل حاجه عنه
يارب تكون وجهة النظر وصلت
واذكر اخواني المعارضين انه كما لديك وجهة نظر لا تستند الا على وجهة نظرك
فغيرك له نفس الحق في ذلك
يعني كل واحد حر
فبلاش اسلوب التهكم الخفي في ان فيه ناس هتصدق وفيه ناس مش عارف ايه
الله اعلم بما هيا الحقيقة
-
من الواضح جدا ان محدش يعرف الفيس بوك كويس من الاخوة المؤيدين ..
يا جماعة اى حاجة ناجحة فى الدنيا بتتعرض لهجوم فظيع و فى ناس للاسف ساعات بتمشي فى مظاهرات و هى مش عارفه هدف المظاهرة ايه .. هى دى الناس المؤيدة للمقال اللى بالمنظر ده ..
اللى يعرف الفيس بوك كويس يا جماعة هيعرف ان فى مليون موقع زى الفيس بوك بالظبط و انجح كمان ..
طب بخبرتكم كده يا خبراء !! ليه المواقع دى لم تتعرض للمهاجمة زى الفيس بوك ؟!!!
و على سبيل المثال عندكم اشهر مواقع العالم My Space وانا مشترك فيه من زمان و عمرى مش شفت حد بيهاجمه ... ليـــــه بقي !!
واحد يالف كتاب اسمه ( الفيس بوك عدو ولا حبيب وواحد يقولك الفيس بوك جاسوس وواحد يقولك ده بينفجر فى الوش وحاجات غريبة والله ) ...
و على فكرة يا جماعة .. اقتصاد العالم كله فى يد الاسرائليين و اليهود و لو عايزين نفتح صفحة يهودى ولا مش يهودى انا معنديش مانع ...
و اما بخصوص مقارنتنا بايطاليا او فرنسا فانا احب اقولك المثل الشهير ( كان غيرك اشطر ) ... يعنى لو احنا اللى جبنا التايهة وعرفنا ان الفيس بوك جاسوس على المعلومات وده هدفه كانت الدول دى خافت على نفسها من مليون سنة ..
-
يا اخي الكريم انا مشترك فيه
وعارفه كويس
ولكن المسألة انك تحاذر مش اكتر ولا اقل
وبرضه اكيد كل واحد حر
ولكن مش معنى ان فيه واحد بيبلغ حاجه سمعها ان احنا نسم الكلام اللي لا بيقدم ولا بيأخر خصوصا ان لا احد معاه دليل لكلامه
فكما ينكر على من نقل الكلام او من قاله فأيضا ولا يوجد دليل
فلماذا الأنكار اساسا خصوصا انه لا يوجد مع احد تاكيد بصحة الكلام او خطأه
-
انا معاك .. بس لو حاذرنا هنحاذر ازاى !!
هل مثلا يبقي الفيس بوك ده محلات تجاريه على النت فقط ام ماذا ؟؟!!
فكرة الفيس بوك هى هى فكرة التحذير منه .. يعنى لما احذرك من الفيس بوك فانا كده بقولك امتنع عنه .
لانك ممكن تخفى معلوماتك عن اصدقائك و الاخرين لكنك متقدرش تخفيها عن صاحب الموقع و هى دى نقطة الخلاف .
-
لا النقطة انك متحطش كمية المعلومات دي
يعني في ناس حطه كل حاجه عنها
هيا دي الفكرة في ناس عايشه جوه الفيس بوك
-
هى مصر بس اللى ممكن تفيدهم بس عارف ليه !!
لو شفت كل الجنسيات على الفيس بوك هتعرف الفرق بين الشعوب كويس .
هتشوف الشعب الاماراتى وهو عامل جروب محبي دولة الامارات .. هتلاقى جروب تانى لمحبي محافظات الامارات وهتلاقى علاقتهم ببعض جميلة .
كذلك بقيت شعوب العالم ( مش كله ) .
تعالى عند مصر بقي .
رابطة كارهى الواد تامر شعر الصدر
رابطة كارهى قانون المرور
رابطة كارهى الجمارك .
رابطة كارهى الغلاء .
راطبة كارهى الغلاء و النصب .
جروب ( تعالوا نعمل حاجة للبلد ) .
هتلاقى جروب تانية بتعرض صور زى الزفت للبلد ..
فاحنا الى بنفضح نفسنا بنفسنا هما مش محتاجين تجسُس و اعتقد ان كل المعلومات اللى يقدروا يحصلوا عليها ده لو كانوا بيعملوا كده فعلا .
فهى هتكون عاملة زى الاحصائيات مش اكتر .. يعنى مش هيعرفوا حاجات تقضي على البلد او سر من اسرار نظام الحكم مثلا .
Content Relevant URLs by
vBSEO 3.6.0 PL2