مساعده من ملاك البونتو كلاسيك في الاختيار

**amir** · 28-04-2009 04:39 PM

شباب المنتدي
انا معايا صني 2007 و خدت القرار جديا في بيعها لأسباب معينه
المهم
كنت بفكر في اختيارين اتنين و عايز مساعده منكم و نصائح صادقه
متطلباتي كالتالي:
1-قطع غيار مش غاليه قوي بالنسبه للاساسيات انما فوانيس و حاجات تانيه اللي بتتغير في الحوادث مش مشكله لأنها مبتتغيرش الا كل فين و فين و بيبقي في بدائل ليها ما بين اصلي و انواع اخري
2- توفير في استهلاك البنزين, عايز العربيه تخاصم محطات البنزين شويه
3- تكاليف الصيانه الدوريه و المصنعيات متكونش غاليه و امكانيه عمل الصيانات الدوريه خارج التوكيل ان استلزم الامر

و علي اساس الشروط دي فكرت في البونتو كلاسيك و الجين تو
انا عارف ان فرق السعر بيميل الي البونتو خصوصا بعد العرض اللي عاملينه
البونتو من جوه تابلوه و شكل جميل
الجين تو عاجباني قوي من بره كشكل و التابلوه من جوه برضو و ان كانت الخامات كما قال الاخ العزيز احمد صيام لازال عليها لوم شويه انما مش مشكله قوي
بالمناسبه الاختيارات مانيوال و كفايه اوتوماتك عليا انا شبعت منه و واحشني سواقه المانيوال قوي
فياريت تشاركوني القرار

بالمناسبه نفس الموضوع انا عملته في قسم البروتون و مستني ارائهم و ارائكو
و شكرا

**loodaa** · 29-04-2009 09:49 PM

ما تشوف الجراند بونتو أكبر من البونتو و بنفس تمن الجين2 الاوتوماتيك وان كان ده لا يعيب الجين2 كمان شكل الجراند بونتو احلى من البونتو والجين2 انما لو المسألة في الفلوس تبقي البونتو احسن عربية في تمنها 65900 و شكلها مش وحش يعني انا كنت ناوي اشتريها أيام ما كانت ب 72000 بس حظي جتلي فلوس كدة من حيث لا أدري فجبت الجراند بونتو.

**Ahmad Shawky** · 30-04-2009 12:28 AM

المشاركة الأصلية كتبت بواسطة loodaa

ما تشوف الجراند بونتو أكبر من البونتو و بنفس تمن الجين2 الاوتوماتيك وان كان ده لا يعيب الجين2 كمان شكل الجراند بونتو احلى من البونتو والجين2 انما لو المسألة في الفلوس تبقي البونتو احسن عربية في تمنها 65900 و شكلها مش وحش يعني انا كنت ناوي اشتريها أيام ما كانت ب 72000 بس حظي جتلي فلوس كدة من حيث لا أدري فجبت الجراند بونتو.

الجراند عامله معاك ايه يريت تقولى علشان بفكر فيها وسعرها بيبدا من كام وكمليتها ايه

**YoussefMostafa** · 30-04-2009 09:00 AM

امير باشا لو بتفكر في توفير البنزين شيل الجين تو من المقارنة

**tamer51177** · 30-04-2009 04:11 PM

البونتو بتوفرلك كل ده بالاضافة لفرق السعر ... اعتقد البونتو اختيار كويس بالنسبة لك.

**loodaa** · 30-04-2009 05:30 PM

هي جامدة بصراحة بس ما بتجبش بعد 180 كيلو. امكانياتها هي ( 2 ايرباج و فرامل ABS & EBD و مرايات كهربا و زجاج كهربا أمامي - العيب الوحيد- و جنوط 15 و تريب كمبيوتر و سخان زجاج أمامي و خلفي و كاسيت أصلي نازل مع العربية و تقفيل ايطالي 100% و 77 حصان ودة مش شايفة عيب لأنها مش تقيلة و بتجري على البحر بغباء . و تكييف جامد جدا وسنتر لوك بريموت و فتح الشنطة بالريموت وباور بنظام سيتي (رهيب بيخلي الدركسيون مية على السرعات القليلة و بينشف شوية لما السرعة تزيد عشان الثبات) و خاصية بتخلي العربية تتقفل اوتوماتيكيا طالما ماشية عشان محدش يفتح باب العلربية وهي ماشية و كمان منبة للسرعة تظبطه على السرعة اللي عايزها عشان لو عديتها وانت مش واخد بالك ينبهك و فوانيس شبورة خلفية و follow me عشان يخلي العربية تنورلك الشارع لو ضلمة وانت نازل منها و تفضل منورة بعد ما تقفلها لمدة معينة و بعدين تطفي لوحدها . اما بقي النسخة الأعلى فيها فوانيس شبورة أمامية و زجاج فيمية و ايكو درايف و بلوتوث بيوصل بموبايلك ومنة تقدر تطلب نمر تليفونات بصوتك وتتكلم جوة العربية من غير ما تحط السماعة على ودنك و تسمع اللي بيكلمك من سماعات العربية نفسها وفيها مثبت سرعة. و يا رب أكون قدرت أفيدك وبرضة ابقى شوفها في المعرض.

**Ahmad Shawky** · 30-04-2009 06:22 PM

المشاركة الأصلية كتبت بواسطة loodaa

هي جامدة بصراحة بس ما بتجبش بعد 180 كيلو. امكانياتها هي ( 2 ايرباج و فرامل ABS & EBD و مرايات كهربا و زجاج كهربا أمامي - العيب الوحيد- و جنوط 15 و تريب كمبيوتر و سخان زجاج أمامي و خلفي و كاسيت أصلي نازل مع العربية و تقفيل ايطالي 100% و 77 حصان ودة مش شايفة عيب لأنها مش تقيلة و بتجري على البحر بغباء . و تكييف جامد جدا وسنتر لوك بريموت و فتح الشنطة بالريموت وباور بنظام سيتي (رهيب بيخلي الدركسيون مية على السرعات القليلة و بينشف شوية لما السرعة تزيد عشان الثبات) و خاصية بتخلي العربية تتقفل اوتوماتيكيا طالما ماشية عشان محدش يفتح باب العلربية وهي ماشية و كمان منبة للسرعة تظبطه على السرعة اللي عايزها عشان لو عديتها وانت مش واخد بالك ينبهك و فوانيس شبورة خلفية و follow me عشان يخلي العربية تنورلك الشارع لو ضلمة وانت نازل منها و تفضل منورة بعد ما تقفلها لمدة معينة و بعدين تطفي لوحدها . اما بقي النسخة الأعلى فيها فوانيس شبورة أمامية و زجاج فيمية و ايكو درايف و بلوتوث بيوصل بموبايلك ومنة تقدر تطلب نمر تليفونات بصوتك وتتكلم جوة العربية من غير ما تحط السماعة على ودنك و تسمع اللي بيكلمك من سماعات العربية نفسها وفيها مثبت سرعة. و يا رب أكون قدرت أفيدك وبرضة ابقى شوفها في المعرض.

شكرا لردك الجميل ده والوافى فى نفس الوقت
فعلا شكلها احلى كتير من البونتو كلاسيك بس يريت تقولنا بدايت سعرها كام

**amir** · 01-05-2009 02:01 AM

متشكر لجميع الاعضاء و ربنا يقدم اللي فيه الخير

**amir** · 01-05-2009 02:04 AM

المشاركة الأصلية كتبت بواسطة Youssef_Mostafa

امير باشا لو بتفكر في توفير البنزين شيل الجين تو من المقارنة

ليه بس
الجين تو مانيوال و بالفلتر القديم مع الاخ توت و استهلاكها للبنزين يكاد يكون موازي للبونتو مع السواقه العاقله بدون حرق و نقل عند ار بي ام 3
فما بالك بالفلتر الجديد الاحسن توفيرا للبنزين و اهدي صوتا عن القديم و الكلام هنا عن موديل 2009
و عموما انا برضو عامل موضوع هناك بناقش فيه جين تو ولا بونتو
و اديني بستفيد من هنا و هنا و ربنا يوفقني ابيع الصني جديا ولا اخليها و ان بعتها فلازم اكون حاسم قراري هاشتري ايه