صورة من علي الدائري عشان تعرفوا لية الحوادث بتحصل

**merosss** · 30-04-2009 04:18 AM

انا اخت وقت عبقال مفهمت اية الى فى الصورة متخيلتش ان يكون فى عجلة مش موجودة وبعدين اتاكد .هو مش كفاية ان المقطورة دة اساسا خطر وصعب التحكم فيها كمان من غير عجل انا خايف كمان ليكون ماشى بيجرى وباخد خرز

**ابوهاشم** · 30-04-2009 04:38 AM

وكأنه سائق فاجر ولا مبالاه للمصيبه اللى هو ماشى بيها
وكأنه متأكد ان ماحدش هيحاسبه
وكأن الطريق ملكه لوحده
ربنا يريحنا منهم هو وامثاله

**evoo90** · 30-04-2009 10:30 AM

بقولكم ايه ماحدش بيشوف الغلط ده غيرنا وماحدش بيحاسبهم
انتوا ممكن تعملوا زى واحد صاحبى
هو حاطط نسر على العربيه وباريه شرطه على التابلوه
ومره قبل كده سحب رخصتين فى يوم واحد من غير وصلات طبعا ولا حاجه وراح سلمهم فى الكمين وقال دول عملوا كذا كذا كذا وماكانش فى حد على الطريق قمت واخد رخصهم وجبتهم ليكم؟؟ ومش شرط نسر ولا باريه كلمتين يرعبوا اللى قدامك.
ياريت كل اللى يقدر يعمل حاجه يعملها
ادام الشرطه مش عارفه تحاسبهم نحاول احنا نحاسبهم على قد مانقدر
.................................................. .......

**evoo90** · 30-04-2009 10:32 AM

المشاركة الأصلية كتبت بواسطة hashem1999

وكأن الطريق ملكه لوحده

انت اهه بتقول ان الطريق مش ملكه لوحده يعنى انت لو حاسبته فى غياب الشرطه ماحدش هيقولك انت بتعمل ايه!

**zocor742** · 30-04-2009 10:48 AM

يا نهار ابيض اية السواق دة اكيد دماغة فيها حاجة مش معقول الاستهتار بالطريقة دى

تحيا مصر

**zocor742** · 30-04-2009 10:57 AM

طب حد عرف حادثة ( قصدي كارثة ) الدائري الأخيرة ( قصدي قبل الأخيرة ) بتاعة يوم الإثنين 27/4/2009 الساعة 5 مساءاً وكنت ماراً بمكان الحادث الساعة 9 مساءاً
أما الأخيرة كانت بعدها بساعات وفي نفس المكان تقريباً بس في الطريق المعاكس ( حسبنا الله ونعم الوكيل )
الأولى بسبب مقطورة محملة بالحديد المسلح وسائقها الأرعن ( قصدي اللي كان أرعن هنقول إيه لا تجوز عليه الآن غير الرحمة ) أنا بقى كنت في مكان الحادث يعني شوفته ( لايف ) والمنظر كان بشع وده أبسط تعبير يمكن يتقال ....
الحادث الثاني كان بسبب أرعن آخر سائق نقل محمل بالزلط خبط سيارة على الدائري في الإتجاه من المعادي إلى القاهرة الجديدة وحاول يهرب بسرعة جنونية ففوجئ بالطريق كان واقف فحاول يفرمل ففقد السيطرة على السيارة النقل فلفت منه السيارة كانت النتيجة أن إلتهمت كل ما في سكتها من سيارات متوقفة بسبب العطل المروري مثل إلتهام سمكة القرش ( الفك المفترس ) لكل شئ أمامه ...
وعدت منزلي الساعة 10 ليلة الإثنين لأفتح التليفزيون لأتابع الحادث و أحكي لآل بيتي ما رأيته ( الحادث الأول ) لأجد التليفون يرن بجواري وأرفع السماعة لأجد من ينعي لي وفاة إبن عمي في الحادث الثاني ...
وحسبنا الله ونعم الوكيل

البقاء للة ربنا يرحمة هو والى كانوا فى الحادثة امين يارب

**sayedmsm2** · 30-04-2009 02:07 PM

يعنى ولا ظابط بيشوف !!!!!!!
العيب مش على السواق ولا فى العربية
العيب ف الظابط اللى مش ظابط وللى مش بيشوف غير الغلابة

**amr_elrashidy** · 30-04-2009 02:17 PM

يانهار ابيض على الجبروت...حسبى الله و نعم الوكيل

**karmoty** · 30-04-2009 03:40 PM

يا نهار اسوح يخرب بيت كدة ماشي بيها ازاي دي هما دول السواقين اللي ماشيين بدراعاتهم ومش هاممهم واحنا اللي بيتشطروا علينا عشان غلابة
حسبي الله ونعم الوكيل

**karmoty** · 30-04-2009 03:51 PM

[quote=zocor742;817558]طب حد عرف حادثة ( قصدي كارثة ) الدائري الأخيرة ( قصدي قبل الأخيرة ) بتاعة يوم الإثنين 27/4/2009 الساعة 5 مساءاً وكنت ماراً بمكان الحادث الساعة 9 مساءاً
أما الأخيرة كانت بعدها بساعات وفي نفس المكان تقريباً بس في الطريق المعاكس ( حسبنا الله ونعم الوكيل )
الأولى بسبب مقطورة محملة بالحديد المسلح وسائقها الأرعن ( قصدي اللي كان أرعن هنقول إيه لا تجوز عليه الآن غير الرحمة ) أنا بقى كنت في مكان الحادث يعني شوفته ( لايف ) والمنظر كان بشع وده أبسط تعبير يمكن يتقال ....
الحادث الثاني كان بسبب أرعن آخر سائق نقل محمل بالزلط خبط سيارة على الدائري في الإتجاه من المعادي إلى القاهرة الجديدة وحاول يهرب بسرعة جنونية ففوجئ بالطريق كان واقف فحاول يفرمل ففقد السيطرة على السيارة النقل فلفت منه السيارة كانت النتيجة أن إلتهمت كل ما في سكتها من سيارات متوقفة بسبب العطل المروري مثل إلتهام سمكة القرش ( الفك المفترس ) لكل شئ أمامه ...
وعدت منزلي الساعة 10 ليلة الإثنين لأفتح التليفزيون لأتابع الحادث و أحكي لآل بيتي ما رأيته ( الحادث الأول ) لأجد التليفون يرن بجواري وأرفع السماعة لأجد من ينعي لي وفاة إبن عمي في الحادث الثاني ...
وحسبنا الله ونعم الوكيل

اه انا سمعت عن الحادثة دي لا حول ولا قوة الا بالله
والف رحمة ونور على ابن عمك شهيد الاهمال والتسيب البقاء لله يا اخ zocor و الله مش عارف اقولك ايه, الحمد لله

الموضوع: صورة من علي الدائري عشان تعرفوا لية الحوادث بتحصل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عشان تعرفوا البنات في مصر بيتعرضوا لإيه و مستحملين ايه

صورة لحفرة بالطريق الدائري بالغردقة تم فيها تفريغ مواد بترولية ( سولار & بنزين )

صورة هتموتك من الضحك عشان تعرف الكلام إلى بيتقال مابين مصر و تونس

شرح تصغير حجم صورة عشان ترفعها على المنتدي

الكلمات الدلالية لهذا الموضوع

المفضلات

المفضلات

ضوابط المشاركة