صورة من علي الدائري عشان تعرفوا لية الحوادث بتحصل

**Ahmed Galal** · 29-04-2010 02:37 AM

حسبنا الله و نعم الوكيل ربنا يرزقه باللى شبهه و يفرتكه عشان ما عادش بايد الواحد الا انه يدعى ربنا يرحمنا

**تامر.محمد** · 29-04-2010 02:39 AM

المشاركة الأصلية كتبت بواسطة zocor742

طب حد عرف حادثة ( قصدي كارثة ) الدائري الأخيرة ( قصدي قبل الأخيرة ) بتاعة يوم الإثنين 27/4/2009 الساعة 5 مساءاً وكنت ماراً بمكان الحادث الساعة 9 مساءاً
أما الأخيرة كانت بعدها بساعات وفي نفس المكان تقريباً بس في الطريق المعاكس ( حسبنا الله ونعم الوكيل )
الأولى بسبب مقطورة محملة بالحديد المسلح وسائقها الأرعن ( قصدي اللي كان أرعن هنقول إيه لا تجوز عليه الآن غير الرحمة ) أنا بقى كنت في مكان الحادث يعني شوفته ( لايف ) والمنظر كان بشع وده أبسط تعبير يمكن يتقال ....
الحادث الثاني كان بسبب أرعن آخر سائق نقل محمل بالزلط خبط سيارة على الدائري في الإتجاه من المعادي إلى القاهرة الجديدة وحاول يهرب بسرعة جنونية ففوجئ بالطريق كان واقف فحاول يفرمل ففقد السيطرة على السيارة النقل فلفت منه السيارة كانت النتيجة أن إلتهمت كل ما في سكتها من سيارات متوقفة بسبب العطل المروري مثل إلتهام سمكة القرش ( الفك المفترس ) لكل شئ أمامه ...
وعدت منزلي الساعة 10 ليلة الإثنين لأفتح التليفزيون لأتابع الحادث و أحكي لآل بيتي ما رأيته ( الحادث الأول ) لأجد التليفون يرن بجواري وأرفع السماعة لأجد من ينعي لي وفاة إبن عمي في الحادث الثاني ...
وحسبنا الله ونعم الوكيل

البقاء للة ربنا يرحمة هو والى كانوا فى الحادثة امين يارب

لا حول ولا قوة الا بالله
:( :( :(
و حسبنا الله و نعم الوكيل

**D . a .\ AYMAN** · 29-04-2010 03:28 AM

أنا في الأول ماكنتش مصدق

وبعدين لاقيت معظم الأعضاء بيقولوا عادي و إبتسم أنت في مصر

قعدت إبتسمت وبس خلاص وقلت عادي

مش عادي برضه ولا إيه

**sarawe511** · 29-04-2010 05:39 AM

ي ابن التيييييييييييييييييييييي يييييت
المفروض ان ابن التيييييييت دة يسجن لانة معرض حياة الناس للخطر ( في داهية هو و امثالة شوية جزم)

**fadod** · 29-04-2010 06:01 AM

هو إلي أنا مش فهموا ، بياخد بها ملفات شمال ازاي والعجل مش موجود ؟
ولا هو طريقوا كلو مستقيم ، متهيألي سواق زاي داه يبقى جبار لو عرف يروح بها على 6 بس

**zakiali** · 29-04-2010 06:12 AM

ده لازم يتحكم عليه بالرمي بالبراطيش والبلغ القديمه في ميدان عام لحد ما يموت

**haitham_tetsh** · 29-04-2010 08:45 AM

حسبنا الله ونعم الوكيل على هذا الأهمال . فعلا معظم الحوادث التى تحدث عفاكم الله بسبب تسيب سيارات النقل الكبيرة والتى تسحب مقطورة فإلى متى هذا التسيب والأهمال فى حياة المواطنين