فيات الايطالية تحاول شراء 50% من اوبل الالمانية المتعثرة

**CryptonX** · 29-04-2009 01:59 AM

مش قلتلكم احنا ولاد عم قبل كدة ؟ :)

فيات و ماجنا الكندية في مباحثات مع جنرال موتورز لشراء 50% من اوبل .

مع " تشددات " و تحفظ من الوسط الالماني بسبب تقارب سيارات فيات و اوبل في الفئات و خوف اوبل من ان تغلق فيات احد مصانع اوبل ال 4 في المانيا .

فيات في وقت صرحت انها لو حصلت علي النسبة ( 50 % ) سوف تقوم بنقل احسن سيارة مبيعا في ال B-Segment الجراند بونتو الي احد مصانع اوبل بالمانيا .

الجدير بالذكر ان سياراتي جراند بونتو و اوبل كورسا هما عملتان لوجه واحد حيث ان السيارتين تتشارك تكنولجيا التصنيع و الشاسيهات و بعض المحركات نتيجة لاتفاقية شراكة بين فيات و جي ام انتهت من فترة .

**KHALED AYMAN** · 29-04-2009 02:50 AM

اوبل مش بتسمع الكلام
انا عرضت عليهم انى اخلص فيها بس الحومه الالمانيه رفضت علشان انا لسه قاصر ...
مش مشكله
طيب هى كده مين الى هيبقى له حق اداره اوبل ؟؟
فيات و لا جينيرال موتورز ؟؟
و يا ترى ايه الى هيحصل لاوبل لما فيات تشتريها؟؟
والله الواحد قلقان على اوبل اكنها بنته او اخته !!

**lancerevolution** · 29-04-2009 03:53 AM

انا كنت سمعت إن شركة إماراتية كانت عايزة تشترى أوبل و هى الى تديرها و طبعا هيجيبوا خبرة أجانب أو مصريين
بس لو فيات هتشتريها يبقى أحسن عملا بمبدأ فى الوقت الأزمات لازم تأخذ أى تصرف

**N.a.j.d** · 29-04-2009 11:39 AM

هوا مين قلك انها متعثره ياباشا يا عم بطلو حقد

**A.Elsheikh.01** · 29-04-2009 12:33 PM

يا جماعه الخبر مش اكيييد
دى مباحثات من واحد ملياردير لقا الفيات تعبانه فى السوق قام شاريها وطبعا بيصطاد فى الميه العكره لما يفكر يدور على شركه كبيره اى كانت مش شرط اوبل
هو اينتعم الراجل دا عمل شغل جامد فى الفيات ورفعها فى السوق
وياريت ميدمجش الفيات فى الاوبل
لا المفروض يبقى الاوبل لوحدها والفيات لوحدها
هى فيات شركه دلوقت بقت احسن بكتير من وقت فات بس الاوبل اوبل والفيات فيات

**omdaz_5538** · 03-05-2009 09:39 PM

مع احترامى لاراء الجميع
فيات عربيه محترمه جدا من زمان جدا اثبتت كفائه
و لو نرجع بالزمان لورى هنشوف عربيات اسطوره زى 131 و 132 و انهم كانوا من اسراع العربيات فى وقتهم
و افضلهم من حيث التصميم و فعلا لو قريتم عنهم هتعرفوا ان فيات كانت سباقه فى كل العصور من حيث التكنولوجيا فى الموتير و اناقه التميم
انا شايف ان لو حصل Merger بين فيات و اوبل الشركتين دول هيستفادوا من بعض كتير