لمبه زينون وحده بس ب1200 جنيه؟!!؟

**jeeqoub** · 29-04-2009 02:14 AM

السلام عليكم ورحمه الله وبركاته

يا جماعه انا عندي كورولا 2008 وديتها صيانه وكان لمبه الزينون مكسوره المهندس قالي لو محروقه الضمان يشملها بس مكسوره سئلته اي الي كسرها والفنوس نفسه سليم قلي ما اعرفش ....

قالي نفسي اعرف واقول بس ما اعرفش ...

انتا هاتغيرها على حسابك ..

قلت له طيب قلي السبب .. قالي ماعنديش فكره

المهم قلت ما علينا كل الحكايه لمبه مش طقم كامل يعني ..

قلت للمهندس خلاص هانغيرها ..

طلعت الفاتوره ورحت زي الباشا اسدد يقولي المحاسي 1196 جنيه

قلت له خير ان شاء الله ايه متاكد الفاتوره بتعتي ..

قال ... اه مش انت فلان الفلان؟

قالت نعم

قلي لمبه زينون ؟

قلت نعم

قالي اوكي يبقى 1196 جنيه

رجعت للمهندس قالي المبه دي الماني فليبس ...

قلت خير يعني دا انا عندي تويوتا اوريون في السعوديه مغير اللمبتين مش لمبه وحده

ب560 جنيه وهيا هيا فليبس النوع دا PHILIPS D2R Xenon ...

قالي ماعرفش دي اسعارنا .....

حسبي الله ونعم الوكيل.

صراحه يا جماعه انا زعلت اوي مش بس للنصب الي بيحصل حتى للناس الي مش عارفه وبيتنصب عليها بكلمتيين

دي اللمبه

والي هايدور على النت مستحيل يلاقي سعرها اكتر من 100 دولار

الكلام دا كلو حصل معاي في توكيل ابو رواش

مع احترامي لتوكيل ابو رواش اصف خدمته ب تحت الزيرو

يعني بجد خدمه تعبانه عمري ما استلمت عربيتي في الموعد بتعها ودايما الاقي حاجه غلط بعد ما استلم العربيه يا نور مش معدول يا الفرش بتاع العربيه مطبع عليه بشويه شحم يا شويه خربيش في البدي بيتاع العربيه ويا ريت يبطلو يغسلو العربيات بعد الصيانه لان غسيلهم عباره عن رش العربيه بميه واجري جيب الي بعدو وياما وياما تتخانق معاهم ولا كانك عملت حاجه

ولا شوف الحلاوه لما يتصلو بيك بعد اسبوع :: يا ترى خدمتنا عجبتك؟؟

اقول اي والا اسيب ايه

على العموم مش عاوز حد يغلط ويشتري من عندهم لانه حرام الي بيتعمل دا

يا جماعه انا ها اتصل بوكيل فليبس بمصر واكيد هنلاقي اللمبه دي عنده واكيد اسعاره ارخص من التوكيل بتاع تويوتا

تحياتي

**KHALED AYMAN** · 29-04-2009 02:45 AM

ربنا يعوض عليك...
سؤال
هم فكو اللمبه من مكانها و قالولك مكسوره ولا شافوها و هى جوا الفانوس ؟؟
ممكن يكون الى فكها كسرها !!!

**faroukahafeez** · 29-04-2009 02:58 AM

اية الاسعار المبالغ فيها ديه

دا لو اللمبة لو بتقول بابا وماما مش هتكون بالسعر ده

بس انت دفعت لية والفانوس مش مكسور
اللمبة هتكسر ازاى ؟ عفريت دخل جوه الفانوس كسر اللمبة وطلع تانى

**jeeqoub** · 29-04-2009 05:09 PM

هم فكو اللمبه من مكانها و قالولك مكسوره ولا شافوها و هى جوا الفانوس ؟؟
ممكن يكون الى فكها كسرها !!!

لا اللمبه مكسوره من قبل ما اروح لهم بس السبب الله اعلم

**hemahom** · 30-04-2009 01:13 AM

حسبي الله ونعم الوكيل فيهم

**nav man** · 30-04-2009 12:56 PM

معلش ياجماعة طيب وبعد ما نقول ربنا يعوض علية هنعمل اة.

**Yarisawy** · 30-04-2009 12:57 PM

لمبه ب 1200ج امال الفانوس بكام بربع جنيه !!!!!!!!!!!!!!!!

بس انت برضه المفروض كنت تسألهم على السعر فى الاول ... واديك اتعلمت

**nav man** · 30-04-2009 01:24 PM

المشاركة الأصلية كتبت بواسطة Yarisawy

لمبه ب 1200ج امال الفانوس بكام بربع جنيه !!!!!!!!!!!!!!!!

بس انت برضه المفروض كنت تسألهم على السعر فى الاول ... واديك اتعلمت

والله عندك حق تتريا علي قلة الضمير اللي واصلنا ليها

**jeeqoub** · 30-04-2009 03:25 PM

بس انت برضه المفروض كنت تسألهم على السعر فى الاول ... واديك اتعلمت

عادي يعني لو رفضت ادفع مش مشكله مش هايركبو اللمبه من اساسه

بس المشكله في السعر

يا جماعه الاكسسورات الي في تويوتا ابو رواش اغلبيتها بتجيهم من واحد اعرفه صاحب محل زينه

مثال الزينون Hid عن الراجل بتاع المحل ب 650 وعند تويوتا ابو رواش 1200 جنيه طيب ليييه؟؟؟؟؟؟ لو قلنا ضرائب وتركيب وووو عمرها ما توصل الى 1000 جنيه يعني نصب عيني عينك

يعني خلاص ما دام احنا توكيل ومعانا اسم تويوتا من الشركه الام نلعب بالاسعار على مزجنا

**faroukahafeez** · 30-04-2009 07:01 PM

يا باشا ده نفس المشكلة فى كل حاجات التوكيل

يعنى الكاسيت الدى فى دى الناس جيبه من الخليج من 2000 الى 3000جنيه وفى محل فى الرحاب دلوقتى بيبعه 3200 جنيه

التوكيل بقى بيبعه ب 6000 جنيه فى الاول ودلوقتى نزل سعره الى 5500

نصب عينى عينك

الموضوع: لمبه زينون وحده بس ب1200 جنيه؟!!؟

LinkBack

أدوات الموضوع

عرض

-

-

-

-

المواضيع المتشابهه

كل اما اجيب لمبه زينون بتتحرق

سامسونج omnia hd i8910 ب1200

٢ لمبه زينون عالي وواطي الماني H4 Bluetech 9500K

ركبت زينون عالي بـ 350 جنيه

نور الشبورة ممكن يكون زينون ولا دة لمبه

الكلمات الدلالية لهذا الموضوع

المفضلات

المفضلات

ضوابط المشاركة