سؤال بخصوص كتاوت النور في اللانوس

**kareembelal** · 29-04-2009 03:30 AM

هل اللانوس والنوبيرا بينزلوا فعلا من غير كتاوت نور؟؟

انا كنت عند كهربائي وسألني سؤال

انت ركبت كتاوت نور للعربيه واللا لا

وسألته عن الموضوع ده وقاللي انه المفروض في التوكيل ينبهوك لحاجه زي دي

لان اللا نوس والنوبيرا كمان بينزلوا من غير كتاوت نور وده بيخلي حمل الانوار علي الدراع الخاص بالنور وخصوصا انك مركب وحدة رفع كمان وده بيسيح فيشة الدراع وممكن يسيح الدراع من جوه كمان

وقاللي ان سبب بوظان الفيوز عندك باستمرار هو الموضوع ده

فهل الكلام ده صحيح ؟؟؟

وهل تركيب الكتاوت فيه اضرار تانيه للعربيه ؟؟؟

**shaky** · 29-04-2009 09:08 AM

فعلا الكلام دة اتقال لية وركبتهم فى التوكيل عشان فعلا بيعملو حمل جامد على الدراع بتاع النور وبيسخنوا الاسلاك وخصوصا انى مركب زينون وكمان وحدة رفع

**abzoabzo** · 29-04-2009 09:24 AM

الهدف من تركيب الكتاوت هو رفع شدة الاضاءة يعنى نور الفبريكة بتاع الانوس ضعيف وناس كتير اتكلمت ان اضاءته ضعيفة وعلشان تجيب لمبات عالية بتعمل حمل كبير على ذراع النور وانا كنت عندى بتسيح الفيوزات اللى فى الكبوت وبعد ماركبت الكتاوت المشكلة ده اتحلت والاضاءة بقت قوية

**Michael_Lanos** · 29-04-2009 09:49 AM

المشاركة الأصلية كتبت بواسطة abzoabzo

الهدف من تركيب الكتاوت هو رفع شدة الاضاءة يعنى نور الفبريكة بتاع الانوس ضعيف وناس كتير اتكلمت ان اضاءته ضعيفة وعلشان تجيب لمبات عالية بتعمل حمل كبير على ذراع النور وانا كنت عندى بتسيح الفيوزات اللى فى الكبوت وبعد ماركبت الكتاوت المشكلة ده اتحلت والاضاءة بقت قوية

+1

**nasroo** · 29-04-2009 12:17 PM

طالما هتزود حاجة على كهربة العربية يبقى لازم تركب كتاوت عشان تستحمل الحمل الزياده اللي هتزوده

**Drift_Lover** · 29-04-2009 01:27 PM

تركيب الكتاوت بيرفع شدة الاضاءه وبيحافظ علي ذراع النور(لو انت مركب لمبات عاليه).

**kareembelal** · 29-04-2009 01:55 PM

تمام كده والحمد لله اني عرفت قبل ما يحصل حاجه شكرا لكم جميعا

وجزاكم الله كل خير

**acs** · 30-04-2009 02:04 AM

يبقى انا وقعت فى كهربائى رأس بتنجاله
ركبلى لمبتين 200/260 وقلى العربيه فيها كتاوت وسمعنى صوت تكه كده فى علبه الفيوزات عند اناره النور وقلى هو ده صوت الكتاوت هل الكلام ده صح ولا غلط
وللعلم العربيه انا معملتش عليها اى تعديل من قبل

**waleedrahmy** · 30-04-2009 09:16 AM

الدايو فيها كتاوت نور بس علي قد اللمبات اللاصلية(-6055وات) ولوحبيت تقوي الاضاءة ركب كتاوت خارجي كبيرة للتحمل اللمبات القوية(200-220وات)

**Shiref_mohamed** · 30-04-2009 10:06 AM

المشاركة الأصلية كتبت بواسطة acs

يبقى انا وقعت فى كهربائى رأس بتنجاله
ركبلى لمبتين 200/260 وقلى العربيه فيها كتاوت وسمعنى صوت تكه كده فى علبه الفيوزات عند اناره النور وقلى هو ده صوت الكتاوت هل الكلام ده صح ولا غلط
وللعلم العربيه انا معملتش عليها اى تعديل من قبل

فعلاً اللانوس فيها كتاوت نور موجود في علبة الفيوزات الى في الكابوت بس ديه مصممه على حمل او الأمبير المسحوب من اللمبات الأصلية بتاعت العربية الى هيا 55/60 وات .
ولما بنحب نزود اللمبات نركب 200/260 مثلاً كده بيبقى في حمل زياده على الكتاوت الأصلية وكمان على الأسلاك بتاعت الضفيرة (برضه مصممة على حمل اللمبات الأصلية) .. ولهذا السبب بيتم تركيب كتاوت نور تانية وبناخدلها من البطارية Direct وبتكون اسلاك تخينة عشان متسخنش .. وبكده يبقى قللنا الحمل خالص من على كتاوت النور الأصلية وكمان الضفيرة وكمان زودنا الأضائة.

الموضوع: سؤال بخصوص كتاوت النور في اللانوس

LinkBack

أدوات الموضوع

عرض

-

-

-

-

-

المواضيع المتشابهه

كتاوت النور

سلك البوجيه و كتاوت النور

النجدة ..مشكلة في cut - out ( كتاوت )النور

قبل و بعد كتاوت النور...بالصور!

كتاوت النور

الكلمات الدلالية لهذا الموضوع

المفضلات

المفضلات

ضوابط المشاركة