عرض للطباعة
بصراحه انا سمعت كلامك وروحت الحرفين وطلبت منهم يقرطو على علبه الدريكسون علشان التخبيط الي في العفشه قعدو يضحكو عليه قالو(ايه ياعم انت اول مره تركب عربيه مين الي قال ان انت عندك اصلا علبه دريكسون انت يابيه علشان محدش يضحك عليك ههههههههه) ده الي حصل بالضبط سيبتهم وروحت التوكيل قالو نفس الكلام فين ياعم الريس المسمار الي عند المقص الشمال ده مافيش غير لقلاش للا سكتره وده مابيتظبتش دلوقتي لان محتاج ان الاسكتره تطلع بره وتتظبط
من الاخر مافيش علبه دريكسون فيه اسكتره يابشمهندس:dontudear:
حضرتك رحت اي توكيل بالضبط؟؟ و المهندس اللي اتعاملت معاه اسمه ايه؟ لأن كده بصراحه تهريج و موضوع ميتسكتش عليه
حبيبى علبة الديريكسيون والاسكاترا هما اسمين لشئ واحد ،لو انت بتتكلم عن صنى شكل 2002-2008 فانا عارف انا بتكلم عن ايه بالظبط، هطلب منك 3 اشياء تعملهم
1- اقرا الموضوع ده http://www.nilemotors.net/Nile/showthread.php?t=69 علشان تفض الاشتباك اللفظى بتاع السكاترا ده
2- هات لى العربية مدينة نصر وانا هظبطلك علبة الديريكسيون(السكاترا علشان خاطر اسيادنا الميكانيكية ميزعلوش) بنفسى وبدون مقابل
3- لما تجيب لى العربية هصور لك مكان المسمار بالظبط بالموبايل علشان تاخد الصورة تحطها فى عين اى جاهل بيفتى وهو مش فاهم حاجة او نصاب عايز ياخد منك مصاريف صيانة من غير ما يشتغل
انا مش بتكلم عن حاجة اتحكت لى او قريتها او سمعت عنها، انا بتكلم عن حاجة عملت بايدى اكتر من مرة
ودى يا عم رسمة علبة الديريكسيون(اسف قصدى اسكاترا بدل ما اولياء الله المكيانيكية يتهمونى بالخطأ فى المقدسات) بتاعة الصنى، قصيتها لحضرتك من مانيوال صيانة الصنى ورفعتهالك مخصوص على النت وفيها سهم مبين مكان المسمار اللى يبدو انه مش بيظهر لحد غير انا واللى عمل كتالوج صيانة النيسان، زى هاميس اللى محدش كان بيشوفها غير رشدى اباظة بس
http://up.haridy.org/storage/steering_gear_sunny.JPG
كارثة ميكانيكية مصر انهم مثال صارخ لمصيبتنا الشهيرة اللتى تتلخص فى ان اللى مبيعرفش بيتكسف يقول معرفش ومش بس يفتى وهو مش مش فاهم، لا كمان يتريق على اللى جايبله معلومة صح
طيب التيدا عاندى نفس المشكلة الدركسيون مش مظبوط خالص بمعنى انه مالهوش مكان ارتكاز وطبعاً فى المطباط بسمع صوت تخبيط من الدركسيون او علبة الدركسيون
غالبا نفس الشئ، والتيدا بدورها لما مسمار ريجلاش هى الأخرى لأنى بصيت عليه فى مرة وحيدة اتيح ليا فياه انى اشوف التيدا من تحتاقتباس:
المشاركة الأصلية كتبت بواسطة karaktar
روح لحد يقفلهولك شوية، بس روح لحد بيفهم الله يرضى عليك
اعتقد من الرسم اللى الموجود ان الصامولة دة موجود عند المقص اليمين .
ولا اية رايك وشكرا على معلوماتك المفيدة والمهمة .
معنديش غير التوكيل همه اللى بروحلهماقتباس:
المشاركة الأصلية كتبت بواسطة sab3aawy
اقتباس:
المشاركة الأصلية كتبت بواسطة sab3aawy
يا سبعاوي انت عارف ان الميكانيكيه بيطلع منهم افتكاسات كتير غريبه.. بس اللي اقدر اقولهولك ان العربيه النيسان دي مراحتش و لا لميكانيكي و لا التوكيل (وفي الغالب العربيه مش موجوده اصلا) فكبر دماغك
lمشكور جدا ياخي سبعاوي وانا اسف جدا للتعب الي تعبته لحضرتك ممكن تديني رقم موبايلك لو معندكشي مانع واكون شاكر جدا ليك
حضرتك لوا وقف وشك للعربية من قدام، يعنى واقف امام الفوانيس الأمامية، ديريكسيون العربية هيكون على انهى ايد بالنسبة لك...اليمين (جربها وهتلاقى كلامى صح) ومع كدة احنا بنقول ان الديريكسيون شمال، والباب اللى جنبه(بتاع السواق) شمال ، والفوانيس اللى فى نفس الناحية شمال(لو الفانوس اللى ناحية السواق اتكسر وانت رحت لبتاع قطع الغيار وقلت له ادينى فانوس يمين وجيت تركبه مش هيركب، مع انه فى اللحظة اللى انت واقف فيها امام العربية هيكون على ايدك اليمين) وبرضه العجلتين اللى ناحية الديريكسيون اسمهم شمال قدام وورا، والمساعد اللى راكب على الاطار اللى ناحية الديريكسيون اسمه المساعد الشمال، ومثله تماما المقص بتاع الاطار اللى راكب ناحية الديركسيون ، اسمه مقص شمال، كل ما هو ناحية السائق اسمه شمال، مع انه يقع على ايدك اليمين لو انت واقف امام السيارة، نفس الفكرة، لو تخيلنا ان السيارة شفافة وكل اللى جوا حوض الموتور باين ، لو انت واقف قدامها هتبقى شايف علبة الديريكسيون بنفس الوضع اللى قدامك فى الصورة ده كدة، صامولة الريجلاش فى الناحية اللى على ايدك اليمين لكنها تحت كرسى السائق فى شمال السيارة، لانه ببسطة راكبه فى نفس النقطة اللى بيلتقى فيها عمود طارة الديريكسيون بعلبة الديريكسيون، وزى ما انت عارف ان عمود الطارة جاى من الطارة اللى فى الشمال(باعتبار اننا فى مصر حيث السيارات عجلات قيادتها على يسار السيارة) يبقى المقص اللى عندها هو المقص الشمال...وللا ايه رأيكاقتباس:
المشاركة الأصلية كتبت بواسطة aymanezze
الصراحة يا بشمهندس سبعاوي ... كلامك كله كنوز بجد ...
مفيش كلمة مفهاش استفادة ... ربنا يزيدك ويباركلك
أنا إن شاء الله هجرب الموضوع عندى في التويوتا وأحاول أصوره إن شاء الله
بس سؤال ... هل هناك ضرر من تكرار الموضوع ده ؟
والمسمار بتاع الرجلاش ده مقاسه كام ؟ ولا بيتعمل ببنسة ؟
فى معظم العربيات اللى قابلتها كان 24 ، لكن هذة ليست قاعدة، عموما انا فى العربية الشاهين كنت بعمله ببنسة عادية جدا وبدون النزول تحت العربية لكن بمجرد الأنحناء بجانب العجلة اليسرى لأن المكان كان واسع بما يكفى، لكن فى العربية النسيان الأمر بيستلزم رفع السيارة والنزلو تحتها واستعمال كلابة رباط رفيعة او مفتاح بلدى 24 لان المكان ضيق للغاية، هى جننتنى علشان اعرف اطولها اول مرة، تكرار الأمر غير ضار بشرط انك تكرره لما تكون محتاج له فعلا، لأن انت ببساطة بتكررها كلما تآكلت الحشوه قليلا ، لحد ما يجيلها يوم وتخلص وتبقى محتاج حشوه جديدة، وفيه عربيات مافيهاش السترينر ده اصلاه، يعن مثلا العربية الماروتى بتاعة زوجتى مافيهاش، لذلك انت محتاج اولا تعرف عربيتك فيها وللا لأ، المكان لا يختلف من سيارة لسيارة دايما بيكون فى منطقة التقاء عمود عجلة القيادة بعلبة الديريكسيون ،اقتباس:
المشاركة الأصلية كتبت بواسطة Abdo_Eldesokey
بارك الله فيك يا مهندس سبعاوى
حضرتك يا باشمهندس سبعاوي ببتكلم في الموضوع ده من الموديل 2002 حتي 2008
هل الموضوع يختلف في الموديل 2009
شكرا
اقتباس:
المشاركة الأصلية كتبت بواسطة largeman
نفس الكلام فى 2009، السيارة ميكانيكيا مافيهاش اى اختلافات عن الموديل السابق سوى امكانية اضافة بعض الكماليات الألكتروميكانيكة مثل الabs والebd
بارك الله فيك يا سبعاوي باشا
انا ليه اكتر من 10 ايام بادور عن الموضوع ده عشان اعرف فين الريجلاش ده ونزلت تحت العربيه اكتر من مره عشان ادور على الريجلاش ده عشان عندى دبه مع المطبات على الطريق السريعاقتباس:
المشاركة الأصلية كتبت بواسطة sab3aawy
لكنى للاسف ملقتش اى ريجلاش فى المكان المشار اليه فى الصوره الى موجوده فى اول الموضوع
المكان الى فيه الريجلاش الموضح مغلق بنفس معدن الاسكاترا مع العلم انا معايه موديل 2009 واستلمها اول الشهر الحالى 7-2009
ممكن يكون غيرو نوع الاسكاترا -- جايز - (ياريت حضرك تتاكدلنا من وجود الرجلاش فى الموديل الجديد)
بس هيكون ايه الحل طالما مفيش رجلاش
وشكرا ليك استاذ سبعاوى
م/ اسلام
مفيش رد على الموضوع ليه فين الخبرا
:ask:
:36_1_50[1]:اقتباس:
المشاركة الأصلية كتبت بواسطة eslamenan
يا اهل الخبره فينكم انتو نمتو ولا صايمين
سوالى مفيش ريجلاش فى اسكترات موديل 2009 -و نزلت وشفت العربيه من تحت اكتر من مره لقيت مفيش
ايه الحل فى الخبطه الى فى العجله الشمال؟؟
افيدونى قبل لما اروح لصيانه 5000
يا جماعة سمعت من ناس كتير أن النيسان الصني تقيلة أوي في أعادة البيع يعني مبتتباعش بسهولة و إن أتباعت بتخسر كتيير زيادة عن اللزوم فيا ريت حد يرد عليا و يقولي الكلام ده صح ولا غلط عشان أنا بفكر أشتريها وداخلة دماغي بصراحة
الكلام اللى انت بتقوله ده تاريخ قديم يعود الى 4 سنوات مضت قبل بداية تصنيع الصنى فى مصر، اللى قاللك الكلام ده اكيد بعيد عن السوق من زمان ، موديل الصنى حاليا من اكتر الموديلات المطلوبة فى المستعملاقتباس:
المشاركة الأصلية كتبت بواسطة solta