استفسار عاجل بخصوص الكليسا

**أبوعائش** · 29-04-2009 12:58 PM

السلام عليكم ورحمة الله وبركاته
ده أول موضوع ليا هنا وسعيد اني بشارككم
انا ليا سؤال بخصوص البرودوا كليسا عشان هشتري واحدة ان شاء الله
واحد أعرفه معاه الكانشيل بيقول ان قطع الغيار غالية ومفيش غير من أوشين في الحرفيين واتنين في وسط البلد. وهما برضه غاليين أوي؟؟؟!!!
ثانيا بيقول انها ضعيفة وعفشتها وحشة؟؟؟!!!
ثالثا بيقول ان الكبوت بتاعها ضيق فمفيش ميكانيكي بيحب يحط ايده فيها عشان ساعات بيبقى مضطر انه يفك الموتور عشان يصلح حاجة (الفتيس مثلا)؟؟؟!!!

هل كل ده صحيح ولا لأ؟؟؟

**أبو عبدالله** · 29-04-2009 08:37 PM

المشاركة الأصلية كتبت بواسطة tamelhana

السلام عليكم ورحمة الله وبركاته
ده أول موضوع ليا هنا وسعيد اني بشارككم
انا ليا سؤال بخصوص البرودوا كليسا عشان هشتري واحدة ان شاء الله
واحد أعرفه معاه الكانشيل بيقول ان قطع الغيار غالية ومفيش غير من أوشين في الحرفيين واتنين في وسط البلد. وهما برضه غاليين أوي؟؟؟!!!
ثانيا بيقول انها ضعيفة وعفشتها وحشة؟؟؟!!!
ثالثا بيقول ان الكبوت بتاعها ضيق فمفيش ميكانيكي بيحب يحط ايده فيها عشان ساعات بيبقى مضطر انه يفك الموتور عشان يصلح حاجة (الفتيس مثلا)؟؟؟!!!

هل كل ده صحيح ولا لأ؟؟؟

أولا اهلا بك في المنتدى
ثانيا قطع غيار العربيه غاليه .... ايوه مقارنة بالفيات والعربيات اللي في سعرها ولكن تعتبر مش غاليه للعربيات الجديده ككل
ولكن بخصوص العمر الأفتراضي فده شئ أؤكدلك ان العربيه عمرها الأفتراضي عالي جدا وقطع غيارها كذلك
يعني قطع الغيار اللي غاليه دي مش هتغيرها كل شويه
فكرة غلو قطع الغيار تحسها في الحوادث لا قدر الله
اما استعمال عادي مش هتحس بحاجه ان شاء الله

اما بخصوص مكان الماتور ضيق والكلام ده
فده كلام واحد بيطفش وخلاص
اهه كلام بيتقال محدش بيدفع عليه فلوس

بص من الأخر العربيه دي لو عاوز تشتريها
اشتري واحده حالتها نظيفة علشان متتعبشي نفسك
او ممكن دايهاتسو ميرا برضه شغاله

**Sharky** · 30-04-2009 12:00 AM

المشاركة الأصلية كتبت بواسطة tamelhana

واحد أعرفه معاه الكانشيل بيقول ان قطع الغيار غالية ومفيش غير من أوشين في الحرفيين واتنين في وسط البلد. وهما برضه غاليين أوي؟؟؟!!!

كلام مظبوط لكن المفروض إنهم معمرين

المشاركة الأصلية كتبت بواسطة tamelhana

ثانيا بيقول انها ضعيفة وعفشتها وحشة؟؟؟!!!

فعلا هى ضيقة و دا نتيجة إنها أصلا سيارة صغيرة

المشاركة الأصلية كتبت بواسطة tamelhana

ثالثا بيقول ان الكبوت بتاعها ضيق فمفيش ميكانيكي بيحب يحط ايده فيها عشان ساعات بيبقى مضطر انه يفك الموتور عشان يصلح حاجة (الفتيس مثلا)؟؟؟!!!

دا صحيح و حصلى الكلام دا حصلى مع كذا ميكانيكى بالميرا بتاعة أختى

من الأخر محدش حيعرف يشتغل فيها غير اللى فهمها و دول قليلين فى البلد بس فيه واحد محترم أوى أسمه سيد الفراش بيفهم فيها كويس جدا و مكانه فى الحرفيين

**أبوعائش** · 30-04-2009 01:38 AM

المشاركة الأصلية كتبت بواسطة أبو عبدالله

أولا اهلا بك في المنتدى
ثانيا قطع غيار العربيه غاليه .... ايوه مقارنة بالفيات والعربيات اللي في سعرها ولكن تعتبر مش غاليه للعربيات الجديده ككل
ولكن بخصوص العمر الأفتراضي فده شئ أؤكدلك ان العربيه عمرها الأفتراضي عالي جدا وقطع غيارها كذلك
يعني قطع الغيار اللي غاليه دي مش هتغيرها كل شويه
فكرة غلو قطع الغيار تحسها في الحوادث لا قدر الله
اما استعمال عادي مش هتحس بحاجه ان شاء الله

اما بخصوص مكان الماتور ضيق والكلام ده
فده كلام واحد بيطفش وخلاص
اهه كلام بيتقال محدش بيدفع عليه فلوس

بص من الأخر العربيه دي لو عاوز تشتريها
اشتري واحده حالتها نظيفة علشان متتعبشي نفسك
او ممكن دايهاتسو ميرا برضه شغاله

جزاك الله خيرا انا بشتري جديد ان شاء الله...ادعيلي
ولو ممكن تقولي أمثلة على أسعار قطع الغيار؟؟

فعلا هى ضيقة و دا نتيجة إنها أصلا سيارة صغيرة

جزاك الله خيرا بس مش جاوبتني على العفشة؟؟؟؟؟

دا صحيح و حصلى الكلام دا حصلى مع كذا ميكانيكى بالميرا بتاعة أختى

من الأخر محدش حيعرف يشتغل فيها غير اللى فهمها و دول قليلين فى البلد بس فيه واحد محترم أوى أسمه سيد الفراش بيفهم فيها كويس جدا و مكانه فى الحرفيين

وده بيحصل في تصليح حاجات كتير ولا حاجات بعينها..اديني أمثلة ؟؟
ورأيك تنصح بيها ولا ايه؟؟؟

جزاكما الله خيراا

**Sharky** · 30-04-2009 08:58 AM

المشاركة الأصلية كتبت بواسطة tamelhana

جزاك الله خيرا بس مش جاوبتني على العفشة؟؟؟؟؟

العفشة بتاعاتها مش قوية قوى لكن معقولة

المشاركة الأصلية كتبت بواسطة tamelhana

وده بيحصل في تصليح حاجات كتير ولا حاجات بعينها..اديني أمثلة ؟؟

كان حصلى و انا بغير السيور و حصل للى قبلى فى تغيير الفتيس لكن لما روحت للمهندس سيد الفراش كان عارف يتعامل معها ومحتجناش نعمل كده تانى

المشاركة الأصلية كتبت بواسطة tamelhana

ورأيك تنصح بيها ولا ايه؟؟؟

لو عندك استعداد ان:
1- تركب سيارة صغيرة و هاتشبا ك
2- تعاملك يكون فى الحرفيين فيها فقط
3- تدفع اغلى من قطع غيار نفس السيارات اللى فى اسعارها شوية

يبقى توكل على الله