محتار بين Octavia A5, Peugeot 307SW or Opel Astra Station

**waleedabbas** · 23-09-2007 08:20 PM

بالنسبة لموضوع الايرباج فى البيجو اعتقد انه معظم او تقريبا كل الايرباج فى الدنيا لما بتفتح بيكون الحل ان التابلوه يتغير
من المعروف ان الايرباج بتفتح عن طريق انفجار لمادة متفجرة غالبا ديناميت وده بيؤدى لتدمير التابلوة فى معظم ماركات العربيات لان الايرباج مش بيفتح غير مرة واحدة وبعد كده بنروح نغير التابلوه فى التوكيل
ليا صديق كان معاه اوبل فكترا والايرباج فتح معاه مره راح صلحه ب 55 الف جنيه :shock:
وصديق تانى مهندس فى توكيل فولكس بيقولى ان اقل عربية فى فولكس لما الايرباج بيفتح مرة بتروح تصلحه ب 65 الف جنيه :shock: :shock: :shock:
يعنى فى النهاية تغيير التابلوة مع الايرباج فى البيجو مش عيب ده شئ اساسى فى اى عربية وسعره مش مبالغ فيه فى البيجو بالنسبة للماركات التانية
وبالنسبة لقطع غيار البيجو محدش يقنعنى انها اغلى من الاوكتافيا او من الاوبل :roll:
وبالرغم من كل ال قلته وبرغم حبى للبيجو وعشقى لموديل ال 307 بالذات لكن انا معجب بالاوبل استرا جدا واعتقد - رايى الشخصى - انى هختار الاوبل ومش هفكر فى اسعار قطع الغيار رغم غلوها الشديد لان ال بيركب سيارة اروبى عموما عارف ان قطع غيارها غالية ورغم كده مش بيتردد لانه عارف المقابل للغلو ده ومش بيفكر فى موضوع قطع الغيار ده

**معاذ الشرباصى** · 23-09-2007 08:23 PM

ال 307 هتبقى 308 قريبا جدا

الاوبل استرا ستايشن اختيار ممتاز فعلا

و بعدين كل العربيات اللى فى الفئة دى قطع غيارها غالية

**محمدايهاب** · 23-09-2007 09:10 PM

بص أنا رأي طبعا الأوكتافيا و معلش أنا لا أرى أنها تقارن و لا بالأسترا و لا بالبيجو 307
فئتها الأفنسيس و البريليانس جالينا و الباسات ( مع التحفظ )

**Ahmed Selim** · 30-09-2007 12:56 AM

A5 tab3an
el 3arabya di gameela we thabta gedan gedan
ana leya ta7afoz 3ala el faransawy 3amatan ( ana ma3aya megane II ) we ra2ey el sha7'sy en el 3arabyat el faransawy zay el 7areem el faransawy dala3 we rawshana bas mesh beta3et sho3'l beet :lol:
ma3alesh 3ala el mathal da bas begad da et2aly 2abl mageeb el Megane we masada2tesh bas da fe3lan 7a2e2y
el 3arabyat di matenf3nash fi masr

bel nesba lel opel astra, heya tab3an gamda we hayla kaman bas moshklethom en el tawkeel mesh kewayes, ana kan ma3aya opel vectra 97 we can't metala3a 3eeny 3alashan kol keta3 el 3éyar masry aw turky 7ata fel tawkeel specially el 7agat eli feha kawetsh, zay el gelab mathalan

**ibrahim_awwad** · 01-10-2007 10:25 PM

والله يا شباب انا مش عارف اقولكم إيه بس التوكيل بتاع أباظة مبهدل الناس فى توقيت التسليم انا حاجز من شهر ونص وباين عليا هاستنا كمان شهرين. وبعدين رغم حبى الشديد لشكل ال307 وكمان ال options التحفة اللى فيها لكن بجد أسلوب التوكيل مقلق جداً.
تصدقوا ان انا حجزت العربية برقم الموتور والشاسيه ولم جيت اتأكد من Options اللى فى العربية قالوى مش ها يقدروا يتأكدوا إلا لما العربيات توصل لأن عندهم مشاكل فى الناس اللى بتعمل الOrders .؟؟ تصدفوا ان ده مستوى توكيل بيشتغل فى أقل عربية عندهم سعرها فوق ال 150000 جنيه..

**Powert** · 02-10-2007 08:02 PM

غريبة أوي انك بتحجز برقم الشاشية اول مرة اسمع حاجة زي دي :shock: :?:

**PAYOO** · 04-10-2007 08:30 AM

يا أستاذ إبراهيم أنا برشحلك البيجو 307 لأنها من وجهة نظري مميزه جدا عن باقي الموديلات إللي حضرتك بتقارن بينهم وخاصة الأتساع الرهيب و السقف الحكايه إللي بيخليك فعلا قاعد في عربيه بانوراما
والأفتكاسه دي جامده جدا منهم لأن أي فتحة سقف في الدنيا مهما كانت في سياره ذات شهره عالميه إلا انها تعتبر مشكله في العربيه لأن فتحة السقف مهما كانت معزوله جيدا ومهما كانت محكمه لازم ولا بد أن يدخل لها الماء والتراب مع الزمن على الأقل أثناء فترة فتحها
أما بقى بيجو عملت لك أفتكاسه جامده جدا خليتك تشوف السما ههههههههههههههه وأنت قاعد جوه العربيه من غير ما تدر بالسقف نهائي ومن غير ما شعرك يتنعكش ولا يدخل لك تراب ولا يحزنون
أما بقى موضوع التابلوه ده فكده كده لو الإيرباج اتفتح يبقى لازم تغير التابلوه في أي ماركه أيا كانت وأنا عمي عنده بريليانس "جالينا" لما فتح منه الإيرباج دفع 60 ألف جنيه عشان يغير التابلوه (بس التأمين تحمل 75% من القيمه المدفوعه وعمي دفع 25%) ولو أنت عاوز توفر فلوس تغيير التابلوه يبقى ممكن تلحم الجزء إللي هايخج منه الإيرباج (لكنك سوف تفقد وظيفة الإيرباج نهائيا بعد ذلك) ولا انصحك بذلك

الهم اتوكل على الله وهات العربيه إللي تعجبك بس المهم تبقى تقول لنا رسيت على ايه عشان نبارك لك

**ibrahim_awwad** · 04-10-2007 09:43 PM

مساء الفل على الجميع انا لسه مستنى التسليم فى البيجو، بصراحة انا كنت هاجيب الأوكتافيا بالأخص ان فى معارض عاملة عليها تخفيض حوالى 4000 جنيه علشان الموديلات الجديدة 2008 نازلة بس بصراحه كل اما شوف البيجو باضعف جداً بسبب جمال العربية و خطوطها الإنسيابية والبانوراما وكمان فيها كل الأوبشنز اللى فى أى عربية جديدة. أنا انشاء الله مستنى ميعاد التسليم انشاء الله. وبالنسبة لموضوع رقم الشاسيه، انا كنت حاجز لون معين وكان لازم يحجزوا والعربية فى مرسيليا علشان كده ادونى رقم الشاسيه والموتور بس يا جماعة التوكيل فى مشاكل الناس اما بتستلم العربيات بتكتشف ان فى بعض الكماليات ناقصة وبيضطر التوكيل يديهم تخفيض علشان يخلصوا من العربية.
بجد انا مش عارف ليه التوكيلات فى مصر ما بتحترمش العملاء بتوعهم. يلا ادعولى انشاء اللع بالتوفيق

-

الموضوع: محتار بين Octavia A5, Peugeot 307SW or Opel Astra Station

LinkBack

أدوات الموضوع

عرض

-

-

-

المواضيع المتشابهه

Which is better in travelling (Opel Astra or Peugeot 307 or 308)

vauxhall astra & opel astra

Octavia A5 or Peugeot 307SW Please HELP

Opel Astra Station Or Peugeot 307 SW Or Octavia A5 Combi

Peugeot 307SW Automatic

الكلمات الدلالية لهذا الموضوع

المفضلات

المفضلات

ضوابط المشاركة