انتبه فرامل ال ABS تزيد من مسافة التوقف

**د.محمود صلاح** · 22-09-2007 02:00 AM

هل تعلم ان نظام الفرامل المانعة للانغلاق ال ABS تزيد من مسافة التوقف بالمقارنة بالفرامل العادية ( جربت ذلك بنفسى ) وهل تعلم أنها فى الطرق الوعرة لا تكبح السيارة نهائى ( أقصد الطرق التى بها تعرجات مثل مطبات صغيرة متتالية ورا بعض - حدث معى أن كنت ماشى بسرعة 70 وفجأة ظهر أمامى مزلقان الاسفلت قبله كان متموج مثل أمواج صغيرة ضغطت على الفرامل بكل قوة فضلت تنبض ولم تخفف السيارة سرعتها نهائيا وأكلت المزلقان بكل سرعتى -
ما رأيكم هل هو مجدى فعلا بالذات أن ليس عندنا ثلج أو أمطار تجعل الطرق مزحلقة

**fahd_628** · 22-09-2007 02:17 AM

ضغطت على الفرامل بكل قوة فضلت تنبض

لازم تفضل دايس فرامل و متشيلش رجلك :)

ما رأيكم هل هو مجدى فعلا بالذات أن ليس عندنا ثلج أو أمطار تجعل الطرق مزحلقة

والله فية مواقف بتنفع فيها جامد يعنى مثلا مرة على البحر فى الشتاء و كان فية مطر و طبعا الطرق زلقة بس مش اوى يعنى مش جليد و واحد بشاهين قام واحد قدامة واقف مرة واحدة و طبعا بتاع الشاهين قام ضارب فرامل و محود و لكن للأسف العربية محودتش بما فية الكقاية لأن طبعا العجل الى قدام قافش و خبط بس مكنتش خبطة جامدة الحمد لله و محصلش خساير جامدة

**khalid_adel** · 22-09-2007 05:22 AM

يا اخ محمود ياريت تتأكد من كلامك كويس قبل ما تعمل موضوع كده وبتحذر الناس فيه كمان
المهم انا شفت قبل كده كذا احصائيه وفيديو بيقارن فيه بين الفرامل العاديه والايه بي اس على اسفلت وثلج وكده وطبعا بيوضح كفاءه الاي بي اس
ده غير انك بتفرمل وممكن تحود او تتفادي حد لاقدر الله وبجد حصل معايا مواقف كتير بسبب الموضوع ده والحمد لله ربنا بيستر ثم الاي بي اس
هو كل الحكايه انك لما بتفرمل عادي العربيه بتكلبش والكاوتش بيفضل يكحط جامد فابتحس ان الفرمله جامده وقويه :twisted: اما الاي بي اس مش بيعمل كل الهرجانات دي ومش بيحسسك بحاجه غير النبض اللي على دواسه البنزين فتحس انك مفرملتش او الفرامل مش جامده يعني زي التانيه
سؤال بيدور في دماغي من زمان ياتري لو فرملت جامد بي مرسيدس ولا بي ام بيحصل فيها النبضات في دواسه الفرامل كده ولا لأ ؟؟؟ :?: :?

**Ahmed Hassan** · 22-09-2007 12:57 PM

المشاركة الأصلية كتبت بواسطة محمود

هل تعلم ان نظام الفرامل المانعة للانغلاق ال ABS تزيد من مسافة التوقف بالمقارنة بالفرامل العادية ( جربت ذلك بنفسى ) وهل تعلم أنها فى الطرق الوعرة لا تكبح السيارة نهائى ( أقصد الطرق التى بها تعرجات مثل مطبات صغيرة متتالية ورا بعض - حدث معى أن كنت ماشى بسرعة 70 وفجأة ظهر أمامى مزلقان الاسفلت قبله كان متموج مثل أمواج صغيرة ضغطت على الفرامل بكل قوة فضلت تنبض ولم تخفف السيارة سرعتها نهائيا وأكلت المزلقان بكل سرعتى -
ما رأيكم هل هو مجدى فعلا بالذات أن ليس عندنا ثلج أو أمطار تجعل الطرق مزحلقة

مسافه التوقف للعربيات المزوده بالـ ABS ممكن تزيد عن العربيات العاديه في حاله واحده بس, و هي لما يكون الطريق غير ممهد او وعر "به مطبات متتاليه زي ما حضرتك قلت" و مع ذلك فالنتيجه النهائيه لصالح الـ ABS لأن بيفضل عندك ميزه التحكم STEERING.

في الطرق الممهده الـ ABS افضل بجميع المقاييس و مسافه التوقف اقصر. اهم حاجه متشيلش رجلك من على الفرامل لما تحس بالنبضات.

**Sharky** · 22-09-2007 03:29 PM

في الطرق الممهده الـ ABS افضل بجميع المقاييس و مسافه التوقف اقصر. اهم حاجه متشيلش رجلك من على الفرامل لما تحس بالنبضات.

+1

**د.محمود صلاح** · 22-09-2007 04:26 PM

هو كل الحكايه انك لما بتفرمل عادي العربيه بتكلبش والكاوتش بيفضل يكحط جامد فابتحس ان الفرمله جامده وقويه

هو ده السبب اللى بيخلى الفرامل العادية مسافة توقفها أقل من مسافة توقف الفرامل ال ABS وده كلام معروف وأكيد وهو للتنبيه وليس للتحذير ولا شك أن ال ABS له فوائد كبيرة فى الطرق الزلقة
شكرا

**د.محمود صلاح** · 22-09-2007 04:33 PM

في الطرق الممهده الـ ABS افضل بجميع المقاييس و مسافه التوقف اقصر. اهم حاجه متشيلش رجلك من على الفرامل لما تحس بالنبضات.

اسمح لى اختلف معك فى الرأى مسافة توقف الفرامل ال ABS اكثر من الفرامل العادى لأن الفرامل العادى تجعل الكاوتش يحك فى الاسفلت اما ال ABS فلا يحك نهائى فى الاسفلت حتى لو ضغطت بقوة إلا فى حالة واحدة - أنا مش متأكد من هذه المعلومة - فى حالة اذا ضغطت بقوة رهيبة على الدواسة فان نظام ال ABS يتعطل وينتج حك للكاوتش على الاسفلت
نحتاج رأى مهندسين سيارات أو مجربين
وشكرا

-

-

-

الموضوع: انتبه فرامل ال ABS تزيد من مسافة التوقف

LinkBack

أدوات الموضوع

عرض

-

-

Re: انتبه فرامل ال ABS تزيد من مسافة التوقف -

المواضيع المتشابهه

2011 دوج دورانغو: تعود بعد عامين من التوقف

أرجوك..التوقف فجأة مش قرارك لوحدك

ياتري بتستخدم أي أسلوب في التوقف بالاشارات ؟؟

اكبر مسافة

صوت فرامل بعد التوقف Ford Focus

الكلمات الدلالية لهذا الموضوع

المفضلات

المفضلات

ضوابط المشاركة