صيانة ال35 الف كم وتغير جوان غطاء التكيهات
السلام عليكم ورحمه الله وبركاتة
كنت عملت موضوع سابق بخصوص وجود زيت على الموتور
http://www.nilemotors.net/Nile/showthread.php?t=71412
المهم روحت التوكيل يوم السبت علشان نشوف موضوع الزيت دة اية واعمل صيانة ال35 الف كم .
كنت شارى جركن زيت موبيل 1 ال4لتر وكان معايا "لزوم التوفير"...واكدت عليهم يحطوا 3لتر بس "وبرضوا حاطوا 3.3 لتر مش عارف ليه" بس حقيقى بتفرق بجد فى صوت الموتور واداء العربية عموما وانا بلغتهم بدة بعد كدة...
بعد الفحص وعمل الصيانة تم ابلاغى بالاتى
1-احتمل وجود مشكلة بجوان غطاء التكيهات وضرورة تغيريه بعد الفحص الذى لابد ان يتم فى فترة تكون العربية بيته عندهم "ودة علشان مش عارف اية ميفقعش"
2-وجود خبطة فى كارتيرة الزيت من اسفل ووجود تنشيع زيت اسفل السيارة
وتم الاتفاق على انى اسلمهم العربية يوم الاحد اخار النهار واستلمها منهم الثلاثاء ظهرا وفعلا حصل ...وطلبت منهم انهم يغيروا علبت الدريكسون المعدلة ودة محصلش.
يوم الثلاثاء ظهرا اتصلت بيهم وقولى تمام بس علبت الدريكسون اتاخرت ولما تيجى هنبقى نتصل بيك وتيجى علشان تغيرها قولتهم الباقى تمام قالوا تمام ...
روحت لقيت العربية الحمد لله تمام فعلا وقد تم تغير جوان غطاء التكيهات"ومش معروف على الاقل بالنسبة لى اية سبب انة يبوظ"
اما بالنسبة للى تحت العربيةابالفعل توجد خبطة فى الكارتيرة بس مش هى اللى بتسرب اللى بيسرب "على حسب مافهمت "الغطاء بتاع الفتيس كان مش مربوط كويس وهو اللى بيجيب الزيت وهما عملوة ...وفى الجزء دة الذات انا كنت عمال بقول من فترة ليهم ان الفتيس مش كويس وكانوا بيقولوا انه تمام بس الحمد لله دلوقتى بقى احسن كتير ورجع زى الاول ...والحمد لله
فى الصيانه دفعت 180 جنيه وكلها مصناعيات علشان انا جايب الزيت اما الباقى كله مدفعتش حاجه خالص وانا شايف ان دى حاجة كويسة جدا
انطباعى عن التوكيل الناس دى محترمه جدا جدا ومتعاونين جدا جدا وفعلا بيحاولوا انهم يعملوا كل اللى يقدروا عليه بس عندهم شويه مشاكل ممكن تتحل ودة ان شاء الله ممكن يحصل مع ناس عندهم استعداد يسمعوا مشاكل العملاء وكمان ينفذوا اللى بيشوفوا فى مصلحة العميل
شكرا دايهاتسوا مصر
وشكرا لحضراتكم...بالمناسبة لما اتصلوا بيه بعد صيانة ال35 ودة كان يو الاحد قولتهم على مشكلة الغلاء الغريب لقطع الغيار وعدم توافرها واختلاف اسعار المصنعيات بين العبور ومركز الزرق فى اسكندريه لمصلحة مركز الرزق واتمنى انهم يعملوا حاجة...
اة معلش اخيرا المرايا اليمين عندى اتكسرت الكف بس وانا هناك سألت عليه طلع ب190 تقريبا دة بالضرايب
شكرا