واحد قابلني في وشي ماشي عكس الاتجاه واتمسك!!!!!!!

وانا ماشي النهارده في شارع السلطان حسين في اسماعيليه وللناس الي مش عارف اسماعيليه ده شارع رئيسي في اسماعيليه

المهم

لاقيت بدون مقدمات عربيه يارس ملاكي القاهره جايه عكسي في وشي وجاي دايس لاقيت امين طلع وراه ووقفه قدام الكبوت عندي متخيلين المنظر وفي شارع رئيسي والساعه 9 بليل يعني البلد فيها حركه لسه:10D5C8~1107:

الضابط جه ورجعه وقله كده غلط وده عكسي وجه قلي معلش علشان هوه من القاهره ومش عارف الطريق قلتله ولا يهمك وانت راجل محترم علشان نصحته كده وسيبته

تحيه بجد للضابط مرور الاسماعيليه


بعكس الي حصل لواحد صحبي في مصر:I_angr1[1]:

دخل حته عكسي الساعه 4 الفجر جنب رمسيس والطريق فاضي طلعله ضابط من تحت الارض واخده مخالفه عكس الاتجاه وحبس وقله ادب.بس الحمد الله خلصت(انا اصلن من القاهره يا جماعه بس قاعد في اسماعيليه علشان محدش يقول اني بشتم في القاهره ومرورها)

بس بجد فرق الموقفين مذهل بجد

الضابط بتاع الاسماعيلية دة راجل محترم بس فى سؤال هل الشارع دة فى اى حاجة بتوضح انة اتجاة واحد ولا هو شارع معروف واى حد غريب مش مشكلة يدخل عكس ويتحبس لو ضابط رخم (وما اكثرهم قابلة ) ورمسيس وبعض المناطق المهمة فى البلد معروف انهم موجودين فيها وبيطبقوا القانون 24 ساعة و فى مناطق تانية تحس انها مستقلة بذاتها وملهاش دعوة بيهم وعربيات اجرة من غير نمر وسواقين تحت السن القانونى عادى

باينه جدااااا شارع رايح وشارع جاي وبينهم جزيره

انا اصلن مش عارف هوه دخل ازاي كده الا بقه لو افتكر اسماعيليه ماشيه زي بريطانيا :star1:

اقتباس:

---

المشاركة الأصلية كتبت بواسطة ramylanos

باينه جدااااا شارع رايح وشارع جاي وبينهم جزيره

انا اصلن مش عارف هوه دخل ازاي كده الا بقه لو افتكر اسماعيليه ماشيه زي بريطانيا :star1:

---

ههههههههه بمناسبة بريطانيا واحد صحبى كان فى قبرص وهما ذى انجلترا كدة وسايق عربية خالوا وراح دخل غلط مسك اليمين وخالو معاة راح لحقوا ورجعوا بسرعة جدا انا متخيل لو اتمسك فى قبرص من غير رخص وماشى عكس دة ممكن يدخلوا مستشفى الامراض العقلية

ربنا يباركله
انا لسه النهارده ماشى فى شارع فى المعادى اتجاه واحد وبصراحه كنت قارص ومش متخيل ابدا انى هلاقى قدامى ميكروباص جاى عكسى
ربنا ينتقم منه هو واللى زيه لانى كنت هلبس فيه لولا ستر ربنا
ومشى عادى ولا كأن فى اى حاجه غلط
هما دول حلال فيهم الحبس
لان ماحدش بيهمهم ابدا
واخدنها بلطجة

انا بردو من القاهرة و مقيم ف الاسماعيلية
و اتمسكت عكسى ف شارع الغابة و طبعا دة كلة عشان التحويلة غريبة الشكل الى عملوها بين الغابة و العشرينى و انا اصلا مش مركز انا لقيت نفسى طالع و ماشى عكسى ولا كأن فى حاجة و فجأة متوسكل مرور جاى فوشى و الحمد لله ربنا سترها و الموضوع خلص كدة منغير مشاكل الحمد لله الراجل كان محترم خالص ...

اقتباس:

---

المشاركة الأصلية كتبت بواسطة max_ziro

انا بردو من القاهرة و مقيم ف الاسماعيلية
و اتمسكت عكسى ف شارع الغابة و طبعا دة كلة عشان التحويلة غريبة الشكل الى عملوها بين الغابة و العشرينى و انا اصلا مش مركز انا لقيت نفسى طالع و ماشى عكسى ولا كأن فى حاجة و فجأة متوسكل مرور جاى فوشى و الحمد لله ربنا سترها و الموضوع خلص كدة منغير مشاكل الحمد لله الراجل كان محترم خالص ...

---

مرور اسماعيليه زي الفل

مش زي الوحوش بتوع مصر :I_angr1[1]::I_angr1[1]:

الحمدلله ان لسة فى امين شرطة امين على مصلحة الناس وبيقدر انه مش من البلد رغم انه شارع رئيسى زى ما بتقول
شكرا للرجال المرور المحترمين

اقتباس:

---

المشاركة الأصلية كتبت بواسطة ramylanos

بعكس الي حصل لواحد صحبي في مصر:I_angr1[1]:

دخل حته عكسي الساعه 4 الفجر جنب رمسيس والطريق فاضي طلعله ضابط من تحت الارض واخده مخالفه عكس الاتجاه وحبس وقله ادب.بس الحمد الله خلصت(انا اصلن من القاهره يا جماعه بس قاعد في اسماعيليه علشان محدش يقول اني بشتم في القاهره ومرورها)

بس بجد فرق الموقفين مذهل بجد

---

بس انا مش فاهمة فين قلة الأدب في ظابط إدى مخالفة لواحد ماشي عكس الاتجاه :11:

اقتباس:

---

المشاركة الأصلية كتبت بواسطة OlaOsman

بس انا مش فاهمة فين قلة الأدب في ظابط إدى مخالفة لواحد ماشي عكس الاتجاه :11:

---

اكيد الباشا قصده قله الادب فى القسم و بهدله الحبس مع الجرمين لحد ما خلص الموضوع

فعلا مرور إسماعيلية محترمين جدا
و بالاحظ هناك إلتزام أفضل فى المرور
و فعلا عملت كام غلطة و انا هناك من فترة و فوتولى على أساس إنى من بلد إسمها (القاهرة) الناس فيها مابيعرفوش يسوقوا

اقتباس:

---

المشاركة الأصلية كتبت بواسطة OlaOsman

بس انا مش فاهمة فين قلة الأدب في ظابط إدى مخالفة لواحد ماشي عكس الاتجاه :11:

---

قله الادب انه ما كانش عارف انها عكس اتجاه حضرتك

شكرا للرجال المرور المحترمين