الموضوع: ايه رايكوا في الريتمو موديل 88

كتييييييييييييير اوى اخرها مفروض 16 الف لوحالتها جيده جدا

صح على كلام mrghost السعر غالى انا كان قدامى واحدة ريتمو ريجاتا مو 85 كان مطلوب فيها 13,000
بس راحت لصاحب نصيبها و صاحبها ده بالفعل عايز يبيع غير اللى قايلك 20,0000 و العربيات رخصت
و إن شاء الله ربنا يوفقك فى الشراء

بلاش الريتمو أعمل معروف في اتنين عندنا في الشارع معاهم ريتمو وركننها مبيركبوهاش طب دي مش حاجه تدعو للتساءل ولا أيه وليه مابعوهاش أدي سؤال تاني وأجابته انها تقيله أوي في بيعها ومعليهاش الطلب هي والهبابة دي اللي أسمها بلو زفت نيز أقصد بلونيز أصلي بحب أدلعها

اضعف شاسية فى مصر شاسية حقير بيفتح دايما اوعى

طيب و ال 127 يا رجالة

بتاع الريتمو اختلفنا معاه
قولولي طيب ال128 موديل 90 تعملها كام لو حالتها سليمه

أعتقد من 18 ومتزدش عن 20ألف في أفضل حالتها

بالنسبه للسؤال عن ال127 أعتقد أها عربية مناسبة جدا طالما اللي سايقها ميتجننش بيها ويخلي باله أوي في الملفات عشان قوة الطرد المركزيه بتقلب أجدع عربيه فمابالك ال127 وكمان يخلي باله جدااااااااااااااااااااااا ااااااا في منازل الكباري أو أي منزل ايا كان وميمورهاش ويفضل مديها غيار لحد ميخلص المنزل ده غير أنها أقل مصاريفا من ال128 وأخيرا أحب أوضح ان الشاسيه بتاعها مش أقوي من شاسيه ال128 ولا حاجه كل القصه أن ماتورها خفيف وزن ماتور السيات تقريبا فبالتالي الحمل علي الشاسيه بسيط للغايه فمفيش فتح الشاسيه والموواويل بتاعة ال128......بس اكيد شاسيه ال128 ده ليه حل وألا مكانتش أعدت 40 سنه شغاله من أيام مأهالينا كانوا عيال في الجامعة