الاخوة الاعزاء
انا لسه مشترى سيارة f3r و كنت عايز استفسر عن العلامة اللى فى مراية الصالون
و كمان بحس ان العربية بتسخن لحد بعد النص بشوية و بعد كده المروحة بتشتغل ده عادى
عرض للطباعة
الاخوة الاعزاء
انا لسه مشترى سيارة f3r و كنت عايز استفسر عن العلامة اللى فى مراية الصالون
و كمان بحس ان العربية بتسخن لحد بعد النص بشوية و بعد كده المروحة بتشتغل ده عادى
عادى جداً أنا معايا نفس العربية وبيحصل معايا وسألت التوكيل قالولى عادى مدام بتبرد تانى ؟
طيب ايه العلامة اللى بتتغير تملى فى مراية الصالون
العلامه الي في المرايا دي بوصله
هى العربية دى تمنها كام موديل 2009 زيرو
انا لسة سائل على تمنها وهو اثنان وثمانون الف جنية مصري كاملة اتوماتيك وفتحة سقف
بصراحة يا جماعة انا نفسي حد من اللي اشترى العربية byd f3 يقولي قرار نهائي اشتري العربية دي ولا ....لأ لاني بصراحة محتار جدا العربية عجباني جدا وكماليتها عالية جدا بس انا خايف وخصوصا من موضوع الوكيل الفاشل ... برجاء حد يرد عليا بسرع ويديني قرار نهائي:36_1_34[1]:
العربية جميلة جدا
و التوكيل مش فاشل زى ما الناس بتقول بالعكس انا رحت لاقيت معاملة جيدة جدا جدا اه ممكن تتأخر هناك شوية و بيبقى يوم ضايع بس فى الاخر ناس محترمة العربية بتخرج كأنك لسه مستلمها
هى فيها عيب وحيد هى تيل الفرامل و عايز اقول على حاجة عرفتها من هناك
العيب مش فى التيل نفسه العيب ان الطنابير حديد فبتالى لما بتصدى الصدى بينزل على التيل بيبوز التيل و الطنابير علشان كده ممكن تغير الطنابير و التيل مع بعض بتويوتا بس طبعا بعد ما يجيبوا اخرهم
و الله المستعان
العربية ممتازة و دا رأى بعد أستعمال 11000كم و الصيانة بجد ممتازة وده فى مركز الصيانة بالأسكندرية .هناك مدير مركز الصيانة أسمه مهندس أسامة لايبخل بأى جهد لحل أى مشكلة و الحمد لله لغاية دلوقتىأى حاجة طلبتها أو أى مشكلة فى العربية أتحلت , ولكنى لسه عند رأى فى موضوع التسويق أن التوكيل فاشل فى البند ده
السلام عليكم استاذ/ حسن والاستاذ/ اسلام انا شاكر ليكم جدا على اهتمامكم والرد عليا وربنا ان شاء الله يباركلكم في العربيات وربنا يسهل قريب اكون عضو جديد اضم لملاك سيارة BYD ودة بفضل تشجيعكم ...وشكرا:S_thum1[1]::S_thum1[1]:
السلام عليكم انا حابب أقول حاجة
أنا شايف إن العربية الصيني عاملة زي البطيخة ممكن و ممكن المشكلة إن الشكاوي مش من حاجة واحدة كل واحد ليه شكوى غير الثاني لكن في الشكل العام هي كويسة انا جبتها لما لقيت المتور متسوبيشي و إتضخ بعد كدا إنو بياكل البنزين أكل و لقيت إن كل مواتير المتسوبيسي 2005 إلى 2007 كلها كدا دي أول صدمة
أنا ماشي بالعربية دلوأتي 18500 كيلو و انا كالأتي مغير المساعدين الخلفية و الكبلين الأمامي و لما كان عندي مشكلة في علبة البيئة بتاعة الشكمان رحت كان المفروض يغيروها لكن الحصل راحو مكسرين الكربون إلى جوة و ركبو العلبة تاني إهمااااااااااااااال
مروحة التكيف الأمامي عن تجربة بتعمل تزميتة في العربية و الي مش واخد بالة يفصلها ويشغل التكيف و يشوف الفرق و كمان مغير الطنابير الأمامية و رحت غيرت التيل على حسابي جبت تيل الكورولا خدو بالكو محدش يقول العيب منك انا مش هبوز طنابير و مساعدين من 18000 كيلو محدش بيعمل كدا انا نفسي أخلص منها بس الحقية التكيف ممتاز و الثبات ممتاز و الوسع ممتاز بس مشعارف سبحان الله انا ماحبتش أروح اجيب حاجة بقسط علشان الشك في موضوع البنك انا جايب الكاملة مه فتحة سقف
ربنا يستر و الصيانة في توكيل القاهرة أسوأ ما يكون أسوأ ما يكون و شكرا و أسف على الإطالة
الصراحة أنا رحت مركز صيانة الأسكندرية وكانوا فوق الممتاز بجد وده بعد ما سمعت من الزملاء اللي بيشتكوا من فرع القاهرة
والمهندس أسامة هناك ربنا يبارك فيه إهتم بكل ملاظاتي وأشرف علي عمل الصيانة
فنصيحة للي عاوز يبعد عن مشاكل فرع القاهرة عليه بفرع الإسكندرية ومعلش هو مشوار بس أنا إعتبرته فسحة وقعدت يوم هناك لحد ما نحاول نشوف حل مع الإدارة العليا في الشركة بخصوص تجاوزات فرع القاهرة لحقوق العملاء
اقتباس:
المشاركة الأصلية كتبت بواسطة tahan
ليا صديق معاه العربية و قرب من ال 10000
و عايز يعرف صيانة ال 10000 بكام لو حد عاملها قريب فى اسكندرية
اقتباس:
المشاركة الأصلية كتبت بواسطة hassan_mohamed21
أنا كنت في فرع إسكندرية من يومين بس كنت باعمل صيانة الـ 1000 كم بس سألتهم عن صيانة ال10000 كانت حوالي 80 جنيه بخلاف ثمن الزيت والفلتر حسب النوع اللي يختاره أنا مثلا باحط موبيل1 ثمنه 235جم والفلتر 40جم
وإن شاء الله لما الزملاء يكملوا الإستفتاء علشان تفصيل قسم مخصص للـ [caps]BYD[/caps]
حنعمل موضوع بالتنسيق مع التوكيل يكون فيه معظم أسعار قطع الغيار والصيانات المختلفة بس لازم أولا نعمل قسم مخصص للـ [caps]BYD[/caps] لوحدها
فياريت حضرتك تبلغ كل محبي السيارة يصوتوا في الموقع ده:
[grade="FF4500 4B0082 0000FF 000000 F4A460"]
http://www.nilemotors.net/Nile/showthread.php?t=79841
[/grade]