احدث ملاك byd f3 r

**hassan_mohamed21** · 30-04-2009 11:17 PM

الاخوة الاعزاء
انا لسه مشترى سيارة f3r و كنت عايز استفسر عن العلامة اللى فى مراية الصالون
و كمان بحس ان العربية بتسخن لحد بعد النص بشوية و بعد كده المروحة بتشتغل ده عادى

**bateka555** · 05-05-2009 01:27 PM

عادى جداً أنا معايا نفس العربية وبيحصل معايا وسألت التوكيل قالولى عادى مدام بتبرد تانى ؟

**hassan_mohamed21** · 06-05-2009 10:07 AM

طيب ايه العلامة اللى بتتغير تملى فى مراية الصالون

**wahba** · 26-05-2009 10:07 PM

العلامه الي في المرايا دي بوصله

**alisleman** · 06-06-2009 02:41 AM

هى العربية دى تمنها كام موديل 2009 زيرو

**tahan** · 06-06-2009 08:51 PM

انا لسة سائل على تمنها وهو اثنان وثمانون الف جنية مصري كاملة اتوماتيك وفتحة سقف

**tahan** · 06-06-2009 09:02 PM

بصراحة يا جماعة انا نفسي حد من اللي اشترى العربية byd f3 يقولي قرار نهائي اشتري العربية دي ولا ....لأ لاني بصراحة محتار جدا العربية عجباني جدا وكماليتها عالية جدا بس انا خايف وخصوصا من موضوع الوكيل الفاشل ... برجاء حد يرد عليا بسرع ويديني قرار نهائي

**hassan_mohamed21** · 07-06-2009 10:15 AM

العربية جميلة جدا
و التوكيل مش فاشل زى ما الناس بتقول بالعكس انا رحت لاقيت معاملة جيدة جدا جدا اه ممكن تتأخر هناك شوية و بيبقى يوم ضايع بس فى الاخر ناس محترمة العربية بتخرج كأنك لسه مستلمها
هى فيها عيب وحيد هى تيل الفرامل و عايز اقول على حاجة عرفتها من هناك
العيب مش فى التيل نفسه العيب ان الطنابير حديد فبتالى لما بتصدى الصدى بينزل على التيل بيبوز التيل و الطنابير علشان كده ممكن تغير الطنابير و التيل مع بعض بتويوتا بس طبعا بعد ما يجيبوا اخرهم
و الله المستعان

**islamelesswi** · 07-06-2009 09:47 PM

العربية ممتازة و دا رأى بعد أستعمال 11000كم و الصيانة بجد ممتازة وده فى مركز الصيانة بالأسكندرية .هناك مدير مركز الصيانة أسمه مهندس أسامة لايبخل بأى جهد لحل أى مشكلة و الحمد لله لغاية دلوقتىأى حاجة طلبتها أو أى مشكلة فى العربية أتحلت , ولكنى لسه عند رأى فى موضوع التسويق أن التوكيل فاشل فى البند ده

**tahan** · 08-06-2009 01:23 AM

السلام عليكم استاذ/ حسن والاستاذ/ اسلام انا شاكر ليكم جدا على اهتمامكم والرد عليا وربنا ان شاء الله يباركلكم في العربيات وربنا يسهل قريب اكون عضو جديد اضم لملاك سيارة BYD ودة بفضل تشجيعكم ...وشكرا