النهارده انطلقت الساعه 9 الصبح انا و اخويه ..
علشان نروح الحرفيين نجيب مروحه للعربيه بدل الى بايظه ...
طلعنا الاول على الشغل و بعدين على الكليه و بعدين على القاهره و بعدين نزلنا الحسين و كل ده و الحراره تمااااااااااام مفيش مشاكل ..
وصلنا الحسين ..
ركنا العربيه هناك..
اخويه دخل الحسين و انا قعدت فى العربيه ..
و بالصدفه البحته بفتح الكونتاكت و ببص على عداد الحراره لقيته على الاحمر !!!!!!!!!!!
انا اتخضيت !!
قولت وش سلندر يا معلم !!!!!!
فتحت الكبوت بسرعه لقيت حر رهيب اكن ده فرن و انا بشوى بطاطا جواه
و لقيت مروحه التكييف شغاله و مروحه المتور مش شغاله !!!
قفلت الكونتاكت و المروحه برده شغاله !!!
مبقتيش عارف اعمل ايه!!
اول مره اتحط فى موقف زى ده
كلمت المهندس فادى زميلنا هنا فى المنتدى و شغال فى العربيات الاوبل
قالى على فيشه كده احركها من مكانها يمكن المراوح تفصل او تشتغل او اى حاجه بس مفيش فايده !!!!
قعدت احاول فيها و مفيش فايده ...
فيييييييييييييييييييييييي ن
الحراره نزلت
و المهندس فادى ربنا يخليه قالى امشى بيها بقى و ركز مع الحراره لحد ما توصل الحرفيين !!!!
و بالفعل !!!
اخويه هو الى كان سايق
العربيه تمشى 5 دقايق و الحراره ترجع للاحمر تانى
نركن و نفتح الكبوت و نقف ييجى ربع ساعه فى الشمس و الحر !!!
خدنا صلاح سالم فى حوالى 3 ساعات !!!!!!!!!!!!!!!!!!!
و كملت بقى بان اخويه غلط فى الطريق كذا مره !!
و لفينا لف ملوش اول من اخر
و بعد عناء شديد
وصلنا الحرفيين و نزلنا عند هانى العايدى !!
و مصطفى فاروق حبيبى جالى هناك
و غيرنا المروحه و خدت مروحه المانى استعمال خارج ب 500 جنيه و خد بتاعى ب 100 جنيه !!!
و مصطفى ربنا يكرمه مسابنيش هناك و فضل معايا لحد ما خلصت ...

و احلى حاجه فى اليوم كانت مكالمتى للمهندس فادى و تعاونه معايا ربنا يخليه و قعدتى مع مصطفى و الوقت الى قضيناه مع بعض فى الحرفيين ..
بجد ناس محترمه جدا جدا و ربنا ما يحرمنى منهم .



و الحمد لله وصلنا البيت الساعه 12 بالليل !!
و محدش بيتعلم ببلاش !!!