الموضوع: ما سبب هروب الفرامل

لموضوع ده مهم جداا

هى دى عايزه كلام................

عايز اعرف ليه ساعات لما تيجى تدوس على الفرامل متلقهاش

من رأيى ......غير زيت الفرامل على طول......وخد هواء دورة الفرامل ..........وجرب مع الحرص الشديد .......ولو أستمر هروب القرامل ..........أعتقد حتحتاج تغير ماستر الفرامل الرئيسى

ازاى امنع المصيبه دى قبل ماتحصل

ربنا يسترها يا أخى .....وكن حزرا الى أن يتم الوصول للسبب وعلاجه صح

شكرا للمهندس سمير .... دايما سباق فى الرد بالاضافه ان روحه حلوه...وانا باتفق معاه فى تحليله للمشكله.

السبب هو وجود تسرب فى زيت الفرامل ووجود هواء فى الدوره نفسها. وزى ما احنا عارفين ان الهواء قابل للانضغاط فعند الضغط على دواسة الفرامل بينضغط الهواء دون حدوث قوى فرمليه. ومن أسباب حدوث هذه المشكله:
1- وجود قطع فى خراطيم الفرامل (بالذات العجل الامامى). وسهل اوى انم تعرف لو فى تسربات فى الزيت ... مستوى زيت الباكم بيقل - تلاقى اثار لزيت الفرامل على الكاوتش - الخراطيم - مساتر العجل

2-ان الكباس الموجود فى الماستر الرئيسى يكون فوت او فيه تاكل فبيهرب الزيت وما يكبسى كويس وممكن يدخل هواء الى الدوره ... فى الحاله دى ممكن تكون تنظيفه وصنفرته حل .. او تغييره بالكامل هو الحل النهائى
3- نفس الكلام بالنسبه لمساتر العجل لان كل شئ له عمر افتراضى

شكرا للمهندس سمير .... دايما سباق فى الرد بالاضافه ان روحه حلوه...وانا باتفق معاه فى تحليله للمشكله.

شكرا ليك يا أخى ......وبالفعل أنت مكسب وأضافه جديده لهذا المنتدى...................

_ ولكنى أريد أن أتحاور معك .....فى نقطة تواجد هواء فى دورة الفرامل........طبعا نقاش محبه ليس الا ذلك .......

_ ألا ترى لو كان هناك هواء فى دورة الفرامل ( مع كون الهواء مائع قابل للأنضغاط ) بأن ذلك سيجعل القوه الفرمليه ضعيفه بأستمرار .....وليس ساعات ساعات كما ذكر أخونا الفاضل..............

_ دا غير أن التسريب الخارجى ....المفروض يكون شافه وتأكد من مسنوى الزيت بالتنك ....وفحص جميع الخراطيم ......وهكذا _ طبعا ده تحاور بين الأخوه ولا أقصد منه شيئا ........

مهندس سمير ... شكرا على ردك الكريم

انا متفق معالك فى رأيك.... علشان كده انا بارجح انها مشكلة الكباس بتاع الماستر الرئيسى بمعنى انه فى تاكل غير منتظم او نوع من انواع الصدأ وانه بيهرب زيت لحظة الضغط عليه او ان الجسم الداخلى للماستر فيه بيضاوى وبالتالى ما فيش احكام كويس لكبس الزيت.

يا ريت نعرف ايه كان السبب من صاحب المشكله بعد تصليحها

شكرا أخى الفاضل على زوقك فى الرد ......والله أعلم فعلا بأيه السبب الفعلى ......لأن ممكن برضه تكون هناك معلومات لم تضاف من قبل الأخ / صاحب الموضوع ......ويكون السبب برضه أى شىء آخر غير زيت الفرامل أو أخفاق فى كفاءة الماستر الرئيسى ..........وطبعا الواحد مننا بيبنى رأيه على أساس المعطيات التى طرحت بالأستفسار.............................� �شكرك ياأخى

شكرا على الردود الحلوه

الموضوع ده حصل وانا ماشى على الطريق وربنا ستر
لانى كنت ماشى داخل المدينه والسرعه مش كانت عاليه
الاكصدام بس ضرب فى ميكروباص كان واقف قدامى
رحت للميكانيكى قالى التيل خلصان
وغيره + تشحيم

الهدف من الموضوع انى اعرف كل الاسباب المحتمله ..عشان الواحد ياخد باله وميتكررش الموضوع ده تانى
ان شاء الله

شكرا لمعرفة سبب المشكله

بس على فكره لما المشكله دى بتحصل عادة ما بنسمع صوت صفاره لما بتفرمل. لان التيل لو متاكل اوى البرشام هايحك فى الطنابير وممكن يبوظها (يعمل بيضاوى) وفى اللحظه دى هاتبقى محتاج تخرط الطنابير.

علشان كده فى السيارات الحديثه بيتم وضع حساس لتحذير السائق (من خلال لمبه فى التابلوه) بقرب انتهاء تيل الفرامل وغالبا بيوضع حساس معاه لقياس درجة الحراره الناتجه عن الفرامل وفكرته موضحه فى الصوره