ستروين c4 vs استرا انجوي vs سيات ليون

**halim81** · 01-05-2009 03:35 AM

سلام عليكم يا جماعة , بعد تفكير كبير و بحث شاق , انحسرت اختياراتي لسيارتي الجديدة انشاءالله بين ثلات سيارات و هما ستروين c4 , أسترا انجوي , سيات ليون . التلاتة بالنسبة لي رائعين . أرجو من أهل الخبرة انهم يعقدوا ليا مقارنة بين التلات عربيات لأني في حيرة شديدة اختار انهي فيهم و شكرا مقدما علي أي رد .

**eng/muhamad** · 01-05-2009 11:08 AM

اولا اسمحلى ارفع القبعه لحضرتك على اختيارتك
اولا انا مش هقدر اشارك براى غير من ناحيه الشكل فقط
لو حضرتك عند استعداد تشترى C4 كوبيه 2 باب يبقى هى احسنهم شكلا
لكون لو حضرتك عاوز حاجه 4 باب يبقى الليون

**EslaM_NagY** · 01-05-2009 11:40 AM

Leon 4 eveeeeeeeeeeeeeeeeeeeeeeeeeeeeeeeeeeeeeeeeeeeeeeee eeeeeeeeeeeeeeeeeeeeR

**halim81** · 01-05-2009 02:18 PM

المشاركة الأصلية كتبت بواسطة eng/muhamad

اولا اسمحلى ارفع القبعه لحضرتك على اختيارتك
اولا انا مش هقدر اشارك براى غير من ناحيه الشكل فقط
لو حضرتك عند استعداد تشترى C4 كوبيه 2 باب يبقى هى احسنهم شكلا
لكون لو حضرتك عاوز حاجه 4 باب يبقى الليون

شكرا يا أستاذ محمد , دة من ذوقك, بس عندك فكرة قطع غيارها في نفس سعر الستروين و لا أغلي و لا أرخص .و بالنسبة للتوكيل , هل التوكيل بتاع سيات زي عز العرب أو منصور . آخر نقطة بالنسبة لي هي إعادة البيع بعد كدة , هي صحيح نقطة متجيش حاجة جنب ان الواحد يستمتع بركوب أي عربية من التلاتة بس بردو الواحد ميقدرش يسقطها من حساباته , هل إعادة بيع السيات في خسارة كبيرة و لا خسارة عادية مقبولة لسيارة مستخدمة . أتمني منك أو أي حد عنده معلومات انه يفيدني .

**eng/muhamad** · 01-05-2009 02:50 PM

هل التوكيل بتاع سيات زي عز العرب أو منصور

بالنسبه للنقطه دى توكيل منصور يكسب عز العرب و يكسب سيات
اكبر مشكله فى توكيل سيات على حد علمى عدم توافر قطع الغيار

هل إعادة بيع السيات في خسارة كبيرة و لا خسارة عادية مقبولة لسيارة مستخدمة

بالنسبه للنقطه دى فلو حضرتك فكرت تبيع العربيه قبل ما تفكر هتخسر قد ايه
فصعب اصلا تلاقى حد يشترى بدليل ان هيا اصلا مش بتتباع زيرو كتير
و كمان لو لقيت حد يشترى ممكن يكون حد عارف العربيه و يعرف يقدرها كويس و ساعتها اعتقد هتخسر خساره عاديه كعربيه مستعمله
او تلاقى واحد مستغل و عارف ن العربيه سوقها تقيل فيوقع السعر

ملحوظه على جنب كده انا على معرفه جيده بمدير مبيعات شركه سيات لو حضرتك عاوز تخلص فى الليون و عاوز اى حاجه من التوكيل ممكن اساعدك

**Sameh** · 01-05-2009 03:50 PM

الثلاث خيارات بسم الله ماشاء الله ، أحترم إختياراتك جداص ، ورأيى تستبعد السيتروين وتفكر فى الأسترا والليون وش عارف أرقولك أنهى فيهم لأن الإتنين يخبلوا أصلاً ! :)
بالنسبة لإستبعاد السيتروين عشان قلة الإنتشار وأعتقد صيانات صعبة