الموضوع: محتاج مقاصين و علبة دريكسيون

عن تجربة تعبت فيها هات مقصين جداد وممكن تتصل بابو الحسن لقطع الغيار او المنير او ابوزيد اللى فى فيصل وهم مش هايتعدوا 250 جم
عفوا سيادتك ماذكرتش العربية موديلها ايه يعنى لانوس او نوبيرا
اما بالنسبة للعلبة فانا ماعنديش خبرة فيهم ولكن ممكن تبحث فى المنتدى هتلاقى موضوع عنها وفيه وجهات نظر متعددة قراتها فيه منهم من قال اذا كانت حاجة بسيطة ممكن اصلاحها فى ش شامبليون وفيه راى قال الاستيراد على التجربة افضل وفيه راى قال الجديد لكن الجديد سعره غالى اوى ومايغلاش عليك يعنى العلبة زى ماسمعت بتعدى 1600 جم والاستيراد قالوا بتعمل من 450-600 جم وانت شطارتك والاصلاح قالوا بتبقى فى حدود 350
من وجهة نظرى الاستراد على التجربة اهون الحلول
اما بالنسبة للمقصات عشان ماتدوخش دوختى هات مقصات جديدة ثم جديدة ثم جديدة بقولها للصبح
اقولك ليه اما جبتها استيراد وكلفتنى جلب صرفت ييجى 600 جنيه طبعا مش هتصدق
اقولك باختصار ركبت جلب فورد الجلبة الواحدة اشتريتها ب100 جم وبعدين كان الاداءسئ رحت لاخر قال عايزين مقصين تانى استيراد ونركب جلب بتاعتها عملت كده وبرده الاداء مش 100% ولما سئلت ليه قالوا ممكن البيض يكون خفيف
فمن الاخر هات مقصين جداد
والاخوة هيكلموا ويقولو رايهم وشوف رايهم ايه عشان ماتتعبش زى ماتعبت

الف شكر على الرد يا toshipa و على العموم العربية لانوس بس انا كان راي ان انا اجيب مقصات جداد بس الميكانيكي قالي ان الاستيراد احسن مش عارف ليه
ياريت يا جماعة اسمع رايكم انتو كمان

kنفس الكلام اللى قالو الميكانيكى اللى رحتله قالى بردو ان الاستيراد احسن والجديد صاجه خفيف وبيقطم بصراحة خوفنى بس طلع كلامه اونطه لان لاحظت ان الاستيراد بيعملوا بيه شغل علينا لان بعد شويه الجلب اللى ركبها عند الخراط الله اعلم اذا كان الخراط اخوه او صاحبه بعد شويه ممكن تطلع من المقص ودى برده حصلت معايا وبعد شويه كمان هيقول البيض خفيف ومبوش ونشترى بيض ونفك البرشام ونحط مكانه بمسامير اهو كله شغل بيعملوه وهو مش خسران حاجه هو ليه مصنعيه هايخدها
وفى الاخر الشغل يطلع مش سليم ويقولك كل العربيات كده والبلد مليانه مطبات تبوظ العربيه فى يوم واحد وكلام كتير
نصيحة ماتسمعش كلامه اشترى جديد زى ماقال الاخوة هنا وذكرو النوع الاسبانى شكروا فيه ياريت كنت انا جبت جديد بدل الدوخة بدون نتيجة