هل احنا عندنا القدرة على مواجهة الكوارث؟

**Imhotep** · 02-05-2009 03:38 AM

ادارة الكوارث و الازمات علم كامل معروف من زمن ما بعد الحرب العالمية الثانية و كانت اصوله و مبادئه عسكرية فى الاساس..... حاليا تغلغل هذا الفكر فى الكثير من المؤسسات و الشركات خاصة التى يكون جزء من ادارتها اجنبى...... اهم شئ فى ادارة الازمة هو المعلومات، لان اى قرار صحيح لا يتخذ الا بناء على معلومات سليمة لصانع القرار...... يكمل هذا المجال فى نطاق الاعمال ما يعرف بال Business Continuity او كل الاجراءات الواجب التخطيط لها لضمان استمرارية العمل فى حالة الازمات و الكوارث، التى يجب ان يكون لها نظام انذار مبكر مبنى على تحليل البيانات و المعلومات التى تأتى حول خطر محتمل اولا بأول.....

**نور العمر** · 02-05-2009 02:01 PM

احنا معندناش قدرة على مواجهة الكوارث
احنا عندنا قدرة عظيمة لارتفاع درجة الكارثة
من كارثة ممكن السيطرة عليها
لكارثة فاقت الحدود !!!!!!!!!!!!!!!!!

**نور العمر** · 02-05-2009 02:04 PM

المشاركة الأصلية كتبت بواسطة mahora

ادارة الكوارث و الازمات علم كامل معروف من زمن ما بعد الحرب العالمية الثانية و كانت اصوله و مبادئه عسكرية فى الاساس..... حاليا تغلغل هذا الفكر فى الكثير من المؤسسات و الشركات خاصة التى يكون جزء من ادارتها اجنبى...... اهم شئ فى ادارة الازمة هو المعلومات، لان اى قرار صحيح لا يتخذ الا بناء على معلومات سليمة لصانع القرار...... يكمل هذا المجال فى نطاق الاعمال ما يعرف بال Business Continuity او كل الاجراءات الواجب التخطيط لها لضمان استمرارية العمل فى حالة الازمات و الكوارث، التى يجب ان يكون لها نظام انذار مبكر مبنى على تحليل البيانات و المعلومات التى تأتى حول خطر محتمل اولا بأول.....

كلام جميل جدا
وفعلا عندنا في الشغل إدارة خاصة لمواجهة الأزمات يرئسها مدير عام
بس كلام إنشا على ورق
ومفيش حد بيهتم لا بالكارثة
ولا بكيفية مواجهتها
وكل واحد عامل إنه هو إللي فاهم وغيره كلامه ولا حاجة
دي حاجة تعصب
وتزهق
وإن دل
دل على التخلف العقلي والنفسي
إللي مش حنخرج من دايرته ابدا

**Mohamed.Raafat** · 02-05-2009 02:39 PM

كل الكلام ده كلام حلو و جميل
بس على فكرة لو احنا استنينا الحكومة عشان توعي الناس بكيفية مواجهة الأزمات و الكوارث
يبقى نقول على نفسنا الله يرحمنا

انا كان فيه في دماغي فكرة كده
ليه كل واحد ما يحاولش يوعي اللى حواليه بكيفية مواجهة الأخطار
الموضوع هيكون عامل زي النحت على الصخر بعود كبريت
بس لو بجد اعتمدنا على الحكومة ف............

و ممكن نعمل نواة لمركز شعبي لمواجهة الازمات و الكوارث من هنا

**Abo_Lina** · 02-05-2009 03:53 PM

كوارث إيه البلد ماعندهاش القدرة على مواجهة الحياة اليومية و كل حاجة ماشية ببركة دعا الوالدين و كافة أفراد الاسرة

**KarimAbulEla** · 03-05-2009 02:17 PM

مواجهة الازمات و الكوارث عبارة عن علم يتم تطبيقه فى كل دول العالم المتقدم
ا اما فى جمهورية مصر العربية - على مستوى الحكومة فمواجهة الازمات لازالت فى بدايتها من ناحية الكفاءة و الفاعلية و هذا لا يصلح حيث ان الخطيط السليم يؤدى الى السيطرة بشكل شبه كامل على الازمة او الكارثة بنسبة 80 او 90 % ليس بنسبة 15 %

انا عندى كتاب مصرى عن ادارة الكوارث و الازمات و مش عايز اقولك ان حادثة زى حادثة العبارة اكتب عنها فى الكتاب اللى معمول من 10 سنين و به اسباب غرق عبارتين و قصور الاداء فى مواجهة الكارثة ديه لكلا العبارتين و نفس الشىء تكرر فى العبارة اللى غرقت بتاع ممدوع سالم

يعنى ثلاث كوارث عبارت الفاصل الزمنى بينهم كبير لكن طريقة المواجهة واحدة
و النتيجة عدد كبير من الخسائر فى الاوراح و الممتلكات الله اعلم كان ممكن تخفيضها اذا كان هناك تخطيط سليم فى مواجهتها

و النهاية ان الكارثة تتكرر و نحن لا نتعلم و هذا اكبر الكوارث الحقيقة - اننا لا نتعلم و بالتالى لن يكون عندنا نظام فعال لمواجهة الكوارث