عايز اركب ماتور ريجاتا 1500 لعربية 128 ومحتاج النصيحةفى ناس قالولى ممكن يبوظ الشاسية ياريت لو حد مسقط ماتور فى 128 يفيدنى والرجاء الرد سريعا لانى ناوى انزل اشترية فى خلال الاسبوع ولو فية مواتير افضل وامنة للشاسية يقولى وشكرا جزيلا لكل الاعضاء:S_thum1[1]:
انا كنت برضوا فى نفس الحيره ده علشان الموتور بتاعى كان عايز عمره قولت اسقط احسن بس بعد اللف والدوران فهمت انك بتشترى الموتور انت وحظك يعنى ممكن تجيب موتور استيراد بعد 6 شهور يفتح بقه ويقولك عايز عمره او نص عمره
شاسيه ال128 مع القرص فى الموتور يبفتح
كلام البايع فى عزبه شلابى ان 1300 احسن لل 128 من ال1500
الميكانيكى طبعا قالى بلاش علشان العمره وهو يكسب فلوس بس هو قالى حاجه اقتنعت بيها
مواتير الفيات القديم عموما بتستهلك شنبر عالطول فمع الركنه طقم الشنبر بيتاكل فيفتح معاك وفى الاخر هتجيب موتور قديم عدى على صنعه 20 سنه يعنى معملتش حاجه
من راى واللى عملته انا عملت عمره للماتور على ايدى ودلوقتى العربيه بقت افضل وعارف اللى فيها
واى استفسار انا تحت امرك
الف شكر ياباشا على ردك الجميل والوافى بس غى نقطة مهمة انا مينفعش معايا عمرة لان الفتيس كان فى ونة وصلحتة ورجعت تانى فالميكانيكى قالى انى اسقط ماتور بالفتيس بتاعة هودة الحل الافضل بس فى نقطة هل اشترة ماتور فيات 1300 ولا ريجاتا 1500 انا احب الماتور 1500 لانة اقوى وانا بحب اشد بالعربية بس خايف على الشاسيى فمن وجهة نظرك اسقط فيات 1300 ولا ريجات
واسف عل الاطلة وتشكر جد ااااا لردك
لو لقيت فيات 128 1300 يبقى الافضل
لو ملقيتش ومش هتلاقى علشان شبه مش موجود يبقى 1300 ريجاتا
انا برضوا غيرت الفيتس وعمرت الموتور ممكن تشترى فتيس استيراد بس
سؤال هو انت بتسقط علشان تشد وسرعه وكده ولا علشان العربيه بايظه خلاص والموتور عايز عمره
وللة عشان الاتنين وطالما هسقط ماتور يبقى الاقوى احسن
معلش طولت عليك ياباشا
ممكن تسقط موتور لانشيا 1300 احسن من الريجاتا ..........هو بالفتيس بتاعة ممكن يعمل فى حدود 1800
عملية تسقيط موتور ريجاتا فى ال128 مش صعبة بس بيلزم لها بعض التعديلات البسيطة، لان موتور ال ريجاتا مالوش مكان لتركيب الشداد العلوى بتاع ال 128 ، فبتحتاج لتفصيل قطعة صاج (صاج محمل 2 مللى على الأقل) لتركيبها فى بيت كامة الريجاتا لربط الشداد فيها، واحتمال تحتاج لتعديلات بسيطة فى قنطرة الموتور، لو عربيتك اصلا 1100 هتحتاج تغير الميزان بميزان الجراند لوكس 1300 علشان ميلطشش فى الفتيس والا هيكسره، ولو الفتيس اتكسر وانت ماشى هيخر الزيت كله ويتحرق فى دقائق معدودة، وهتحتاج تجيب عصاية فتيس الجراند لوكس بالشداد والمعلقة بتاعتها علشان خاطر يناسب ال 5 غيار وربما يحتاج الامر لبعض الريجلاش لشداد العصاية علشان يناسب الغيارات، ، وهتحتاج تعمل شداد للشاسية بين ركبتين البطاحات علشان الشاسيه ميفتحش، وطبعا ده يتضمن انك هتتنازل عن فكرة وضع الاستبن فى حوض المحرك ، وهتحتاج وانت حالل الموتور انك تعبت العربية لسمكرى يراجع لك على كل الركب وكل لحامات الحوض ولو فيه اى شرخ مهما كان هايف يلحمه وانسى حكاية(سيب الشرخ مش مشكله علشان بوية الفابريكة) لأنه لا مزاح مع موتور الريجاتا على جسم ال 128، لو الحوض فيه الهوءاء هتلاقى العربية دى بقت 100 حته فى خلال شهور من قوة المحرك
بس الميزة الخطيرة قصاد وجع القلب ده انك ممكن تشترى موتور بكباس التكييف وبعدين تروح لواحد بتاع تكييف يكمل لك اجزاء الدورة وتبقى كسبت الى جوار المحرك القوى تكييف
برضه تركيب محرك الريجاتا يستلزم وجود مساعدين سليمة علشان الشاسيه ميفتحش، اقترح عليك المونرو لو عايز ثبات واداء رياضى والمايلى او البوما لو عايز العربية تبقى طرية فى المطبات
محرك الريجاتا ال1300 75 حصان وال 1500 85حصان وهما بالتأكيد يختلفان فى ادائهما وقوتهما عن المحرك ال 55 حصان الخاص بال128 1100 ولذلك نصيحة من اخ ، لو ربنا كرمك ونفذت المشروع ده متتغرش بقوة المحرك لأن امكانيات ال 128 فى المناورة محدودة ، ومع هذا المحرك القوى سصل السيارة الى سرعات غير مصممة لها وسهل تفلت منك والطريق مالوش كبير لذلك حاول يكون الجرى بالعقل
طبعا اخونا الكبير سبعاوي رد عليك رد مفيد و شرح كل نواحي الموضوع
و طبعا جنب رده ربما يكون ردي بدون قيمة بس عموما نصيحة
الـ128 عربية مش مدروسة من نواحي كتير و خصوصا السرعة
و انا من راي انك تعمر الموتور الي فيها و بلاش موضوع التسقيط ده علشان مهما عملت و مهما قويت مع الموتور 1500 العربية مش هاتستحمل اكتر من 6 شهور
الف شكر ياستاذ سبعاوى
بص ياباشا هو طبعا مفيش كلام بعد شرح المهندس سبعاوي بس حقلك على تجربة مريت بيها مع واحد صحبي .
الراجل كانت عربيتة = صفر وبدأنا المشوار معاه فعلا من الصفر بداية بتغير الصاج كلة وتلحيم وظبط الشاسية , وبعدين رمي المكنة ال 1100 الي كانت معدومة وبعدين راحت للبوهيجي وبعدين السروجي ووقفنا عند النقطة بتاع الماتور دي شوية ناس قالت هات ماتور ريجاتا 1500 وناس قالت ماتور ال128 ال 1300 بس الصراحة الميكانيكي قال من الاخر احسن حاجة هو ماتور الانشيا اخف وزن من بتاع الريجاتا و 1300فحيبقي حلو في البنزين ولو مالقتوش هات الريجاتا 1300 ولكن الحمد الله جاب الانشيا ال 1300 كامل بالجير بوكس بالكبالن بالشكمان لان طبعا الفرن مختلف واتسقط الماتور واتركب الشداد والمكنة بملحاقتها دي كلها وقفت في حدود 3000 ج وراح للعفشجي غير الاربع مساعدين واليايات زي المهندس سبعاوي مقال كدة المونرو وفعلا الداء انظبط واراجل مبقاش مصدق نفسة انة فعلا بقي راكب عربية .
الى الاخ الذي يريد وضع الموتور الريجاتا
نصيحة بلاش أو ممكن تحط 1300
1-لان حوض العربية دي أصلا ضغيف حتى أمام موتورها 55 حصان و خاصة لو العربية قديمة
2-مش دايما التعديل بيطلع حلو 000ممكن الصناييعي يعك
3-وزن العربية 800 كيلو لما تحط عليه ماتور 85 حصان أكيد نسبة القوة للوزن حتغريك و لكن عفشة العربية و تعليقها غير مصمم لكده فممكن يظهلا لك تصرفات غير متوقعه
4-اذا اردت أن تستمتع بالريجاتا بيع 28 و هات ريجاتا بفرق زيادة شوية عن تمن الموتور
يعنى افهم من كلامكم ده انى لو جبت موتور 1300 لانشيا هيكوم حلو على العربيه وركبت كل الشدادات وكل البراات وظبط العفشه ويا ريت اجمالى التكلفه الموتور بالعفشه بالتركيب
نفس السؤالاقتباس:
المشاركة الأصلية كتبت بواسطة yuyu0000yuyu
بصراحة انا مش عارف كل الناس قالتلك الكلام و نسيو موتور خفيف الوزن و قوي و حديث زي موتور الأونو
و مهما جبتة شديد يعني حتي لو جبت التربو بتاعة اللي بيرمي 104 حصان مش حيعمل معاك اي مشكلة لأن اصلا 128 اتقل وزنا من الأونو
انصحك تشوف موتور الأونو 1100 اللي هو 60 حصان
اعتقد انة حيبقي كافي جدا و زي الفل بالنسبة ليك و تخرج من حوارات الريجاتا و المواتير القديمة دية
و برضة اخونا سبعاوي ممكن يرد علي الحكاية دية و يقولك اللي من الأخر لأنة اكيد اكتر مننا خبرة
بس انا نصيحتي موتور الأونو هو بس مشكلتة الفعلية انة ممكن يكون اغلي من 500 - 800 جنية
انا نفسي فى موتور 1300 انجكشن بتاع الاونو هموت عليه بس عاوز اعرف اسعاره ايه
نفس السؤال؟؟اقتباس:
المشاركة الأصلية كتبت بواسطة yuyu0000yuyu
انا لسه شارى عربيه 128 من اسبوع وعمال بظبط فيها فى الاساسيات ونفسى اسقط موتور شديد عليها........
بس معظم المواتير الفي عزبه شلبي مش استيراد بتبقي خلع ولا في منها استيراد