تهنئة واستفسارعن الادا الروسي؟

**abdrazik** · 23-09-2007 08:26 AM

كل سنة وانتم طيبين
هذة اول مشاركة لي في المنتدي
ولي سؤال مهم
ماهو الفرق بين الادا الروسي والادا المحلي مع العلم ان الفرق حوالي 2000 جنيها لصالح الروسي
بالمناسبة السيارة موديل 2107
وتقبلوا مني هذة المشاركة وهي الدارة الكهربية للادا 2105 [[/url]

**المتميز** · 23-09-2007 08:40 AM

الفروق أساسا في جودة التصنيع و التقفيل لصالح الروسي طبعا
لكن مفيش أي فروق في التجهيزات

**حسام كرم** · 23-09-2007 10:06 AM

اهلاً وسهلاً بك يا اخ عبد الرازق نورت منتدانا ونورت منتدى اللادا على الاخص
واليك الفرق بين اللادا الروسى والتجميع المحلى
فميع مكونات السيارة التجميع المحلى روسى ماعدا الفرش والزجاج فقط والكاوتش مستورد فى الروسى او المصرى وهو للعلم بيرلى برازيلى تيوبلس
- المصرى كاربراتير والروسى انجكشن
- المصرى زجاجها ملون " فيمية " يساعد عند تركيب التكيف وهيل للعلم تنزل بالتكيف او بدون ويعطى رونق للسيارة والروسى زجاجها ابيض عادى
- المصرى الوانها ميتالك حديثة سماوى ورمادى وسيلفر ونبيتى والروسى الوانها عادة
- المصرى مزودة بكاسيت ماركة جيدة 200 وات بوش منفصل و2 سماعة والروسى مزودة براديو فقط
- المصرى مزودة بسنتر لوك ولف والروسى بدون سنتر
- المصرى مزودة ببطارية كلوريد حديثة بضمان عام ولااعلم الروسى بضمان ام لا
المصرى مزودة بباكيتات فى الابواب ومرايات تحكم داخلى والروسى بمرايات عادية تحكم من الخارج ولا يوجد بها باكيتات
- المصرى دورة التبريد الخاصة بها مصصمة للاجواء الخليجية لتستحمل درجة الحرارة والردياتير المونيوم ولا ادرى نظام التبريد بالنسبة للروسى
- المصرى بها ستوب على الزجاج الخلفى
ولكن ما يميز الروسى هو جودة التقفيل نسبيا عن المصرى الذى قد تجد فية بعض الرتوش البسيطة فى الفرش والابواب ولكنها تكون غير مؤثرة للدرجة
وانا جاهز لاى استفسار اخر
حسام كرم

**TAG_Turbo0** · 23-09-2007 11:31 AM

يعنى تفضل الادا المصرى عن الروسى يا أستاذ حسام؟

**حسام كرم** · 23-09-2007 01:32 PM

اناعن نفسى افضل المصرى عن الروسى لبعض الاضافات التى ذكرتها وخصوصاً ان اساسيات السيارة بالكامل روسى من موتور والات جر وفتيس وكورونا وعفشة وانوار وتابلوة ومفاتيح ودركسيون وكوالين واكر ولكن الاضافات المصرى من باكيتات ودهانات ميتالك وزجاج ملون وطاسات ( الروسى بدون طاسات ) والكاسيت والسنتر تعطى المصرى ميزة نسبية وشكل جمالى
ولاننسى ان فترة الضمان واحدة على السيارتين ( على فكرة هناك بعض السيارات اللادا 2107 الروسى الموجودة بالسوق من خارج التوكيل ولاتتمتع بالضمان )
اما موضوع الكاربرتير والانجكشن فانا عن نفسى افضل الكاربرتير لسهولة تصليحة ولسوء جودة البنزين بمصر حيث ينصح فى كتالوج السيارة الروسى باستخدام بنزين 95 اوكتين وهو سعرة غالى بمصر وغير متوفر
واخيرا انا رايى استشارى فقط والراى لصاحب الشأن

**nonoymm** · 02-10-2007 05:14 AM

هل صحيح أن المصري الآن أفضل من الروسي والعمال والمهندسين أصبحوا من المهارة بمكان يسمح لهم بالتقفيل الأفضل

**حسام كرم** · 02-10-2007 09:49 AM

المصرى ليست افضل فى التقفيل ولكنها بها بعض الاضافات الجمالية بالاضافة الى دورة تبريد معدلة ولادا تجمع فى مصر منذ ما يقرب من 8 سنوات

**a.baibars** · 04-10-2007 10:42 PM

والروسى مزودة براديو فقط ليس بها راديو

والروسى بمرايات عادية تحكم من الخارج تحكم من الداخل

المصرى بها ستوب على الزجاج الخلفى والروسى كمان

**a.baibars** · 04-10-2007 10:53 PM

السلام عليكم أنا عندى لادا روسى 2007وحاولت بس اوضح بعض التعديلات على السياره فى الرساله السابقه بس الكلام اضيف الى الاقتباس سامحونى الروسي ليس بها راديو ولكن المرايات تحكم من الداخل و ستوب الزجاج الخلفى موجود