الى خبراء ومستخدمى التمبرا 1600 المصرى

**abdelmessih67** · 07-05-2009 02:05 PM

المشاركة الأصلية كتبت بواسطة victorasad

يا 90 يا مافوق لو الميزانية تسمح لكن 80 انساه غير انه أصلا ماعدش ليه وجود تقريبا-------يابيه السيارة كربراتير 1600 مصرى موديل 2000 ياترى هى نفس سيارتك ياريت نصيحة
اخرى مع خالص تحياتى وشكرى

أنا بتاعتي 1600 سي سي موديل 1998 تجميع شركة النصر يعني تقريبا زي بتاعتك و الكلام ده من أكثر من ميكانيكي و على رأسهم الميكانيكي بتاعي اللي ما بيشغلش غير في الفيات

**victorasad** · 07-05-2009 06:57 PM

كيف اعرف ان الاسبراتير عندى بيتظبط على حد علمى انه الكترونى هل ينفع---مع الشكر

**abdelmessih67** · 10-05-2009 08:50 AM

المشاركة الأصلية كتبت بواسطة victorasad

كيف اعرف ان الاسبراتير عندى بيتظبط على حد علمى انه الكترونى هل ينفع---مع الشكر

أهلا يا أخ فكتور

أنا لسه جديد على العربية لكن هأقوللك كلام الميكانيكي , العربية فيها كارت زي ال board بتاعة الكمبيوتر في واجهة العربية جنب العلبة البلاستك بتاعة زيت الباور و هو مضبوط من نفسه و لا يحتاج كل شوية لتغيير الابلتين و الكوندوسور زي الاسبيراتير العادي , مشكلته الرئيسية لو جت عليه مياه لهذا فحذاري من غسل الموتور بالمياه و يستحسن بالفوم أو الجاز و أبتعد تماما عن كارت الشحن هذا و في حالة الغسيل غطيه بكيس بلاستك .

أقوللك أحسن حل , أنا شخصيا هأعمله عند غسيل الموتور هأغسله بكمبرسور هواء فقط للأتربة و لو لقيت بخار زيوت مثلا على أي جزء هأروح للميكانيكي بتاعي يغسله بكمبرسور و جاز لكن هأبتعد تماما عن محطات البنزين لانهم بصراحة مهملين بعض الش و طبعا مش كلهم .

**caysersosaih** · 10-05-2009 10:31 AM

فين الميكانيكي بتاعك الي ما بيشتغلش غير في الفيات؟
انا عربتي تمبرا 1999

**galilio_mad** · 10-05-2009 11:21 AM

المشاركة الأصلية كتبت بواسطة abdelmessih67

أهلا يا أخ فكتور

العربية فيها كارت زي ال board بتاعة الكمبيوتر في واجهة العربية جنب العلبة البلاستك بتاعة زيت الباور و هو مضبوط من نفسه و لا يحتاج كل شوية لتغيير الابلتين و الكوندوسور زي الاسبيراتير العادي.

دى وحدة ال Digiplex2 المسئولة عن تظبيط توقيت الاشعال و ضبط الشرارة .
و فعلا هى ما بتتظبطش و لا الاسبراتير بيتظبط و كمان مفيش مشط و لا ابلاتين و لا كوندنسر

فى بعض الموديلات فيها ال Digiplex و الاسبراتير راكب على ترس الزيت زى العربيات القديمه و ده بيتظبط عادى خالص

و كمان فى بعض العربيات مغيرين الاصلى و مركبين اسبراتير الكترونى من اللى بمشط او اسبراتير عاده و الحكم فى الموضوع لضبط الاسبراتير , لو المكنه بتتأثر بالتقديم و التأخير يبقى شغال , لو ما بتتظبطش يبقى ترجع الاسبراتير فى النص بالظبط و تسيبه زى ما هو

و دول صور البوبينه الالكترونى و الاسبراتير الالكترونى الاصلى

**abdelmessih67** · 10-05-2009 03:33 PM

المشاركة الأصلية كتبت بواسطة caysersosaih

فين الميكانيكي بتاعك الي ما بيشتغلش غير في الفيات؟
انا عربتي تمبرا 1999

أهلا يا أخ كايزر سوسيه , الميكانيكي بتاعي في فيصل فهل مكانه قريب منك أم لا و على فكرة فيه توكيل فيات تبع أوماترا في شارع العريش من ناحية فيصل و بيعمل صيانة معتمدة لكل أنواع فيات و أمامه يوسف في شارع فيصل بس أسعاره جامدة شويتين .

**victorasad** · 10-05-2009 05:17 PM

معلومةممتازة مع خالص شكرى

**moharram3** · 13-05-2009 03:42 PM

السيد الفاضل عبد المسيح
أنا عربيتى تمبرا مو 96 باتعامل مع ميكانيكى كويس لكن طبعا لو فيه حد تانى أفضل منه أحب أنا كمان أتعامل معاه وعلى فكرة أنا ساكن فى فيصل ، أكون شاكر لو شرحت لى عنوان الميكانيكى اللى إنت بتتعامل معاه وأجربه أنا كمان خصوصا إن فيه حاجات عندى مش لاقى لها حل عند أى حد 0

**abdelmessih67** · 14-05-2009 02:13 PM

المشاركة الأصلية كتبت بواسطة moharram3

السيد الفاضل عبد المسيح
أنا عربيتى تمبرا مو 96 باتعامل مع ميكانيكى كويس لكن طبعا لو فيه حد تانى أفضل منه أحب أنا كمان أتعامل معاه وعلى فكرة أنا ساكن فى فيصل ، أكون شاكر لو شرحت لى عنوان الميكانيكى اللى إنت بتتعامل معاه وأجربه أنا كمان خصوصا إن فيه حاجات عندى مش لاقى لها حل عند أى حد 0

أهلا يا أخ محرم

الميكانيكي الكويس اللي باعرفه اسمه الاسطى عادل و أخيه ميكانيكي اسمه الاسطى فرج وورشتهم بعد شارع العريش على ايدك اليمين ثاني ناصية بعد يوسف بتاع قطع الغيار و الشارع على ناصيته نظاراتي اسمه محمد حسن

الاسطى عادل و الاسطى فرج متخصصين في الالفاروميو و الفيات و فيه طبعا توكيل فيات ( البرقان ) اللي في شارع العريش من ناحية فيصل و ممكن تجربهم لكن المشكلة طبعا اسعارهم أعلى و حتى لو هتجيب قطع الغيار من عندك مصنعيتهم غالية .

ربنا يوفقك و ابقى قوللي عملت ايه و نفيد بعض