القول الفصل نيسان ولا اوبترا

**alhamza** · 02-05-2009 01:06 AM

ياريت الخبراء وياريت يكونوا جربوا العربيتين نيسان صني ولا اوبترا اوتوماتك علي اساس انهم نفس السعر حوالي 92 الف وانهي اعتماديه اكتر وانهي اسرع في البيع بعد الاستعمال وشكرا مقدما

**khaleel** · 02-05-2009 01:50 AM

طيب ما تشوف كيا سيراتو الشكل القديم

**mahmoud_magdy** · 02-05-2009 02:21 AM

انا بصراحه مقتنع اكتر بالصني
تقدر تدخل على منتدى نيسان وتقرأ عنها
هتلاقي اجوبه كتير ل أسأله عاوز تسألها

**mdsoultan** · 02-05-2009 02:38 AM

طبعا نيسان صني افضل مافيش اي وجهه مقارنه بين الياباني والكوري
ثانيا الاوبتر مش شوفرليه ولا حاجه دي ضحط على الدقون ديه اصلا دايو نوبيرا ومصغر منها افيو لانوس

**sheeko00** · 02-05-2009 02:26 PM

هو فعلا الافيو والاوبترا كورى ويقال انهم بمواتير دايو ولكن الاوبترا هى نجم الكورى هى والسيراتو الشكل الجديد لان السيراتو موتور النترا وشكل وصاج افضل لكن الاوبترا افضل فالبيع بالنسبة للكورى لسة السيراتو الجديدة منتشرتش لكنى متوقع النجاح لها انا لو هجيب كورى سيراتو الشكل الجد ولو يابانى اسمع بقى

الصنى هى نجم اليابانى فى تلك الفئة السعرية وانا اميل طبعا لليابانى للصنى وخصوصا مبيعاتها الكبيرة وانتشارها المتزايد فى الفترة الاخيرة والاقبال عليها كبير واسعار قطع الغيار تمام واماكن مراكز الخدمة منتشرة والصنى عملية اكتر وصاجها وشكلها تمام وامكانياتها مناسبة جدا لسعرها وايرباج ودلع وتكييف جاامد جدا وثبات جبار وارتفاع عن الارض ممتاز مع مطبات المحروسة
وكفاية انها يابانى وكفاية انها عربية شيكو sheeko00
هههههههههه ربنا يوفقك وانصحك تصلى استخارة

**alhamza** · 02-05-2009 03:18 PM

شكرا لكل من شارك بس انا سمعت ان الصني قطع الغيار غاليه جدا واستهلاك البنزين عالي

**sNIPER_007** · 02-05-2009 07:16 PM

استهلاك البنزين عالي فعلا
اقل من 180 كم لصفيحه داخل البلد

**Lion_Heart** · 03-05-2009 03:41 AM

فى ناس كرهت الصنى بسبب التقفيل المصرى و كتير بيفضل الاوبترا عشان توكياها و توفر قطع غيارها انصحك اعمل استخارة

**Hosam_Optrawy** · 03-05-2009 07:21 AM

لو مش فارقه معاك التقفيل المصرى
هات صنى هتلاقى فيها كماليات اكتر اللى هى Abs و Air Bag وكمان عدلوا شكل الفوانيس بقى شكلها افضل من الاول ( بتكلم على الاوتوماتيك اللى ب 96 )
ولو عايز تعرف اى حاجه عن الاوبترا انا موجود ( وعلى فكره سمعت ان سعرها زاد بقت ب 94.5 مش 92 )
وشوف الموضوعين دول
http://www.nilemotors.net/Nile/showthread.php?t=59903
http://www.nilemotors.net/Nile/showthread.php?t=67521

-

الموضوع: القول الفصل نيسان ولا اوبترا

LinkBack

أدوات الموضوع

عرض

-

-

-

-

المواضيع المتشابهه

يا ريت القول الفصل فى الفيات ال 126

ما هو القول الفصل فى بيجو 206

القول الفصل , لوجان - إسبيرانزا ..

القول الفصل فى استهلاك byd

القول الفصل في البروتون اوتماتيك

الكلمات الدلالية لهذا الموضوع

المفضلات

المفضلات

ضوابط المشاركة