عايز رايكم فى مشكله

**m_s_h_a** · 02-05-2009 08:48 AM

انا معايا واحد صاحبى معاه فوكاس 2006 العربيه جديده وانا عايز اخدها لانه هيجيب فوكاس 2009 الموضوع بقاله فتره بس دخل فى الجد وهو عايز خلال شهر نخلص تفتكروا هلحق ابيع عربيتى خلال شهر ولو طلبت 65000 جنيه علشان تتباع بسرعه يكون كويس بالرغم من انها تسوى اكتر وخاصة انى هاخد التانيه ب85000 على فكره صحيح للى ميعرفش عربيتى هى فوكاس 2003 وفابريقه بالكامل وكامله مانيوال ايرباج وabs ولونها اسود وبدون حكات وتجريحات

**aYaBooY** · 03-05-2009 11:03 AM

و الله انا مش عارف اقولك ايه
بس انت ممكن تطلب الرقم الصحيح و الي تستاهلة العربية
علشان كل واحد هايجي عاوز يفاصل و لما تنزل في تمن العربية
كل الي هايشوفها هايقولوا فيها حاجة فاطلب اكتر و اعمل حساب الفصال
و صاحبك ده ليه متخيل انه في خلال شهر هايعرف يبيع عربيتة كدة كدة السوق نايم
عليه و عليك و المفروض تصبروا على بعض شوية و طبعا كل مليم فرق انت اولى بيه

**m_s_h_a** · 03-05-2009 02:04 PM

تمام كلامك صح بس الرجل البنك هيسلمه العربيه اول 6 والعداد هيبدا يعد عموما ربنا المستعان انا عربيته عارفها العربيه زيرو وانا اولى بيها عموما انا قررت انى ان شاء الله نازل القاهره 4 ايام فى نص الشهر وهعمل اعلان فى كونتاكت والوسيط وربنا يسهل لانى هزعل لو العربيه دى ضاعت منى وشكرا يا باشا يا اللى دايما حاضر وايه اخبار الرابطه؟

**aYaBooY** · 03-05-2009 02:58 PM

معرفش
طيب معلش في السؤال هل الفرق كبير بين عربيتك و العربية التانية
علشان انا مش متعمق اوي في موديلات الفوكاس

موضوع الرابطة ابل ما نبدء فيه بجد نفسي اعرف ايه تصور الناس عنها
يعني ممكن الرابطة ديه تعمل ايه و ممكن تبدا ازاي انا لسة مش عارف
بس الموضوع نفسي بجد اني ابداءه صح و مدروس علشان يمشي كويس
مش نقوم كلنا نعمل رابطة و في الاخر تبقي حاجة رمزية و مالهاش لازمة

**aYaBooY** · 03-05-2009 04:12 PM

فرق الموديل 3 سنين يعني 2003 و 2006
و فرق الفلوس 20000 يعني السنة بـ6666.6666667
مش كتير كدة شوية و خصوصاً انك هاتبيع عربية انت عارف كل كبيرة و صغيرة فيها
و هاتاخد واحدة تانية ممكن متكونش فارقة كتير عنها بس انت مش عارف لسة فيها ايه
طبعا ده راي شخصي و انت صاحب القرار

**wkisho2005** · 04-05-2009 12:47 AM

'طالما انت معجب بعربيته اوي كدا توكل علي الله وبيع عربيتك بس بالسعر اللي تستاهله انت اولي بفرق الفلوس اللي ممكن تخسره بسبب الاستعجال وبعدين انت بتقول هيستلم العربية من البنك اول 6 يعني مش هيدفع كاش وبالتالي ممكن يصبر عليك شوية في الفلوس علي ماتبيع عربيتك وخصوصا انو صاحبك وربنا يوفقك ان شاء الله

**m_s_h_a** · 04-05-2009 07:43 AM

يا جماعه طبعا عربيته انا حافظها لانه صاحبى ثانيا عربيته اتوماتيك ودى سبب فرق السعر وحالتها طبعا بقولكم زيرو ماشيه 42000 كم وموضوع الفلوس يا باشا هو اول 6 هيدفع مقدم 100000 وهيقسط الباقى هو شارى عن طريق المصريه وعموما انا هتوكل على الله انا شكلى هفضل باقى حياتى اركب فوكاس وشكرا يا شباب

**aYaBooY** · 04-05-2009 10:04 AM

اها لا الاتوماتيك ده نعمة و الي يكرها نعمة
اه كدة الفرق يستاهل بجد هاتحس بفرق رهيب طبعا بين العادة و الاتوماتيك
ربنا يوفقك دوس يا مان

:10D5C8~1107:

**wkisho2005** · 04-05-2009 02:04 PM

احلي حاجة عاجباني في الموضوع ان انتوا الاتنين معاكوا فوكس وهتغيروا لفوكس بردو ودا معناه ان العربية مريحاكوا علي الاخر مش عارف بئي اللي بيجي يفتي ويشتم في الفورد وهو مركبهاش اصلا دا بيتكلم علي اساس ايه وربنا يوفقك ياباشا بس متنساش احنا هنا في القسم اول ناس هيبقي لينا لفة بالعربية الجديدة ان شاء الله وانا هاشتري المعطر هدية ياسيدي

**m_s_h_a** · 04-05-2009 09:56 PM

واللهى احلى حاجه يا جماعه فى الموقع ده الناس اللى فيه وخاصةwkisho2005 aYaBooY

الموضوع: عايز رايكم فى مشكله

LinkBack

أدوات الموضوع

عرض

-

-

-

-

-

-

المواضيع المتشابهه

عندى مشكله مع محصل الكهرباء وعايز اخد رايكم

انا فى مشكله وعايز رايكم هل انا كدا بعمل حاجه حرام

عايز اشترى لابتوب مينى لاستخدام الانترنت فقط عايز رايكم

عايز اخد رايكم فى a5

عايز رايكم

الكلمات الدلالية لهذا الموضوع

المفضلات

المفضلات

ضوابط المشاركة