حمدا لله علي سلامتك يا استاذ نادر
عرض للطباعة
حمدا لله علي سلامتك يا استاذ نادر
انا معرفش مشفتش الموضوع لحد دلوقتي ازاي ....
بجد انا " قشعرت " من قراءة كلامك و محاولة التخيل ...
الف حمد الله علي السلامة يا نادر ! انا قريت عن الحادثة كتير .. بس مقرتش عنها كدة !
ربنا يحفظنا جميعا ان شاء الله .
حمدلله على سلامتك
آسف إني مشفتش الموضوع ده غير دلوقتي يا نادر
حمداً لله على سلامتك
وربنا يرحم كل المتوفين
حمد لله علي سلامتك يا أستاذ نادر , طبعا هي جت متأخرة أوي بس أعذرني من كثرة المشاغل و الوش اللي عايش فيه علي طول , و أكيد أنا حاسس بيك و شعرت به من قبل يوم أن كنت علي وشك أن ألقي خالقي لولا عنايته و لطفه بي
اللحظات التي تعقب الحادث تكاد تكون اصعب من الحادث نفسه و الحمد لله الذي وهبنا نعمة النسيان كي نستطيع أن نكمل مسيرة حياتنا, لكن الاهم من النسيان هو أخذ العبر و الدروس من الماضي الاليم كي لا يتكرر مرة أخري
حمدا لله علي سلامتك مرة أخري و ربنا يرحم ضحايا هذا الحادث و كل ضحايا الطريق الدائري و يتولي بعنايته كل من يسلكه
م/ سمير الشهاوي
او لا حمد الله علي سلامتك تاني حاجه انا ساكن في مصر الجديده و با روح كارفو ر باقالي 3 سنوات من علي الطريق ده عمري ما شوفت عليه رادار و ده سبب ان الناس مش خايفه و كلو طاير
انا مره شوفت حادثه في نفس الطريق في النفق ألي من جمبيه بتروح التجمع الخامس كنت ماشي علي 100 و فأجه لاقبت بي ام ماشي مش اقل من 200 طاير من جمبي في النفق و بعد كده حب ياخد غرزه من جمب عربيه بيجو 405 راح لابس فيها و معاها كمان عربيه لادا كانت ماشيه في النص انا طبعا هديت خامد و بصيت علي ال بي ام كنت هاعيط الواد نازل يلطم و صاحب البيجو اعد علي الرصيف الناس بتفوقوا و طابعا الادا ما شاء الله عليها صاج تمام التمام و ربنا يستر علي الجميع
حمدا لله علي سلامتك ا نادر....وبالنسبة لقول لا إله إلا الله هي بتوفيق الله سبحانه وتعالي كما قال"يثبت الله الذين آمنوا بالقول الثابت في الحياة الدنيا وفي الآخرة"فهي بتثبيت من الله خصوصا والواحد في سكرات الموت ربنا يثبت قلوبنا......آمين
لي سؤال ليك يانادر ايه الحكمة من اخذ الشمال لما الطريق يقف؟
للأسباب الأتية:
1- وجود حائط أو رصيف بجانبك يقلل بنسبة 50% عدد السيارات التي تكسر عليك علشان تخش في حارتك...لأن كده هايبقوا من ناحية واحدة فقط...و ده هايخلي تركيزك أسهل لأنه بقى من ناحية واحدة فقط
2- وجود حائط أو رصيف بجانبك يكون خير دليل لك...لأن لو كنت في منتصف الطريق...الموجة هاتجيبك يمين و شمال...و الحارات بتديق ساعات فتلاقي الناس كلها بتكسر عليك
3-لو مشيت في يمين الطريق...هاتكون مُعرض أكثر للسيارات العطلانة و الميكروباصات و النقل الثقيل البطئ
حمد لله علي سلامتك يا باشا