حمد الله على سلامتك يا نادر
وربنا يكفينا شر الطريق
عرض للطباعة
حمد الله على سلامتك يا نادر
وربنا يكفينا شر الطريق
هى ده الخلاصه ........... ألا وهى معرفه قدرة الله علينا و أننا ضعفاء لأبعد الحدود و الفرق بين الموت و الحياه أقل من ثانيه لا أحد منا يعرف توقيتها و لا ظروفها و لا يستطيع توقعها........كل ده مش مهم لأننا هنموت كلنا بس كتير منا ناسى و لكن المهم هو ما بعد الموت............هل إحنا مستعدين للقاء الله فى أى لحظه؟؟؟؟؟؟؟................لا تعليق..............بجد كلامك أبكانى.
ألف ألف حمد لله على سلامتك يا نادر ، أنا طبعا عرفت تفاصيل الحادث من الأعلام ، لكن مش عارف لما حكيتو كده بالتفصيل وكمان كونك كنت في الحادث وانت زميل لنا في المنتدى وعشرة من زمان ، فعلا جسمي كله قشعر ، وعلى فكره انا مريت بحدثة قبل كده والعربية اتقلبت بيه تلات مرات في الصحراء ( طريق الفيوم ) وكل اللي كانو ورايا وشافو الحادثة كانو متأكدين اني هخرج ميت ، وسبحان الله خرجت من غير اي اصابة ولا خدش حتى رغم اني حتى مكنتش رابط الحزام ، ولكنى مجرد ما العربية فقدت توازنها وفقدت السيطرة عليها قلت أعوذ بالله وظللت اقولها حتى توقفت العربية بعد ما اتقلبت ثلاث مرات وأنا بداخلها استعيذ بالله واترقب من اين ياتي الموت ، ولكن الله عز وجل سمع استغاثتي وحفظني من موت محقق ، حقا هو خير حافظا وهو ارحم الراحمين ، ولتاني مره الحمد لله على سلامتك وربنا يصبر اهل من توفى ويرحمهم ، ويحفظنا اجمعين
حمدا لله يا استاذ نادر
بعد اللى انت قولته اعجز عن قول اى شيئ غير حمدا لله على السلامه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!
على فكره يا أستاذ نادر أنا كنت على الدائرى ساعة الحادثه بس كنت فى الناحيه التانيه و كنت طالع الدائرى من الأتوستراد عشان رايح أبارك لواحد صاحبى على جوازه و هو ساكن فى أبراج المرشدى خلف بافارياbmw يعنى تقريبا عند الحادثه و لا حظت ان الطريق واقف و لكنى ما وقفتش لأنى لما و صلت للزحمه كنت و صلت لصاحبى فدخلت يمين عند بافاريا علطول و طلعنا أنا و المدام و إبنتى الرضيعه لصاحبى و باركناله و كنت عارف انه يوجد حادث مروع على الطريق من كلام الناس بس ماكنتش شوفته و قعدنا عند صاحبى حوالى ساعه و صلينا معاه المغرب و نزلنا من عنده و معايا واحد صاحبى تانى قابلته عنده كان بيباركله بردو وكان معاه مراته و بنته الرضيعه بردو و ركبوا معانا العربيه عشان أوصلهم المعادى (مسافه قريبه قوى) و بعد كده أروح بيتى فى مصر الجديده.................. المهم طلعنا من عند صاحبنا العريس على الطريق الدائرى و فوجئنا انه مازال العمل مستمر لإزاله الحادث و الطريق كان مخنوق بردو ناحية الحادث و لكن بدأت السيارات تمر واحده واحده بعد إزاله السيارات المنكوبه على جنب الطريق ...................... المهم كان المفروض عشان أوصله المعادى انى ألف الناحيه التانيه من الدائرى اللى فيها الحادث عشان انزل الأتوستراد و ذلك عن طريق انى أمشى شويه و أنزل نزله القطاميه و ألف من تحت و أطلع الدائرى تانى ناحيه الحادثه..........المهم أنا ما كنتش عاوز أمشى ناحيه الحادثه خالص و الدنيا كانت زحمه جدا و واقفه خالص و صاحبى يقولى إطلع بس و هتمشى و ده كلها مسافه صغيره و الطريق بدأ يفتح......................المهم إنى أخذت قرار إنى مش هطلع الدائرى تانى و كملت من ورا على طريق الجيش الجديد لغايه ما طلعت على الأتوستراد عند المنصه و لفيت و رجعت من مدينه نصر تانى حتى المعادى مستخدما الأتوستراد من أول المنصه و وصلته ورجعت من الدائرى بردو عشان عديت على صاحبى العريس تانى عشان كنت نسيت حاجه عنده............ كملت فى الدائرى و قولت هنزل نزله القطاميه تانى و أستخدم طريق الجيش تانى عشان أروح...............و كان مازال الطريق ناحيه الحادثه مقفول.................. المهم بقه انى بعد ما مشيت شويه و قبل ما أنزل نزله القطاميه لاقيت حاااااااادثه تانيه!!!!!!!!!!!!!!!!!!! و بردو عربيه نقل مقلوبه و عربيات ملاكى مهروووسه و النقل راكب فوقهم...............................متخي ين يا جماعه لو كنت سمعت كلام صاحبى و طلعت الدائرى ناحيه الحادثه كان الموقف اييييه.......... كان زمانى واقف زى العربيات اللى كانت واقفه و جت التريلا هرستهم من ورا تانى (المسافه بين حادثى الدائرى 100 متر فقط)............................ و كمان ربنا خلانى
أنسى حاجه عند صاحبى عشان أرجع تانى من الدائرى عشان أشوف مصيرى لو كنت واقف فى الزحمه ناحيه الحادثه مع إنى كنت ممكن أرجع من المعادى أتوستراد علطول.
الحمد لله على سلامتك يا نادر
وربنا يكفينا شر الطريق
حمدله على سلمتك لينا يا نادر قدر الله وما شاء فعل .
فى مثل بيقول ( اللى ايده فى المياه مش زى اللى ايده فى النار ) ..
زمان كنت بلوم و بعاتب على مرتكبي الحوادث و مكنتش متوقع ان يوم من الايام اشوف الموت بعينى زي ما حصل مع نادر كده و بدون سابق انذار حتى ..
احساس صعب اوى يا جماعة ان حد يحسه غير اللى بيكون فى الموقف ..
ربنا هو الستار و يا رب ما حد يشوف المواقف دى ..
حمد لله على السلامة .
الف حمد الله على سلامتك يا نادر ..
والحمد لله انك بخير ..
وزي ما انت قلت دي تجربة مفيدة واختبار حقيقي من الله ..
طمنا عليك ولو محتاج مساعدة في التصليح انا تحت امرك في اي حاجه ..
حمد الله على سلامتك يانادر