زياد زيت الفتيس

**ahmed6767** · 02-05-2009 01:27 PM

السلام عليكم جميعا لى سؤال فى النوبيرا الاتوماتيك هل زيادة زيت الفيتس لة مشاكل ارجو الرد وشكرا

**cody02** · 02-05-2009 10:15 PM

حسب تجاربي مع اللانوس الاوتوماتيك .. زيادة الزيت ليها مشاكلها .. بس الكلام ده لو زيادة كبيرة .. حاول دايما تتأكد أن المستوى مظبوط .. والله أعلم

**samirayad** · 03-05-2009 01:24 AM

فى الفتيس الأوتوماتيك بالذات زيادة أو نقصان زيت الفتيس عن الحد المقرر ......ليها تأثير غير محبب على آداء العربيه (بيحصل أخفاق فى كفاءة السحب والتسارع ) وكمان زياده فى أستهلاك البنزين بدون أن تدرى........................

_ وبالتالى يجب الألتزام جيدا بمقاس الزيت...........

طبعا يا أخى المقصود هو زيت الفتيس......ولا أعرف طريقة قياسه عندك (لأن سيارتى مانيوال ).....ولكن كان لى موضوع مع أخ لسياره تويوتا بفتيس أوتوماتيك وحينما تم ضبط المقاس للوضع الصحيح ....حدث تحسن فى آداء الفتيس لأن ببساطه شديده حينما يكون منسوب الزيت ناقص
_ الطلمبه بتسحب هواء من اللى موجود فوق الزيت مع الزيت وبكده بيقل ضغط تعشيق مراحل السرعه المختلفه....مما يعنى آداء غير جيد للفتيس......
_ ولما بيكون الزيت زياده....فأن مجموعة التروس الشمسيه (اللى جوه الفتيس ) وكذلك جميع العناصر الدواره......بتهيج الزيت وتلطش فيه وبكده بيحصل زى طرطشه والزيت يختلط برضه بالهواء اللى كان موجود فوق الزيت ...وبكده ضغط الطلمبه بيقل وبتحصل أعراض على آداء الفتيس شبيهه بحالة نقصان منسوب الزيت
_ ولو مش متاح عندك القياس .....ممكن تطلع على كتالوج الانوس .....وتقريبا فيه السعه فى حدود 5.4 لتر (تعبئه كامله للزيت بعد أنزال كل الزيت القديم ...حتى اللى كان فى السربنينه ).......
_وأنا عارف أنك غيرته.....بس أنت اللى عارف أنت حطيت زيت قد أيه وعلى أى وضع (ياعنى فضيت السربنتينه ساعتها ولا لا )

ده أقتباس من رد سابق لى أنا شخصيا على أحد الزملاء

**Hany A Fattah** · 03-05-2009 02:21 AM

اضافه على كلام الاستاذ سمير عن طريقة قياس الزيت فى الاتوماتيك انك بتدور العربيه وحطها على ال R وتشد فرامل اليد وبعدها تشوف المقاس بتاع الزيت بس طبعا تكون واقف على ارض مستويه علشان القياس يكون مظبوط