تنبية الى كل الاعضاء والمشرفين بخصوص اختيار لون الكتابة

**Karim_Monir** · 23-09-2007 11:37 AM

السلام عليكم ورحمة الله وبركاتة
الموضوع في راسي منذ فترة احاول صياغتة لكن حان الوقت لطرحه هنا
وهو عن لون الكتابة بالمنتدي
عندما دخلت شركتي لاول مرة منذ 7 سنوات وبدات اتعامل مع برامج رسمية لارسال البريد الالكتروني وتحديد لوتس نوتس علمني مديري رحمه الله ان الكتابة يجب ان تكون عادية بالخط الديفولت واللون الاسود وان كتابتك بخط تخين (بولد) يكون عند تركيزك على كلمة او جملة او تاريخ ولا تكبر حجم الخط ابدا لان معناها انك بتزعق في وش اللي بترسلة الرسالة
اما لو فيه مصيبة وعايز تزيد تنبية اللي قدامك لكلامك تغير اللون الاسود للون الازرق الغامق بعض الكلمات الهامة وليست كلها
اما استخدام اللون الاحمر فهو معناه انك بتزعق في وش اللي بيكلمك وبتكلمة بلهجة شديدة وتكبيرك للخط معناه انك هاتكاد تكون هاتضربة وبتحول الامر للجهات الرسمية ولا يستخدم الاحمر الي من شخص اكبر الى شخص اصغر في النظام الاداري

طبعا الراجل كان بيحاول يشرحلي خطورة استخدام الالوان في المحادثات الرسمية وطبعا كل ده منقول لينا بتعليمات من شركتنا الام بسويسرا

نيجي بقي لقواعد تعاملنا على الانترنت اللي هيا مجتمع افتراضي
كل واحد بيحب يكون ليه لون معين في الكتابة يتعرف من خلاله انه صاحب الكتابة دي حاجة كدة زي التوقيع وحجم الفونت ونوع الفونت

لكن اللون الاحمر خاص بالادمن والمشرفين فقط في حالة تحدثهم بصفة رسمية
يعني عندما يحدثك ادمن بلون احمر مش معناه انه بيزعقلك لكن معناه انه بيتدخل بصفتة الرسمية كمدير للموقع وكذلك الوضع للمشرفين
لاننا كمديرين للموقع ومشرفين بنشارك زينا زيكم لكن عشان يكون في حد فاصل في نوع الكلام هايكون الفصل باللون
لذا اجوا التنبية على جميع الاعضاء بعدم استخدامهم اللون الاحمر في كتابتهم لانه لو خاص للمديرين والمشرفين فقط
ارجوا ان تكون الرسالة قد وصلت كاملة

كريم منير
مدير الموقع

**Karim_Monir** · 23-09-2007 12:06 PM

المشاركة الأصلية كتبت بواسطة AlmAhAtmA

علم و تم التنفيذ يا كريم
هذه رساله مسجله

طبعا انا مش بتكلم على اللون النبيتي المميز بتاعك
انا بتكلم عن الاحمر الفاقع زي اللي انا كاتب بيه ده
عشان ما تفهمنيش غلط يا حبي

**AlmAhAtmA** · 23-09-2007 12:16 PM

المشاركة الأصلية كتبت بواسطة karim_monir

المشاركة الأصلية كتبت بواسطة AlmAhAtmA

علم و تم التنفيذ يا كريم
هذه رساله مسجله

طبعا انا مش بتكلم على اللون النبيتي المميز بتاعك
انا بتكلم عن الاحمر الفاقع زي اللي انا كاتب بيه ده
عشان ما تفهمنيش غلط يا حبي

انا ما صدقت غيرت النبيتي
خلينا شويه ازرق غامق
و علي العيد حغير لون تاني

كريم انا حزوغ من الشغل و اروح انام
انا مش شايف قدامي
من احلي الحاجات في رمضان اني متمركز في الاسكندريه

**Karim_Monir** · 23-09-2007 12:56 PM

انا قصدي على المراسلات الرسمية فقط يا استاذ محمد مش حاجة تانية

هاني مش عارف ايه حكاية اسكندرية معاك في مضان شكلك بتحلل ميه البحر هناك مش بتحلل موقف الشركة المالي

اهو كلة تحاليل
يا بخت من كان النقيب خالة
اللهم لا حسد

**PAYOO** · 23-09-2007 03:54 PM

مشكور على التوضيح يا كريم لأن بيننا أعضاء كثيرين يعتبروا اللون الأحمر الذي يكتب به المشرف أو الأدمن بمثابة أنذار وهذا بعكس المقصود كما أوضحت أنت

شكرا