http://www.nilemotors.net/Nile/showthread.php?t=65240
http://www.nilemotors.net/Nile/showthread.php?t=70400
عرض للطباعة
طبعا الفيات لينا شكلها شيك لكن موتورها 77 حصان وتقريبا 1400 سي سي بس مش منتشرة اوي ومش اي حد ممكن يشتيريها منك وتوكيل فيات عموما مقرف ومخيط اصحاب الفيات لكن هي عربية كويسة
الالنترا رفاهية طبعا وناعمة بس مشكلتها التوكيل والوطي من الارض وممكن تبقى ماشي تلاقي العربيات اللي حوليك كلها النترا ونفس اللون بتاعك وفي حالتك دي كمان مانيوال لكن شكلها حلو
السيراتو ثابتة جدا مش واطية و مش بتحك حتى مع التحميل وتوكيل محترم وفتيس ستيبترونيك واخيرا لو عايز مانيوال خليك في الالنترا ولو اتو خليك في السيراتو وبالتوفيق
طيب عايزين حد يكون ساق اللينيا و جربها لفترة يقولنا رأية عن تجربة مش بس كلام
انا بصراحة اول مرة اشوف فيات لينيا بجد الصورة بتنطق تحفة جدا
وبالنسبة للتقفيل
لينيا تقفيل تركى..هل ده عيب؟ وتقفيل السيراتو والإلنترا إيه
لو حد يعرف مواصفات اللينيا المانيوال يا ريت يقول لى
مين وكيل الفيات فى مصر وفين مركز خدمة الفيات فى اسكندرية؟
سؤال كمان اللينيا ولا السيراتو الجديدة المانيوال؟
النترا و سيراتو كورى من بلدهم.
التقفيل التركى ممكن يكون عيب ايوه, بس انا معرفش ايه نظام اللينيا؟
لكن اعرف تجربة ل رينو كليو 2002 و 2003 حصل فيهم مشاكل و هما لسه زيرو و العربية تعطل على الدائرى و تغيير طلمبة بنزين و حوارات...... و الكلام ده جد و عن تجربة.. لكن بعد كده اعطال العربية مظهرتش يعنى الظاهر انه كان عيب واحد او اتنين فى طلمبة البنزين و البطارية.
و كمان انا معايا i10 ((هندى)) و محصلش فيها اى حاجه حتى الان و كأنها جديدة الحمد لله.. لكن الهند اعتقد افضل بكتيير من تركيا.
انا بفضل الالنترا لكن لو اللينيا حلوه من ناحية التوكيل و قطع الغيار و سعرها معقول تبقى افضل. لان شكلها تحفه بس عيبها موتور ال 1400 سى سى.. الالنترا و السيراتو يتفوقوا عليها من ناحية الموتور بسهولة.
ربنا يوفق
ولو شوفتيها على الحقيقة حتنبهري , كبيرة جداً , الأوكتافيا بتمشي جانبها كإنها أختها الصغيرة :Ob_mak1[1]:
التوكيل أوماترا على البحر سيدي بشر
مركز الخدمة (الطارق) عند كوبري التاريخ , لغاية لما اوماترا تخلص مركز الخدمة بتاعها في الطريق بتاع الموقف الجديد جنب البافاريا