هل يسقط الضمان فعلا في حالة المالك الثاني
أصلي شاري فيرنا لسة في الضمان
و هل من طريقة لتفادي ذلك
و شكرا لكم
عرض للطباعة
هل يسقط الضمان فعلا في حالة المالك الثاني
أصلي شاري فيرنا لسة في الضمان
و هل من طريقة لتفادي ذلك
و شكرا لكم
لو سمحتم حد يفيدني
لا الضمان ما بيسقطش في حالة بيع العربية
الضمان اة شروط و هي
1- أنك تكون مواظب علي عمل الصيانات الدورية بشكل منتظم يعني كل الصيانات
2- الضمان بيكون لة مدة محددة سواء بعدد الكم أو المدة الزمنيه الي بتكون سنتين أو ثلاثة
3-ميكنش صاحب العربية عمل أي حاجة خرجتة من الضمان زي تركيب أكسسوارات برة التوكيل و كدة يعني
غير كدة يكون ليك الحق في طلب الضمان علي عربيتك لو لا قدر الله حصل حاجة و يارب أكون فيدتك
متشكر جدا على ردك
بس بالنسبة للاكسسوارات أنا كنت عايز أركب سنتر في التوكيل فقالولي معندناش
قلت له طيب لو كبته بره أطلع من الضمان قالولي لو الكهربائي بوظ حاجة و هو بيركب يبقى عليك
هل الكلام ده صح
أيوة الكلام دة للأسف صح و دة كمان ممكن يكون سبب في خروج العربية من الضمان
متهيقلى الضمان بيسقط فى حالة المالك التانى بس مش متأكد ممكن تتصل بالتوكيل وتتأكد بالنسبة للأكسسوارات فنا اللى اعرفة لو مثلا ركبنا جنوط وفى حاجة بازت فى العفشةو يبقى العفشة برة الضمان مش العربية
مثلا لو ركبنا ديفل وظهر مشكلة مال الشكمان يبقى الشكمان برة الضمان
حاجة فى الكهربا وحصل حاجة فى ضفيرة الكهربا تخرج الكهربا من الضمان ده اللى اعرفة واحسن حاجة تتأكد من التوكيل فى كل ده
ما هو دة الي أنا قصدي عالية بالظبط
بس يمكن أنا مقدرتش أوضح كويس
و بالنسبة لسقوط الضمان مع المالك الثاني دة مبيحصاش
لأن الوكيل بيتعامل مع العربية برقم الشاسية مش برقم بطاقة صاحبها
الضمان بيكون ساري في حالة المالك الثاني إذا كان مستوفي الشروط السابق ذكرها وشكراً
اقتباس:
المشاركة الأصلية كتبت بواسطة AshrafMetwally
حضرتك متأكد من موضوع الضمان مبيسقطش ديه !!!
أصلى كنت بشوف شروطة وعادتا بتكون حاجة من اللى بتخلية يسقط
يسقط الضمان فى حالة مالك ثانى
تغير قطع غيار غير أصلية وهكذا بس الكلام ده فى توكيل دايو مش عارف إيه الكلام مع غبور بس متهيقلى كلة واحد
انا عارف انة فى الصيانة مبيشوفش بطاقة والحاجات ديه بس حضرتك بياخد رخصة العربية !!! صح ولا إيه وهيا فيها اسم المالك !!!
أعذرنى لو ذكرت بعض النقاط اللى حضرتك قلتها بس انا ملحقتش اشوف الردود اللى قبلى كويس
أنا بجد محرج من زوق حضرتك
شكل حضرتك أنسان محترم فعلاً
أنا الكلام دة بقولة عن واقع خبرة مش أي كلام كدة و خلاص
يا سيدي أنا مهندس ميكانيكا سيارات أشتغلت في بيجو و تيوتا و حالياً أن عندي توكيل بيجو
من ناحية رخصة العربية بقا بيبقي محتاجها عشان ياخد منها رقم الشاسية بدل ما يخدة من العربية و عشان بقدر يحدث قاعدة البيانات الي عندة في حالة تغيير مالك السيارة
و ياريت أكون قدرت أفيد
اقتباس:
المشاركة الأصلية كتبت بواسطة AshrafMetwally
ربنا يخليك ده بس من ذوقك وشكرا انك فهمتنى موضوع الرخصة ده بيحتاجوة ليه عشان كنت بستغرب جدا لما بيطلبوه
يا باشا أي خدمة و أحنا موجودين هنا عشان نساعد بعض
اقتباس:
المشاركة الأصلية كتبت بواسطة AshrafMetwally
ربنا يخليك
شكرا لكل كلكم
بجد ريحتوني لاني اشتريت خلاص و كنت هزعل لو كانت طلعت من الضمان
على حد علمى الضمان خاص بالسيارة وليس مالكها حتى لو اتغير اكتر من مرة المهم تكون لازالت فى فترة الضمان بكدة هيفضل الضمان مستمر