السلام عليكم ورحمة الله وبركاته

اولا: بس احب اوضح للناس ان العربية وصلت 83000 وتقريبا هتغلى اكتر

ثانيا: كان في ناس بتشتكي من بعض المشاكل في العربية لكن الدفعة التالته مفيهاش اي حاجه من المشاكل دي خالص

ثالثا : الناس اللي بتقول الكبوت في فرق ومش متقفل كويس ..الكلام ده مش مظبوط وده في تصميم العربية عني هي نازلة كده وده عشان الكبوت يقفل مرتاح

رابعا : نزل منها التيب ترونيك وعاملة 90000 بس مش كامله يعني مش كل الكماليات

خامسا : هينزل منها 1300 قريب ان شاء الله بس مظنش هتأدي كويس مع الناس يعني هتفرق في السحب لان وزن العربية تقيل

سادسا : العربية بجد اداء ممتاز جدا على الطريق ده بالنسبة للسحب حتى والتكييف شغال

سابعا : الناس اللي بتستلم العربية نم غير غطا الموتور دي مش مشكلة وعلى فكرة ده احسن للموتور بالذات في الصيف

ثامنا : الناس اللي قالت ان صوت العربية عالي ده تقريبا راجع لان السير بتاع الكاتينة زي بتاع النيسان مش كاوتش انما هو جنزير وده ممكن يعلي الصوت والله اعلم

تاسعا : الناس اللي هتشتري هتروح التوكيل بعد اول الف كيلو لازم عشان تغير زيت العربية لان العربية بتكون زيرو وممكن ينزل الرايش في الزيت وده مش كويس وهتروح بعد 5000 كيلو وبعدين تروح بعد 15000 وبعد كده طبعا على حسب نوع الزيت اللي هتحطه بس اهم حاجه تلتزم باول تلت مواعيد دول وتروح تدفع تمن غيار الزيت بس

عاشرا : وده رجاء لاصحاب السيارة اولا كل اللي عنده حاجه يقولها يا ريت يوضح للناس عشان يفهمو العربية وياريت نعمل رابطه باسم اصحاب السيارة


وارجو اني مكنش طولت عليكو يا شباب ودي اخر اخبار السيارة