الموضوع: باركولى يا جماعة

المشاركة الأصلية كتبت بواسطة TURBBO

الف مبروك انا العربية دي مع واحد صاحبي اوي وعرفها و عارف عيوبها لو محتاج اي حاجة انا ممكن اساعدك ان شاء الله بس كان ليا تعليق علي موضوع عقدة الصيني ده انا كنت بقول كدة اول ما جبت العربية وبعدين لبست و عرفت ان الناس معاها حد يا رب العربية اللي معاك ميظهرلهاش عيوب اصل العربية دي زي البطيخة :lol: :lol: :lol:

أنت اللى تحكم لأن صاجبك معاة واحدة وأنا كمان صاحبى معاة واحدة من سنتين ياريت لو ممكن تحت لينا كلها العيوب كلها وكمان المميزات علشان كلنا نستفيد ونقدر نحكم عليها صح - مشكور

الف مبروك وربتا يديك خيرها ويكفيك شرها

المشاركة الأصلية كتبت بواسطة mohamed10

الف مبروك وربنا يديك خيرها ويكفبك شرها وارجو ان توضح لنا بعض النقاط الاتية :
هل هناك فرق بينها وبين A15 f
هل قطع الغيار متوفرة خارج التوكيل وبوفرة وهل هناك قطع غيار لموديلات اخرى تركب عليها
ياريت لو حد عنده الموديل الجديد يعطينا مواصفاتها وانطباعاته عنها من خلال مميزاتها وعيوبها

أنا أن شاء اللة رايح التوكيل أعمل صيانة دورية وأركب بعض الكماليات وحجرد المخزن
بتاعهم بخصوص قطع الغيار واللة
المستعان
بالنسبة للفرق بين A15 , A11 كعفشة وموتور لا فرق بس هما غيرو فى الشكل الداخلى والخارجى بمعنى على ما أفتكر
1- زاراير الزجاج والمرايات الكهرباء فى باب السواق فى a15 ولكن تحت الكاسيت فى A11
2- زرار الأنتظار فوق الكاسيت فى A15 ولكن خلف الدركسيون فى A11
3-مخادع الرأس والفرش الداخلى أفخم فى A15 عن A11
4- العزل الصوتى للكابينة أفضل فى A15
بس أنا بفضل A11 عن A15 لأن قطع غيارها الخارجية هى seat teledo فلو أتزنقت لا قدر اللة فى قطعة غيار ممكن اروح أجبها أستيراد
أنا روحت للميكانيكى أكشف على العربية وأتأكد من قطع غيارها متوفرة أو لا فوجد
1- تيل الفرامل موجود فى السوق وهو على ما أعتقد بتاع الجولف
2- فلتر البنزين هو بتاع الأبيزا
3- فلتر الهواء زى بتاع الجولف
4- طقم السيور موجود فى السوق كلة ما عدا الكاتينة لأن الميكانيكى قلى أنا محتاج أعد السنون علشان أحكم علية
5- فلتر الزيت هو بتاع الفيات الصغير W01 أنا جيبت الهينجست الألممانى من البنزينة ب 25 جنية
6- الفوانيس الأمامية والخلفية والرفارف والأبواب هية سيات توليدو وموجودة أستيراد
7- أنا حبيت أعمل مفتاح زيادة بتاع المفاتيح بص على المفتاح وقلى دة مفتاح الجولف
8- الموتور هوة بتاع الفورد مونديو - الموتور غير موتور التوليدو
9- الشكمان موجود أن شاء اللة عند أبو اليزيد
10 - المساعدين موجودين مونرو وكونى كمان فى الحرفيين
11- طقم ABS والضفيرة ماركة بوش وموجدين
12- التكييف فرنسى ماركة على ما أتذكر أفلون واللة أعلم
13- البوجيهات 3 شمعة وموجودين فى السوق
14 - الرشاشات بوش وموجودة فى السوق
15- الشاسية بالكامل هوة بتاع السيات توليدو
فى كمان الأخ نوفو كان عامل حادثة كبيرة وغير حاجات كتيرة وممكن يدلنا أكتر
فى حاجة أحب أقولها الميكانيكى وهو شغال تحت العربية كان معجب جدا يبها وقعد يشكر فيها ومش مصدق أن الصين ممكن تعمل حاجة زى كدة - دة علشان يفك فلتر البنزين قغد حوالى 20 دقيقة علشان كان محطوط ومتغلف بكذا حاجة علشان الأمان
هو دة إللى أنا فكرة دلوقتى وكل ما أعرف حاجة هنشرها عالطول للأستفادة

معظم فرامل ABS بتكون بوش زى الرشاشات - بس دة ميمنعش أن الشركة الأم تعطى اللمسة الخيرة على المنتج ودة إلى عملتة الشيرى - أهم ما فى الموضوع أن السيستم كلة قياسى يعنى أن شاء اللة موجود بعيد عن التوكيل ودة لأنة فى الأصل بوش - واللة المستعان
وكمان يا راجل أنت عايز تبيع لية أمال لو معاك عربية زى عربيتى القديمة الفلوريدا كنت عملت أية فى قطع الغيار - على الأقل الشيرع ممكن تولفلها بأذن اللة لكن الفلوريدا أجيبلها منيين
أنا معاك أن التوكيل فى قطع الغيار مش قد كدة بس هنعمل أية الحلو مبيكملش - على العموم السعودى شركة كبيرة ونأمل فى زيادة قطع الغيار وعزائنا الوحيد أن العربية منتشرة إلى حد ما وربنا يخليلنا الأستيراد مع أنى مجربتوش لغاية دلوقتى واللة المستعان