البولو ولا الابيزا

**qupid_forever** · 23-09-2007 10:09 PM

يا جماعه انا حيران بين البولو والابيزا
مع إنى مايل كتير للابيزا وخصوصا موديل 94 عشان 1300
يا ريت تردوا عليا وتادونى من خبرتكم
اخوكم
كيوبيد

**معاذ الشرباصى** · 23-09-2007 10:12 PM

الموديلات القديمة مش انجكشين

انا لما سألت الميكانيكى قالى موتور ال 1000 سىسى الانجكشن احسن من ال 1300 الكاربيراتير

و عامة بحس البولو ماسكة نفسها و شكلها احلى عن الابيزا, ما عدا مو 2006 الاتنين تحفة

**Omar M** · 24-09-2007 12:33 AM

ما أنصحكش بال94 معظمها بيبقى متبهدل والفرق بين ال 1300 وال 1000 5 حصان بس !!!
أنا ركبت البولو و أرى أن الابيزا صالونها أوسع شكل الابيزا أحلى ( وجهة نظرى )
أنا لو منك أجيب الابيزا بس خليك فى موديل أحدث 98,99 و أكشف عليها كويس جدا وربنا يوفق ان شاء الله

**معاذ الشرباصى** · 24-09-2007 12:58 AM

هو عامة البولو و الابيزا موتور واحد و شاسيه واحد

شوف انت تستريح لمين اكتر فيهم

و الابيزا بتبقى ارخص من البولو بشوية

**qupid_forever** · 24-09-2007 01:51 AM

بجد انا متشكر اوى رارائكم ومبسوط إنى بسمع نصايحكم
بس حاجه تانيه لو ركبت للإبيزا 1300 تكييف
يا ترى ياثر على الموتور بشكل ملحوظ
وهل يا ترى لو سقط موتور جى تى اى 16 صباب 1800 سى سى وركبت بعديها تكيف ياتر على الموتور الجديد
معلش حاجه تانيه
هل الينفع الموتور الجديد دا يكون انجكشن
بجد متشكر ليكوا اوى
واتمنى تساعدونى عشان بجد عايز اعرف اعمل إيه وإيه كل الاحتمالات
اخوكم كيوبيد

**معاذ الشرباصى** · 24-09-2007 02:19 AM

الاحسن تدور على عربية راكب فيها تكييف فابريقة بتاعها

لو هتسقط موتور بيبقى بحاجته يعنى ممكن تركب معاه تكييف و كل حاجة

و فى طبعا مواتير استيراد انجكشن

لكن كل عربية و لها المواتير اللى ممكن تركب عليها من غير اى تغيير فى حوض الموتور

**اسلام المصرى** · 24-09-2007 02:41 AM

أنا كان معايا ابيزا 94 لا تتوقع الكثير من الموتور ال 1300 وركبت تكييف عليها و كانت غلطة عمرى !!! انسى الموتور ده بقى خالص و السحب خالص !!! لا انصحك بكده خالص لو موتور 1800 طبعا تختلف الموازين :D و الأحسن يكون الموتور راكب عليه التكييف علشان ماتفتحش على نفسك فتحة كبيرة , فى المجمل هى عربية كويسة قطع غيارها غالية شوية و معظم حاجة الجولف بتركب عليها. تسقيط المواتير برده موال و بحر واسع لو عندك وقت و صبر و فلوس :D بما فيه الكفاية يبقى اتكل على الله لو بتتخنق بسرعة يبقى بلاش :D عقبال الموتور مايتظبط و كله يبقى تمام التمام هتروح 20 مرة للميكانيكى!! وده عن خبرة , الحمد لله انا لم اوفق فى هذا الموضوع أقصد تسقيط الموتور , نصيحة لوجه الله تعالى من أخوك: أشترى عربية فيها موتور جاهز و راكب حسب رغبتك , و الحاجات التانية ذى عجل عريض جنوط عدة صوت يبقى ظبطهم على كيفك :)
الموتور يا باشا برده مش رخيص يعنى , تقريبا ممكن يخشله فى 3000 جنيه و يمكن اكتر و لو لزم الامر هتخش فى حوار تغيير اسطوانة دبرياج و طنابير فرامل أكبر علشان توقف 1800 سس و عفشة رياضية سوست و مساعدين علشان الثبات ...... الخ
علشان تعمل حاجة صح ال صح لازم تهتم بكل حاجة صغيرة و كبيرة متصلة بتسقيط الموتور , و انا عن خبرة فاشلة فى هذا
الموضوع - الحمد لله - ولا فى ورش ولا معدات و لا ميكانيكية يؤدوا هذه المهمة صح ذى ما الكتاب قال و يمكن انا وقعت مع واحد غبى :D والحمد لله لولا غبائه ماكنتش جيبت العربية اللى معايا دلوقتى وكان نفسى فيها من زمان :D !! مع أحترامى الكامل لكل من نجح فى تسقيط موتور فى سيارته دون أن يواجه أى مشاكل و مع أحترامى الكامل لكل الصنيعية اللى بيعملوا الموضوع ده. أما عن البولو ماقدرش أقول عنها حاجة لأنى مانلتش شرف سواقتها أو تجربتها و لكن هى بالتأكيد عربية حلوة كانت مع ناس أعرفهم و مبسوطين منها.

ربنا يوفقك يا كيوبيد :)

**qupid_forever** · 24-09-2007 02:56 AM

قبل اى حاجه طبعا احب اشكركم بجد على تعبكم ونصايحكم ليا
لكن لييا شويه استفسارات
إنت بتقول إنها كانت معاك وإنى انسى كوضوع السحب دا خالص
معنى كده يا حسام إن العربيه زى قلتها وإن ماتورها تعبان
طب يا جماعه لو كده صحيح امال إزاى ادور زى ما احد الاعضاء قال على واحده 98 او 99 وتكون 1000 سى سى
إذا كان 1300 وبيقول تعبانه ومفيش اى سحب امال ال 1000 سى سى ميته على كده خالص
يا ريت بجد تفيدونى فى الاكلام دا وتفهمونى اعمل إيه
ممكن مش اركب تكيف لغايه ما اسقط موتور لكن لغايه ما اجى اسقط هل الموتور بتاعها تعبان فعلا
مستنى ردكم بجد عشان فى ادامى واحده 1300 ومش هتحرك الا لما اسمع كلامكم
اخوكم كيوبيد

**Omar M** · 24-09-2007 03:22 PM

معلومة بس ان الموتور ال1000 اللى أتكلمت عنة دا انجكشن مش كاربيراتير و العربية معايا و سحبها حلو جدا

**اسلام المصرى** · 24-09-2007 03:41 PM

المشاركة الأصلية كتبت بواسطة qupid_forever

قبل اى حاجه طبعا احب اشكركم بجد على تعبكم ونصايحكم ليا
لكن لييا شويه استفسارات
إنت بتقول إنها كانت معاك وإنى انسى كوضوع السحب دا خالص
معنى كده يا حسام إن العربيه زى قلتها وإن ماتورها تعبان
طب يا جماعه لو كده صحيح امال إزاى ادور زى ما احد الاعضاء قال على واحده 98 او 99 وتكون 1000 سى سى
إذا كان 1300 وبيقول تعبانه ومفيش اى سحب امال ال 1000 سى سى ميته على كده خالص
يا ريت بجد تفيدونى فى الاكلام دا وتفهمونى اعمل إيه
ممكن مش اركب تكيف لغايه ما اسقط موتور لكن لغايه ما اجى اسقط هل الموتور بتاعها تعبان فعلا
مستنى ردكم بجد عشان فى ادامى واحده 1300 ومش هتحرك الا لما اسمع كلامكم
اخوكم كيوبيد

يا باشا انا قصدت أنك لو هتركب تكييف على 1300 سحبها هيكون ضعيف و التكييف هيضعف الموتور وده عن تجربة , و الله أعلم طبعا يمكن الموتور أساسا كان تعبان و هلكان , انا كنت جايبها مستعملة. و لكن هى كموتور 1300 مقبولة يعنى على اد ال 1300 :) أنت يا باشا خدها لفة و جربها قبل ما تشتريها وربنا يوفقك لما فيه الخير.

الموضوع: البولو ولا الابيزا

LinkBack

أدوات الموضوع

عرض

البولو ولا الابيزا - انشر الموضوع فى :

-

-

-

-

-

-

-

المواضيع المتشابهه

الابيزا و البولو و البونتير

ايه احسن الابيزا 2001 ولا البولو 2001 ؟!

مساعدة بين الاوبل كورسا - الابيزا - البولو

ايهما أفضل البولو ام الاوبل او الابيزا

مقارنة بين الابيزا و البولو حتى موديل 2001

الكلمات الدلالية لهذا الموضوع

المفضلات

المفضلات

ضوابط المشاركة