هل فقدت كورولا الهدف منها فى مصر

**gomha** · 04-05-2009 12:49 AM

بعد ما رايت شكوى بعض ملاك السيارة هنا فى المنتدى من ارتفاع قطع غيار السيارة لدرجة ان يوجد من اشترى لمبة الفوج لايت ب 1200 جنية من التوكيل شى غريب فعلا وتسألت لماذا المصريين يجب عليهم ان يدفعوا ثمن اى شىء زيادة عن التمن اربع او خمس مرات على العموم الموضوع دة جعلنى اغضب بشدة المهم قمت روحت فرع المعلم عبد اللطيف جميل هنا فى السعودية وسئلت على تمن اللمبة دى ام 1200 جنية وكانت المفاجئة المفجعة قالى الكورلا لا تأتى بفوج لايت بس على العموم اذا حيبت تركب الفوج لايت هنا يكلفك حوالى ألفين ريال مع الضمان طيب ياعم اللمبة دى بكام قالى اللمبة نوعين عالى بس وعالى وواطى 200 ألمانى و250 ايضا المانى وبعدين وانا ماشى من عند ه قابلت واحد فى الصيانة طلع مصرى سئلتة على الموضوع دة قالى ياعم روح اشترى واحد المانى بوش من بتوع الاكسسورات بالف ريال وريح راسك

لقد انتشرت تلك السيارة فى الخليج والسعودية خصوصا والتويوتا عموما وعرفت ايضا برخص قطع الغيار وانها سيارة الفقراء معلش محدش يزعل منى من ملاك السيارة وانها اقتصادية فى كل شىء لدرجة انى هنا من ملاك السوبارو يتسأل زملائى فى العمل واصدقائى لمذا تصر على شراء السوبارو مع ان قطع غيار التويوتا ارخص من السوبارو ويوجد فى السوق قطع ارخص ايضا

فى الحقيقة فتحت الموضوع دة مش عارف لية بس حاجة تجنن المصرى يدفع اكتر من الخليجى لية مع فرق الدخل طبعا هو فى اية هو كدة لية يارب الرحمة من عندك رغم ان الوكيل فى السعودية ومصر واحد يا عالم يعنى هو فى السعودية بيجيب قطع غيار من اليابان ويجيب لمصر من القمر انا اتجننت خلاص

**Samir Elshahawy** · 04-05-2009 01:15 AM

سيدي الفاضل ...

طبعا لك ألف حق في حيرتك هذه و نفس السؤال سألته لنفسي عندما قررت أن أشتري سيارة في مصر
- "لماذا أدفع أكثر لما ممكن أدفع أقل ؟؟"
- "لماذا أشتري سيارة لي و سيارة للحكومة ؟؟"
- "ليه أشتري أم ألف بألفين ؟؟"

يأما مغفل أو مش تعبان في الفلوس أو مضطر
طبعا الوكلاء بيستغلوا حاجة الناس و لكن ليس لهذه الدرجة من الاستخفاف بعقولهم
أذن العيب فينا نحن و طالما أننا لانتخذ موقفا موحدا لنوقفهم عند حدهم فنحن نستحق هذا و أكثر بصراحة كده " نستحق نأخد علي دماغنا"

لذا فأنا مازلت أنادي " خلوها تصدي و موديلاتها تعدي"

**محمد ابراهيم 1** · 04-05-2009 01:19 AM

البركة فى الوكلاء والجمارك

حولت الكورولا من سيارة اقتصادية رخيصة إلى سيارة مكلفة غالية الثمن

**mido_919** · 04-05-2009 01:48 AM

خليها تصدي وموديلها يعدي
احب اضيف بس ان وكيل تويوتا في مصر مش عبد اللطيف جميل
عبد اللطيف جميل واخد توكيل تويوتا تقريبا في الشرق الاوسط كله ما هدا مصر

**محمد ابراهيم 1** · 04-05-2009 08:06 AM

بس فية ارتباط بين الوكيل وبين الإمارات
لأن خدمة العملاء بتكلمنى أحيانا من الإمارات

**أبو عبدالله** · 04-05-2009 12:16 PM

المشاركة الأصلية كتبت بواسطة محمد ابراهيم 1

بس فية ارتباط بين الوكيل وبين الإمارات
لأن خدمة العملاء بتكلمنى أحيانا من الإمارات

لا مش كده بالظبط
تويوتا الأم نفسها مكتبها في الامارات
يعني اللي بيكلمك ده مش الوكيل في الامارات
ده الشركة الام نفسها مكتبها في الشرق الأوسط في الامارات

اما الوكيل في الأمارات فهو الفطيم

**faroukahafeez** · 04-05-2009 06:27 PM

كل اليابانى كدة دلوقتى

شوف الانسر البومة شكل قديم قطع غيارها وصيانتها اية

اليوم عملت صيانة ال20000 فى توكيل الرواس فرع العجوزة
زيت موبل 10000 كيلو 225 جنية
فلتر زيت 65 جنية
تيل فرامل 400 جنية
صيانة 20000 130 جنية
ضريبة مبيعات 81 جنية
الاجمالى 901 جنية
وبعد الاكراميات والتيبس 950
دا الواحد يروح يفتح مركز صيانة من بكرة

زجاج البرباريز الامامى لانسر 2008 شكل قديم 2200 جنية
وحدة السى دى تشنجر فى توكيل الرواس 3300 وقالى ممكن اعملك خصم 10% يعنى 3000
الكاسيت الاصلى 2100 جنية
طقم جنوط لانسر 15 5500 جنية
الاسعار موللللللللللللللللللللللل لللللللللللللللللللعة

شوف اسعار دية من منتدى الهوندا السيفيك 2008

أنا للأسف لسة مصلح العربية، غيرت إكصدامين و فانوس و رفوف أمامى يمين و دفعت 9855 جنيه!!!!الإكصدام الأمامى لوحده بألف تمنمية و خمسه و خمسين جنيه!!!!! ليييييييييييييه???
و بعدها بأسبوع واحد حرامى كسر الزجاج الأمامى يمين بتاع الباب، الحمد لله، رحت أغيره دفعونى ألف و خمسميت جنيه!!!!! أول عالم حراميه، إذا كنت أعرف كده كنت إشتريت جيتا طبعا، حاجة تحرق الدم

كل التوكيلات بتبالغ فى اسعارها