الموضوع: مشكله صوت غريب فى ماتركيس اتوماتيك

_ أهم حاجه دلوقتى أن أحنا نتعرف على الأوقات اللى الصوت بيكون موجود فيها ........

_ هل فيه صوت وأنت واقف والفتيس على الوضع p

أو N

_ هل غيرت زيت الفتيس والفلتر .......ومن متى .....

_ ياعنى ياريت تستفيض شويه ......فى شرح القصه بجميع أبعادها......علشان بس نحدد الخلل فين ..........

المشكله بدت تظهر من كام شهر بعد ما عغيرت السيور وزيت الفتيس

المقطع ده برضه لفت نظرى لما راجعت الموضوع تانى .........

_ وعاوز أسألك ....أنت مطمن للميكانيكى ده ......على أساس أن ممكن تكون التقسيمه خلفت معاه سنه ولا حاجه وهو بيغير سير الكاتينه.......وده ممكن يبان معاك لو شكل العادم بتاع الشكمان أتغير عن قبل كده.....وفيه أختلال فى أستهلاك البنزين

_ ومش عارف تقصد أيه بالخشونه ......هل صوت دق مثلا متتابع ( لأن كل صوت وليه نظامه برضه )....

_ على أساس لو صوت دق أو صفع خفيف .....ممكن يكون بسبب البوجيهات برضه ......

_ وممكن يحصل صوت دق لو مانيفولد العادم مهوى شويه وعاوز يتربط تانى ...........

_ يعنى عاوزين منك وصف دقيق لطبيعة الصوت ووقت حدوثه ........ومعلش على جزئية سؤالى عن الزيت بتاع الفتيس لما سألتك عليها فى ردى السابق.....حيث وجدتك قد غيرته حينما قرأت الموضوع مره تانيه ( وبالتالى حنخرجه من التحليل دلوقتى ).........

اولا شكرا للردود
ثانيا المياكنيكى محمد عبده
انا غيرت زيت الفتيس مع سيور الكاتينه
والبلى بتاع الكتينه يعنى تقريبا من 10 الاف كيلو
الصوت مش صوت الكستبنات - الكستبنات بتظهر بس لما العربية برده
لكن الصوت اللى بقصده تحس انه زى ما يكون مثلا بس عايز اقرب الصوت ان سير الكاتيه بيحك فى الغطاء
وبيحصل فى اى وقت تضغط بنزين فيه يعنى مثلا فى الاشارة وبتغط بنزين علشان تمشى تسمعه سوا بترجع لوار او قدام او واقف وبتدوس بنزين على الفاضى
زيت الموتر بستعمل امارات مصر وبغيره كل 3 الاف كيلو
بس المضوع ده من فتره ومبقتش اركز معه الا ليومين اللى فاتوا لما الحر هل
او تحس ان فيه حاجه بتحك
لكن اول ما امشى بعيد عن الزحمه يعنى العربيه تكون متهويه صوت المتور بينعم تانى
الف شكر للاهتمامكم

المشكله بدت تظهر من كام شهر بعد ما عغيرت السيور

لكن الصوت اللى بقصده تحس انه زى ما يكون مثلا بس عايز اقرب الصوت ان سير الكاتيه بيحك فى الغطاء
وبيحصل فى اى وقت تضغط بنزين فيه يعنى مثلا فى الاشارة وبتغط بنزين علشان تمشى تسمعه سوا بترجع لوار او قدام او واقف وبتدوس بنزين على الفاضى

- بأذن الله موضوعك محصور عندى فى حاجتين وسهلين فى التشييك عليهم ............

1- روح للميكانيكى ده وخليه يراجع على السيور الخارجيه ( سير دينامو + سير تكييف وهكذا ).....لأننى فعلا لأعرف شكل محركك .....بس دى أسباب وارده .....أن أحد السيور يكون مشدود زياده عن الازم .........وبيعمل الصوت ده فى بداية تحميل المحرك ....

_ وبرضه أسأله عن رباط فرن الشكمان ........

_ وبعدين .....مش شرط ياعنى ...أن محمد عبده وخلافه ........يكونوا معايير للجوده والثقه المتناهيه دى ( لأن كل أبن آدم خطاء .........)

اشكرك على الرد
بس انا فعلا غيرت الميكانيكى
رحت لواحد تانى
المهم هو فصل كل السيور (سير الدينامو الباور التكيف ) وخلى سير الكتينه وشال غطا الكتينه علشان نشوف السير لو بينطر او بيطلع شويه

ودورنا العربيه ولما سخنت عملت نفس الصوت عايز اقرب لحضرتك الصوت هو يشبه صوت طلمبه الباور لان كل واحد يسمعه بس من غير ما يكشف يقول طلمبه بور وعلاشن كده المكيانيكى فصل السيور كلها عدا الكاتينه
بس فى حاجه حصلت غيرنا زيت وحطينا زيت التعاون عادى مش سوبر الصوت لحد كبير مبقاش يظهر قوى
فكرك حضرتك ممكنتكون طلمبه الزيت ؟؟؟؟
اسف لتعبك معايا

اشكرك على الرد
بس انا فعلا غيرت الميكانيكى
رحت لواحد تانى

العفو يا أخى ( وأنا بأعتذر على التأخر فى الرد ) بسبب عطل فى النت عندنا فى الأسماعيليه

المهم هو فصل كل السيور (سير الدينامو الباور التكيف ) وخلى سير الكتينه وشال غطا الكتينه علشان نشوف السير لو بينطر او بيطلع شويه

كده كلام جميل

ودورنا العربيه ولما سخنت عملت نفس الصوت عايز اقرب لحضرتك الصوت هو يشبه صوت طلمبه الباور لان كل واحد يسمعه بس من غير ما يكشف يقول طلمبه بور وعلاشن كده المكيانيكى فصل السيور كلها عدا الكاتينه

كده العناصر الدواره اللى فاضله (طلمبة الميه وشداد الكاتينه )

بس فى حاجه حصلت غيرنا زيت وحطينا زيت التعاون عادى مش سوبر الصوت لحد كبير مبقاش يظهر قوى

يعنى الصوت قل مع زيادة لزوجة الزيت ( ومع زيادة اللزوجه ......ضغط الزيت فى الخطوط حيزيد على أساس الزيت الجديد أكثر لزوجه )

فكرك حضرتك ممكنتكون طلمبه الزيت ؟؟؟؟

هو طبعا كل شىء وارد ....بس عاوز أأقول رأى ( يمكن يفيد ويكون فيه الشفاء ......ولك حرية القرار طبعا )................

_ طالما أنت غيرت سير الكاتينه والبلى ( واكيد أطمنت برضه على بلى طلمبة الميه ).....عاوزين نروح شويه ناحية دورة الزيت .....وأهى محاوله.......ويجب أن نخوضها........

_ من رأيى الأول .....نحل الكرتير وننزل الزيت الحالى (وممكن نأخذه فى وعاء نظيف جدا ....على أساس ممكن نستعمله مره أخرى )........

_ وعاوزين نطمن برضه على نظافة مصفاة زيت الطلمبه الموجوده أسفل الطلمبه فى الكرتير ( يمكن يكون بها سدد شويه )......من رواسب زيت قديمه ....وبتجعل دوران الزيت قليل فى الخطوط فى بداية التحميل على المحرك ......وده بالطبع يجعل وصول الزيت لمنطقة التاكيهات قليل فى البدايه .....لحد ما الزيت يسخن ....ويتخلل مصفاة الزيت ومن هنا بيزيد معدل سريان الزيت وبيختفى الصوت بعد كده.على أساس سرعة المحرك حتكون زادت برضه مما يعنى دوران أكثر لطلمبة الزيت وممكن نسيب حتة اللزوجه دى ونعتمد على زيادة السرعه فقط ...اللى حيتبعها زيادة ضغط طلمبة الزيت فى الوصول لمنطقة التاكيهات فى بداية التحميل على المحرك ...يعنى لما بتدوس زياده على الأكسراتير وبكده سرعة الطلمبه وسريان الزيت بيزيد...........

_ طبعا اللى خلانى أأقول كده تحسن الآداء مع الزيت الجديد ( وأنت مطمن لطلمبة الميه )..................

_ ده رأيى المتواضع حاليا .....وأن وجد جديد لدى .......فسأوافيك به أن شاء الله

_ لك منى أطيب المنى للوصول الى السبب الحقيقى قريبا أن شاء الله................

الف شكر على المساعده
واعذرنى فى التاخير فى الرد
لانى كنت بيبع العربيه وبرخص الجديدة
الف الف شكر على اهتمامك
ربنا يجعله فى ميزان حساناتك
اخوك محمد رمزى