#### اسوأ سمكرى بيتلز ####
انا لسه جديد فى موضوع العربيات .. بس فهمت الناس بتقول عالصنايعية كده ليه بسرعة ..!!
انا من فترة قريبة زى ما بعض الاعضاء هنا عارفين عملت حادثة بعربيتى البيتلز .. وبناء عليه بدأت رحلة الشقاء و الاصلاحات
بدات ميكانيكا عند الحاج محمد على بتاع جسر السويس .. الراجل بصراحة كويس مع بعض التحفظات ..... " بس عالاقل ما يضركش"
و بعدها للاسف اتخبطت فى عقلى و اتدبست فى التعامل مع السمكرى " عمرو زكريا" :dontudear: رغم ان الاعضاء هنا حذروا منه .. و بالذات اخونا احمد سالم ....
الاول هو طلب 400 جنيه !! و كان هيستعدل رفرف و حتة فى الجمب اليمين و يلقط شوية حاجات و يركب رفرف جديد ... و بعد فصال وصلنا ل 250 جنيه
تانى يوم لقيته بيقول الرفرف التانى مش هيستعدل "طبعا كسل منه" :I_angr1[1]: لانه ما كانش بايظ اوى كده .... و قاللى كده لازم تغير الرفرفين
و قاللى انه فيه شوية شغل فى برواز الزجاج الخلفى و كان عايز يزود كمان 100 جنيه فوق ال 250 :I_angr1[1]:
انا طبعا اعترضت و قلتله لو فيه شغل زاد فى البرواز .. ففيه شغل مش هيتعمل فى الرفرف و دى تشيل دى
طبعا البيه ما عجبوش لانه عايز يطلع منى اى فلوس و السلام
الاخر عمرو محمد على قاللى سيبهولى و نبقى نراضيه ب 25 جنيه زيادة فى الاخر و خلاص ............
و اتفقت مع عمرو محمد على انه هيجيبلى الرفرفين الجداد ب 550
بعدها لقيته بيكلمنى و بيقوللى الرفارف الجديدة ب 650 و انا لقيتلك اتنين مستعملين نضاف ب 450 ..!!!!!!!!!!!
قلتله لا شكرا انا مش عايز استعمال انا هاجيلك بكره و ما تعملش حاجة غير اما اجيلك
المهم نزلت التوفيقية و اشتريت الرفرفين ب 500 جنيه جداد !!!!! و رحت وديتهمله و قاللى تعالى استلم بالليل
بالليل رحتله كان خلص ..... و طبعا ما عجبوش الحساب اللى كنا متفقين عليه "250" و قعد يتكلم باسلوب زبالة ..... و عشان يركب الكاوتش و الحاجة بعد بتاع الدوكو ما يخلص كان عايز 150 جنيه !!!!!!!!!!!!!!
و رغم انى كنت هزوده 50 جنيه و احاسبه على 300 عشان اخلص .."رغم انى مش مقتنع انه حقه" ... قعد يتكلم باسلوب ما عجبنيش .. اللى خلانى فى الاخر اسيبه و امشى و قولتله انى هبعت عمرو محمد على يتحاسب معاه احسن
و يا ريت على كل ده الشغل طاع تمام :I_angr1[1]:
عالعموم انا قلت احذر الناس من التعامل مع صنايعى زى ده "اسوأ صنايعى " ...
و منه لله هو و اللى زيه
===============================
اخوكم تامر عفيفى
