هو حضرتك عاوز تقول ان الاوكتافيا تستحمل شد وجرى وتخميس والتويوتا لا ولا قصدك ايه؟
عموما بعد نزول الفتيس الاوتو الجديد اتوقع ان تكتسح مبيعات التويوتا قدام الاوكتافيا!!!!!!!!!
تحياتى
عرض للطباعة
نبدا بقى يامعلم
1-قوة الصاج هيفيدك فى حاجات كتير تريحة من حد علليك وكدة يعنى دة انت فى مصر بلد العجايب اما بالنسبة للامان فالاوكتافيا واخدة 4 دول دة كان فى موديل 2004 وخش شوف بنفسك http://www.euroncap.com/tests/skoda/octavia.aspx
2-انا عايز اقولك حاجة ان الاوكتافيا عفشتها مش ناشفة وكمان الدليل ان الكورولا بستعمل نفس عفشة الاوكتافيا
فى الامام وهى McPherson suspension with lower triangular links and torsion stabiliser
بس فى الخلف مختلفيين الاوكتافيا بستعملMulti-link axle suspension with one longitudinal and three transverse links and torsion stabiliser
والكورولا بستعمل Torsion Beam
بس فعلا الكورولا مش ثابتة نهائى زى الاوكتافيا (ياعم هى دى عربية هههههه) بهزر
3-بكا بساطة انا ذكرت النقطة دى علشان اساسا مفيش اهتمام جامد بالمحركات الصغيرة
لان ببساطة كدة احنا بناخد المحركات ازبالة من الشركات
4-احب اقولك انا كراسى الاوكتافيا مريحة جدا جدا جدا
5-على فكرة احنا جبنا اية فايف وبردة سيبنها للشغل مش عارف ابويا دة هيتعدل امتى ويسيب عربية نضيفة
اما السرعة لقصوى الى انت بتقول عليها مش هصدقك غير بفيديو
6-نتاكد احنا خسرانين حاجة
10-احب اقولك ان الكورولا اصبحت قريبة من السيفيك لو الارتفاع الى فى دماغى صح وهو ان شاء الةة اكيد صح (15)
11-معاة الجنوب افريقى وبيقعد يشتم فيها للصبح
12-حضرتك مخدتش بالك انك حاطط موديل 2004 مش 2009
اعتقد كدة بردة انت ملكش كلام تقولة تانى تقولى واخدة 4 اتاريك بتكلم عن 2004:B4_444:
على فكره الاوكتافيا اللى انت بتقول انها 2004 هى هى 2009 الفرق ان فيه بس facelift
ولو شايف ان فيه تقييم جديد للامان ابعته يا ريت
بصراحه يا فادى ومن غير زعل انا مش بيعجبنى ردك خالص فى اى موضوع بحس انك بتتكلم من غير اى تجارب
يعنى اهل انت شايف ان الاوكتافيا مش ناشفه مقارنه بالكورولا؟؟؟؟
ده حتى اصحب الاوكتافيا شاريناها وعارفين ان الكورولا اريح بكثير
راىء اعمل استفتاء فى المنتدى مين الاريح لانى مش هاثبتلك حاجه انت مش مقتنع بيها
بالنسبه للمحركات الزباله مش فاهم هو علشان السعه اللتريه اقل تبقى محركات زباله
انت مش كنت بتقول ان والدك هيجيب سيفيك طب ما قولتش ليه انكم جبتوا A5 كنانباركلك يا عم
بالنسبه للسرعه القصوى طبعا انت بتقول مش هقصدقك غير بفيديو
هههههههههه
على فكره انا عندى فيديهوات كثير ولو عاوز تشوفها اكيد طبعا بس من غير ما اشوف فيديهوات ال A5 للعداد والطريق فى نفس الوقت مش هتشوف حاجه منى ابدا
يا راجل ده انت بتقولى مش هصدقك يعنى بتقولى انى احتمال اكون بكذب عليك
وخليت كمان السيفيك والكورولا نفس الارتفاع
بصراحه زى ما قولتلك يا فادى الرودود بتاعاتك مش بتعجبنى خالص واقل حاجه الناس بتبقى متفقه عليها انت بتبقى مش موافق عليها وطبعا انا بتكلم على ردودك بعيدا عن احترامى ليك ولشخصك طبعا
ويكفينى ان ثبات الكورولا اللى مش عجباك دىاحسن من ال A4
دة انت شكلك بتعزنى معزة خاصة هههههههه
احنا جبنا الاوكتافيا اساسا الفايف من بعد اما عرضت صور الفور بكام شهر وساعتها ماكنتش مع المنتدى اوى كنت واحد عادى بالنسبة للمنتدى لكن دلقوتى بقيت مغرم المنتدى
اما بالنسبة للنشوفية انا فعلا غلطت فى الحتة دى الكورولا انعم فى العفشة من الاوكتافيا بفرق العفشة الخلفية بس اما الامامية زى بعض
لأا انا مش قصدى انها علشان تبقى محركات سعتها اللترية صغيرة زبالة انا بتكمل ان العربيات دى بالنسبة لبرة المحركات 2400 فيما اكبر تعتبر بتاعتنا زبالة والشركة مش بتعطيلها اهتمام اوى
وعلى فكرة انت بتقول كلام انت مكش حاسس بية بجد مش بهزر
انت بتقول عليا على طول ببقى مش متفق مع الناس بالعكس حضرتك الى بتعمل كدة
انت على طول بتطلع الكورولا احسن من اى عربيية وكمان بتهنى كتير بس المهم
ياريت ننهى الخناق هنا ونبدا انا وانت والمنتدى صفحة جديدة
احب انصح محبي الأوكتافيا ياخدو لفة عالورش والميكانيكيا ويشوفو أكتر عربية من الموديلات الجديدة بتتصلح عندهم هيا ايه ومحتاسين فيها
ههههههه انت بتكلم ازاى انت اكيد شكلك بتتكلم على عربية من التمانينات
ازاى يعنى هما يعنى محتاسين بيها انا من ساعة اما جبتها ومفيش مرة وقفت معايا فيها رغم انى مبهدلها اخر بهدلة
انا عايزك تعمل فى الكورولا بتاعتك الى انا بعملة فى عربيتى وشوف اية الى هيحصل
انا عمرى ماسمعت عن حد عندة مشاكل فيها
والدليلل انا قاطع فى منتدى اسكودا وعمر ماحد قالى فى مشاكل وبتاع وخش واتاكد بنفسك
انمكا تعالى للكورولا هتلاقى فتيس عايز سوفت و شوية حاجات مش تظبطة فى التقفيل
انما فى الاوكتافيا حاجة واحدة ومقدرش انكرها ان الباب اجانبى بيعمل صوت بسيط كدة زى زنة فى المطبات ودة طبعا عيب لا يذكر بالنسبة لعيوب الكورولا
كلام يدل على عدم الخبره مطلقا
-----------------------------------------------------------------------
الموضوع كده خرج بره المضمون يا رجاله
نهدى شويه واللى عنده معلومه يقولها
لا يعمم ولا يقول اراء شخصيه على انها واقع اكيد
غير كده بلاش نرمى اى كلام وخلاص
لا الكورولا وحشه ولا الاوكتافيا تعبانه
دى ليها طعمها ودى ليها طعمها
والاتنين فيهم عيوب
ومليانين مزايا
يبقى كل واحد يبص على اللى يهمه فى العربيه ويختار
بس مهما كان اسأل اى حد هيقولك الاوكتافيا اعلى من الكورولا طبعا ايه جاب الامانى لليابانى (ده لو ماكنش جنوب افريقى)
او هيقول الكورولا كماليات عاليه بسعر الى حد ما مناسب
وكلمه الشعب المصرى الشهيره
كورولا دى اى حد يفهم فيها يعنى ممكن تصلحها عند الواد بليه اللى تحتكوا وتجيبلها قطع غيار من السوبر ماركت
وده كلام غير صحيح بالمره
انا طبعا من مشجعي الأوكتافيا في النقاش ده
ولكن للحق
اتفضلو..
دي كانت المشكلة
سكودا A5 الميه دخلت على الفتيس مطلوب إفادة
وده كان عرضها
http://www.nilemotors.net/Nile/nile/misc/subscribed.gif تجربتي مع عيب صناعة فى A5 خليجي 2007
عاوز تفهمنى ان الاوكتافيا تستحمل البهدله عن الكورولا !!!!!!!!!!!!!!!!!!!!
يعنى ايه هتلاقى فتيس عاوز سوفت وير هو ده يدل ان العربيه الفتيس بايظ ده مجرد update عادى جدا زى شركات الكمبيوتر اللى بتعملها علشان تحس الاداء
ما اعرفش عيوب تقفيل ايه بالظبط اللى بتتكلم عليها انت متاكد ان دى كورولا اللى بتتكلم عليها اللى فيها عيوب تقفيل
وعجبى!!!!!!!!