الموضوع: إلى كل خبراء البيجو

موديلاتها وأفضل موديل

ال 406 نزله بره من 1997 بس الموديلات الي بعد 2002احسن من القديم لان الفتيس الاتوماتك كان في مشاكل وطبعا الشكل الجديد احسن من القديم فوانيس اماميه اكبر والفوانيس الخلفيه فيها فاصل بلون العربيه فكل ما كانت احدث كل ماكانت احسن بس اغلي في السعر

قطع غيارها وأسعرها ( جديد واستعمال )

قطع الغيار الجديد موجوده في التوكيل وبره والمستعمل كتير جدا في الحرفي وبورسعيد بس للاسف الجديد الاصلي غالي جدا لانها فئه عاليه ده بتاخد زيت فتيس اتوماتك ب 800 جنيه

كفائتها بالنسبة للبيجو وخاصة 405

طبعا احسن في كل الحالات صوت موتور اهدي من ال 405 ال 2000 سي سي واقوي 133 حصان والغزل وده اهم ميزه عن ال 405 عزل الموتور والعفشه احسن من ال 405 لاكن طبعا العربيتين نفس الجوده في المواد الخام ( فرق تصميم لصالح ال 406) ونفس الاعتماديه والكساحه الداخليه الرهيبه مع ان ال 406 اصغر سنه من ال 405 بس يمكن متحسش بالفرق ده

أيهما أفضل أتوماتيك ولا العادة

الفتي الجديد الوتو مفهوش مشاكل بس طبعا المانيوال احسن في الاعتماديه والصيانه والسحب لاكن للاسف المانيوال نادر في العربيات دي خصوصا الموديل الجديد

إيه أبرز المشاكل فى السيارة

الفتيس الاتوماتك القديم غير كده مسمعتش

صيانتها خارج التوكيل أخبارها إيه

فب ناس خارج التوكيل بيفهموا فيها وخصوصا الناس الي كانت شغاله في التوكيل وموجدين في كل حته عندك صلاح بيجو في المطريه راجل 10 علي 10 وبيفهم فيها جدا فمتئلاشي من الحكايه دي

مواتيرها عادة ولا انجيكشن

انجكشن 2000 سي سي 133 حصان

استهلاك البنزين

6.5 لتر لكل 100 كيلو علي الطريق لو ماشي بسرعه 90 و12.5 لكل 100 جوه البلد وده طبعا علشان 2000 سي سي

استهلاك قطع الغيار

معمره جدا وبتعيش ذي اي قطع غيار اصلي للبيجو

واي استفسار انا تحت امرك

السلام عليكم ازيك يا شباب بيجو


جيبلكم جزء كبير من المعلومات عن السياره بيجو 406



اولا ندي تبزه عن تاريخ السياره

بدا انتاج السياره

في عام 1998 بدا انتاج السياراه 406 التي بدات تعتبر من اهم السيارات من الطبقه الفاخره
و تم اصدار في هذا الموديل محرك 1800 سي سي

ولكن ظهرت مشكله خطيره في الفتيس الاتوماتيك الخاص بالسياره
و تمت صيانه هذه المشكله في كل الموديلات بعد سنه 2002



اكيد انتم زهقتم من موضوع الانشاء ده


معلش هكمل شويه بقي ههههههههه

و السياره دي خاصه بكبار رجال الدوله بسبب فخامتها

نخش بقي علي موصفات الموديل البعد سنه 2002


موصفات السياره :-

سلندر 4
السعة 1997سى سي
القوة 137حصان
الصمامات 16
نظام الوقود حقن اليكتروني
ناقل الحركة 4 سرعات أوتوماتيك او يدوي 5 سرعات
عجلات الجر جر أمامي
فرامل مانعه للانغلاق
وسائد هوائيه
دعمات ابواب



احب اضيف حاجه مهمه جدا ناس كتير مش عارفها

تم تطور نظام الحقن
بتعاون مع شركة فورد الامركية
وهو نظام يطلق علية
VariablegeometryTurbocharger
نظام الحق المباشر
وهي في الاصل نظام يطبق في المحركات الديزل
ويمتاز هذا النظام
بانه يجعل المحرك اكثر هدواء
وكذالك يقلل من استهلاك الوقود

انا مش هضيف عن الي افراد العصابه قالوه ..
بس عايز اقولك العربية دي فخمة جداااااااا ..
والفخامة ليها تمن .. يعني هتلاقي قطع غيارها بس غالية ..
بالتوفيق

انا تحت امركم في اي وقت

إلى جميع اخوانى المشاركين بالردود
شكراً جزيلاً على الإفادة الرائعة مع خالص تحياتى
وياريت حد يفيدنا بأسعار السيارة بدأ من موديل 2002

اظن الناس جبولك ياباشا معلومات كافيه جدا
بس أحب أضيف انها مفيش منها مانوال تقفيل وجيه اباظة ممكن تلاقى مانيوال لكن الشكل القديم ال 1800 سي سي
العربية والله أحسن أختيار بجد لفئة سعر 100000 جنيه بلا منازع واحب أضيف ان العربية ج دية بيبقي فيها كمية حساسات رهيبة وكمان بيبقى فيها كمبيوتر أعطال وحساسات نور وحساسات مساحات المطر وحساسات الأيرباج حاجة تحفة بجد ومعقدة جدا فى شغل الكهربا لكن الميكانيكا سهلة وفيها تشابه كبير بالبرستيج
هيا رنج من 80000 ال 100000
على حسب الحالة والكيلو مترات والاستهلاك والفبريكة انا كان قدامى واحد مو2003 كاملة فبريكة بره وجوا وكمان سودا
كان صحبها طالب 92000

ايوه بظبت كده زي ما احمد قال

من رينج 80 الف الي 110 حسب الحاله

و في منها مانيوال الهي جايه استيراد خليجي او وارد فرنسا