الموضوع: ضبط تقسيمة الكامات لأداء رياضي

الطريقة دي أنا مجربها شخصيا في عربيتي

أنا عربيتى كان مواصفاتها كالآتى

Max. output
(DIN) 121.7 PS (120.0 bhp) (89.5 kW)
@5300 rpm
Max. torque
(DIN) 172.0 Nm (127 lbft) (17.5 kgm)
@3500 rpm
Maximum rpm 5800 rpm

حاليا أنا بعدى 6000 RPM بس بصراحة بخاف أزود عن كدة
حاسس ان أقصى عزم اتشفت معايا لحد 4500 RPM
وده خلى التوب سبيد أعلى لأن الأول كنت بحس بصعوبة في مقاومة الهواء على السرعات العالية لكن دلوقت عزم العربية اترحل شوية على لفات أعلى وبفى عند سرعة أعلى

الطريقة

تعمل حاجة اسمها Cam Retarding وهو انك تأخر ال intake cam شوية صغيرة (ده فى المواتير الTwin CAM) وبيتهيألي ختنفع في المواتير الكامة الواحدة

العيوب:
العزم عند RPM منخفضة حيضعف ويالتالي السواقة حتبقى أصعب أو على الأقل حتبقى محتاج تنقل الجير كتير بس حتحس بفرق كبير لما تشد بالعربية حتحس ان العربية بتبدأ تسحب جامد بعد 4000 RPM

العيب التانى ان حتلاقي في رعشة خفيفة فى السلانسيه وخصوصا والعربية لسة باردة

----------------------------------------------------------
عكس ذلك تماما لو عاوز تحسن أداء العربية بشكل ملحوظ فى اللفات المنخفضة وتحس بعزم جبار بس على حساب التوب سبيد حتقدم الكامة شوية Cam Advancing

الله ينور عليك يابو حميد هو ده اللي اقصده ..بس مش شرط تكون قابلة للتعديل
أي سيارة لها سير كامه خارجي ممكن تقدم أو تأخر تقسيمتها والطريقة كالاتي:

1- بترفع عجلة العربية اللي عليها الدفع
2- لعشق على الرابع
3- تفك البوجيه رقم 1
4- تضع مفك في فتحة البوجيه عشان تحدد مكان البستم بالظبط
5- تحرك العجلة سنه سنه وبدقة شديده مع ملاحظة وضع المفك اللي بدوره بيشير لوضع البستم
6- أول لما البستم يوصل بداية الشوط بناعه اللي هى أعلى نقطة لفوق وقبل ما يبدأ فى النزول هي دي النقطة اللي حتبدأ الظبط عليها
7- شوف طنابير الكامةCAM sprokets حتلاقي فى دليل يبينلك وضعها ايه يعني حتلاقي خرم صغير المفروض يكون قدام شرطة على علبة وش الكامات
8-بنبدأ تفك شدادة الكتينة والغطاء البلاسبيك اللي فوق الكاتينة
9- فك سير الكتينة
10- قدم ال Intake Sproket في نفس اتجاه دوران المحرك لو عايز تزود العزم فى اللفات الواطية
11- أخر الIntake Sproket عكس اتجاه دوران المحرك لو عايز تزود العزم في اللفات العالية
12 ركب سير الكاتينة وباقي الخاجات اللي فكتها .....وعيش حياتك
--------------------
ملحوظة:
العربيات الهوندا الجديدة V-TEC (زي الهوندا سيتي)
والعربيات التويوتا VVT-i ( زي الكورولا)
بتعمل الموضوع ده أوتوماتيك يعني لو انت ماشي بالراحة بتقدم الكام لوحدها علشان تديك عزم عالى فى السرعات الواطية والعكس صحيح

ماهو انتوا قلتوا كده

المشاركة الأصلية كتبت بواسطة m_elkhishin

10- قدم ال intake sproket في نفس اتجاه دوران المحرك لو عايز تزود العزم فى اللفات الواطية
11- أخر الintake sproket عكس اتجاه دوران المحرك لو عايز تزود العزم في اللفات العالية

اخر كلام اقدم ولا ااخر وايه تاثيره على استهلاك البنزين

بالنسبة لموضوع الدفة أكيد مش حتبقى بنفس كفاءة الكامة السبور والا كانت مصاتع الكامات دي قفلت :lol:
وبالنسبة لل SOHC أنا مجربنش فعليا بس على حسب المعلومات المتاحة على النت ينفع جدا وذلك للأسباب الاتية

1- توقيت فتح وغلق الصبابات حيترحلوا بدرجة واحدة ولكن :
تأثير ترحيل صباب التغذية أقوى بكتير جدا من ترحيل صباب العادم وبالتالي هتحس بنفس الأداءأو بأداء قريب بس أكبد طبعا ال DOHC أقوى بكتير جدا فى الموضوع ده لأنك بتقدر تعدل كل كامة على حدة وكأنك بالضبط عامل كامة سبور بس أكيد مش بنفس الدقة لأن الكامة الاسبور متصنعة بحسابات دقيقة جدا

في الآخر لو وصلت ل 70% أوحتى 50% من أداء الكامة الاسبور بس من غير ما تفك ولا تركب ولا تغير تغيير جوهري في العربية يبقى حاجة كويسة جدا