الموضوع: اخيرا استلمت اللوجان المغربى

السلام عليم و رحمه الله و بركاته

الحمد لله استلمت اللوجان المغربى يوم 3/5/2009 من محمد زكى بصراحه انا كنت متوقع ان التسليم يتأخر عن شهر خمسه بس بصراحه توكيل رينو محترم سلم العربيات فى ميعادها بدون تأخير
المهم انا رحت عند محمد زكى ولقيت ناس كتير بتستلم العربيه اللوجان و بصراحه كنت خايف الاقى اى شيئ غير متوقع فى العربيه عيب فى التقفيل اى حاجه تكون غير متوقعه زى كمليات ناقصه منها
المهم مندوب المبيعات الى كنت حاجز معاه راح جاب العربيه من المخزن وقلى شوف العربيه ولو فيها اى ملاحظه قولى عليها علشان اجبلك عربيه تانيه
و دى خطواتن الى انا حددتها علشان استلم العربيه وكنت كاتبها فى ورقه علشان منساش :-
1- لفيت على البودى علشان اشوف اى خربوش او عيب دهان
2- شوفت كيلو متر العربيه لقتها 15 كيلو متر فقط
3- جربيت كل كمليات العربيه المريات الكهرباء والزجاج كنت برفع و انزل الزجاج كتير جدا لدرجه ان الناس فى المعرض كانت بتبص عليا من الى انا بعمله فى العربيه
3- جربت التكيف و جميع الأنوار
4- استلمت الكوريك و مفتاج العجل و فى مفتاح صغير لشد طاسات السياره ومسمار جر السياره
5- اتأكت من كتيب الضمان و الكتالوج كتب الكاسيت و علبه وش الكاسيت و اريال السقف
و الحمد لله استلمت العربيه و ركنتها فى الجراش لحد ما يجى الورق بتعها و ارخص ان شاء الله

و ربنا يسهل و اعمل تقرير مفصل عن السياره و عقبال عندوكو جميعا [