مساعدة فى شراء كاوتش جديد

**zocor742** · 05-05-2009 01:42 AM

السلام عليكم
انا يا جماعة قررت اغير الكاوتش لعدة اسباب هو الكاوتش النقشة بتاعتة الى ورا تقدر تقول مش ممسوحين خلص والى قدام على النص كدةبس فية شوية ملاحظات على الكاوتش القديم
1-الكاوتش حاسس انو ناشف
2-فى تشققات سطحية ومش باينة غير لو دققت فى الكاوتش ومكانها تحت النقشة بحوالى كام سنتى
3-حاسس انو منشف العفشة شوية
4-لون الكاوتش متغير شوية مش اسود داكن
5-معرفش اى بيانات عن الكاوتش ولا تاريخ الانتاج ولا مشوا قد اية بس حالة الفردتين الى ورا تقريبا النقشة جديدة مش ممسوحة يعنى

هو كدة انا محتاج اغير الكاوتش ولا ملوش لازمة ولا افضل انى اغيرة مش ضرورى يعنى

الكاوتش كومهو مقاس 15 بس مش عارف عرضة ولاالسمك قد اية وراكب على جنط اسبور ريش بتاع نوبيرا 2 اوروبى
كنت عايز بقى اجيب كاوتش نوعة انظف من الكومهو ويكون طرى وصوتة مش عالى نقشة سرعات لو ينفع بقى يكون اعرض شوية وارفع من القديم هو ممكن ارفع عادى بس اعرض ينفع ولا بترجع للجنط نفسةولو السمك قل هيأثر على العافشة ولا لأولو حد من الاسكندرية يقولى فين مكان كويس اجيب منة ولو امكن السعر تقريبا
معلش الاسئلة كترت بس محتاج المساعدة ضرورى اول مرة هجيب كاوتش ومعنديش معلومات كافيةو

**cuppo** · 05-05-2009 04:41 AM

هقولك لو عايز تعرف تاريخ الانتاج
هتلاقي علي كل فرده كلام كتير بس في مربه مقفول كده غالبا في 4 ارقام
اكتبه و انا اقولك ده انتاج كام
لان بيقول السبوع الفلاني من سنه كذا

**cuppo** · 05-05-2009 04:44 AM

مربع سوري
مربه ايه يمكن كنت انا جعان :]

**استشارى ميكانيكا نايل موتورز** · 05-05-2009 01:03 PM

المشاركة الأصلية كتبت بواسطة cuppo

هقولك لو عايز تعرف تاريخ الانتاج
هتلاقي علي كل فرده كلام كتير بس في مربه مقفول كده غالبا في 4 ارقام
اكتبه و انا اقولك ده انتاج كام
لان بيقول السبوع الفلاني من سنه كذا

بالفعل تاريخ انتاج الاطار يكون مطبوعا على جسم الاطار و فى غالب الاحوال يكون مكونا من اربعة ارقام تمثل الاسبوع و العام

كمثال: الاطار الذى يتم انتاجة اليوم يحمل الارقام 1809 التى تقابل الاسبوع الثامن عشر من العام 2009

كقاعدة عامة: مدة صلاحية الاطار هى ستة سنوات من تاريخ الانتاج... و ينصح بتغيير الاطارات كل اربعون الف كيلومتر

الاطارات من اهم عوامل الامن و السلامة

استشارى المنتدى

**zocor742** · 05-05-2009 04:23 PM

هشوف تاريخ الانتاج بس لو انتهى مثلا اية الضرر غى كدة وممكن تكون التشققات الى فى جنب الكاوتش من انتهاء الصلاحية ولا ممكن لو العربية مش بتمشى مدة طويلة وواقفة فى جراج عوامل الارض والرطوبة تعمل كدة لأنى شارىالعربية من الجمرك استعمال خارج ومعرفش كان بقالها كد اية واقفة

ولو لقيت الكاوتش لسة شغال اغيرة ولا لأ مع انة مش مريحنى مش عارف لية

واحب اشكر العضو cuppo على الرد السريع
واستشارى الميكانيكا فى المنتدى لأهتمامة بالموضوع

**cuppo** · 05-05-2009 05:14 PM

لا شكر علي واجب يا معلم
بس شوف برده تاريخ الانتاج
انا عندي في نص 2005
وديه لو واحد بتاع كاوتش هو يقولك برده
بس شوف بس الانتاج الاول

**agwaa** · 06-05-2009 10:22 AM

بص يا عم
أولاً : رداً على تساؤلاتك
1 _ نشوفية الكاوتش لا تستطيع أن تحكم عليها لأنها ليس لها مقياس
2_ التشققات التي ذكرتها دليل على عدم صلاحية الكاوتش أي لأبد من تغييره
3_ الكاوتش لا ينشف العفشة إلا في حالة عدم ضبط ضغط الهواء داخله ( ضغط الهواء زيادة عن اللازم )
4_ لون الكاوتش الفاتح لا يعني شيئاً بل وهناك سائقين تاكسيات يقومون بدهانه باللون الأسود
5_ بيانات الكاوتش كالتالي

بيانات تاريخ الإنتاج أنا شخصياً لا أعتني بها لأنه يفضل في الكاوتش أن يخزن حتى أن تجار الكاوتش يقومون بتخزينه كما أنك عند شرائك للكاوتش يجب أن تتأكد أنه مخزن
أما الأرقام المعنية مثال :

175/70 _14
175 تعني عرض الكاوتش بالملليمتر أي عرض المسافة الملامسة للأرض = 14.5 سم
70 تعني إرتفاع الكاوتش من الأرض وحتى الجنط بالملليمتر وهي هنا = 7 سم
14 تعني مقاس الجنط
ثانيا : طالما الفردتين اللي ورا معقولين زي ما بتقول خليهم زي ما هما وبكدة انت محتاج فردتين جداد تحطهم قدام علشان يشيلوا تقل الموتور
الفردتين اللي هيطلعوا بقى إستنطف منهم فردة إعملها إستبن

أما إذا إمكانياتك سمحت إشتري 5 فرد وريح دماغك

وأرجو أن أكون أفدتك

**zocor742** · 06-05-2009 11:42 AM

طيب يا جماعة لو بدلت مكان العجل وخليت الى ورا قدام والى قدام ورا هيكون احسن لحد ما اغير الكاوتش عشان مش محبب يكون فية ختلاف فى نقشات الكاوتش يعنى لحد ما ابقى اقبض وازود على الفلوس الى معايا واشتريهم مرة واحدة

وهو لو الكاوتش الى قدام ممسوح شوية على النص مثلا بيعمل حمل زيادة على الماتور
وتنصحونى بنوع اية ميكونش كورى وطرى وصوتة مش عالى وينفع اجيب كاوتش اعرض من الى عندى شوية انا المقاس الى عندى عريض مش رفيع بس مش عريض اوى

اخر سؤال لو صبرت شوية على الكاوتش دة هيحصل حاجة لحد اخر الشهر كدة
وشكراللعضو agwaa على التوضيع الوافى

**استشارى ميكانيكا نايل موتورز** · 06-05-2009 12:45 PM

المشاركة الأصلية كتبت بواسطة agwaa

175 تعني عرض الكاوتش بالملليمتر أي عرض المسافة الملامسة للأرض = 14.5 سم

القياس خاطىء... عرض الاطار فى الحالة السابقة هو 17.5 سنتيمتر

70 تعني إرتفاع الكاوتش من الأرض وحتى الجنط بالملليمتر وهي هنا = 7 سم

ارتفاع الاطار ليس مقياس انما هو نسبة من عرض الاطار و بالتالى ارتفاع الاطار الخاص بالمثال المطروح هو 17.5x 70% اى 12.25 سنتيمتر

14 تعني مقاس الجنط

البيان يحدد قطر الجنط بالبوصة على وجة التحديد

يرجى مراعاه دقه المعلومات

استشارى المنتدى

**zocor742** · 06-05-2009 10:28 PM

اقتباس:
أرسل أصلا بواسطة agwaa

175 تعني عرض الكاوتش بالملليمتر أي عرض المسافة الملامسة للأرض = 14.5 سم

القياس خاطىء... عرض الاطار فى الحالة السابقة هو 17.5 سنتيمتر

اقتباس:
70 تعني إرتفاع الكاوتش من الأرض وحتى الجنط بالملليمتر وهي هنا = 7 سم
ارتفاع الاطار ليس مقياس انما هو نسبة من عرض الاطار و بالتالى ارتفاع الاطار الخاص بالمثال المطروح هو 17.5x 70% اى 12.25 سنتيمتر

اقتباس:
14 تعني مقاس الجنط

البيان يحدد قطر الجنط بالبوصة على وجة التحديد

يرجى مراعاه دقه المعلومات

استشارى المنتدى

شكرا للتوضيح وتصحيح المعلومة

الموضوع: مساعدة فى شراء كاوتش جديد

LinkBack

أدوات الموضوع

عرض

مساعدة فى شراء كاوتش جديد - انشر الموضوع فى :

-

-

-

المواضيع المتشابهه

للفيرناوية قبل شراء كاوتش جديد برجاء المشاهدة

عايز رايكم فى شراء كاوتش جديد للايبيزا وجنوط

مساعدة فى شراء كاوتش

برجاء المساعده في شراء كاوتش جديد

أنا عاوز نصيحتكم بخصوص شراء كاوتش جديد

الكلمات الدلالية لهذا الموضوع

المفضلات

المفضلات

ضوابط المشاركة