السلام عليكم
ازيكم يا اعضاء قسم السيات
يوم الخميس الي فات
سافرنا يومين العين السخنه ف كان معانا صديق معاه الليون الجديده
طبعا مفيش حد فينا عنده معلومات عنها كتير بس هو قعد يقولنا عليها
كان في حاجات انا متاكد منها وحاجات تانيه اعتقد فيها مباغه
مبدايا العربيه 1.6 8 فالف مانيوال 5 غيارات اامامي و غيار خلفي والفتيس short shift متهيالي الفتيس رياضي والدبرياج بتاعه كمان زي كده
انا بصرراحه مسوقتش العربيه فوق 120 بس عموما العربيه كمجمل تحفه التحف بصراحه
هيا المفروض فئه جولف واسترا وفيات برافو
بالكلام عن العربيه فيها tcs الي هو تراكشن كنترول والمفروض ده مسؤول عن توزيع العزم على كل الكاتوشات بمعنى انه لو كاوتش فقط توزانه (فرك مثلا) بطريقه الكترونيه الكمبيوتر بيعيد توزيع العزم على كل الكاوتشات او على الكاونش الفاقد توازنه بحيث ان العربيه متعومش ولا تفرك
صاحب العربيه قال فيها 14 ايرباج ده رقم خرافي متهيالي والمفروض فيها 6
العربيه تحفه فيها فتحه سقف والشنطه بتضغط على علامه سيات تتفتح الشنطه
كمان العربيه فيها كميوتر كامل عنها بيقولك العربيه اشتغلت كام ساعه في اليوم
واقل واعلى استهلاك للبنزين واعلى سرعه وصلت ليها كام وكمان اعلى استهلاك بنزين لكل غيار ومتهيالي كمان اعلى سرعه وصلت بيها لكل غيار
احلى حاجه فعلا في العربيه القعده الرياضيه من اول ما تركب العربيه تحس ب الاساتيل الرياضي اكتر من الفخامه
مع ان العربيه مفيهاش غلطه في الصاالون مفيش قطعه بلاستيك تقدر تقول عليها كويسه او مش بطاله كل قطعه في الصالون خاماتا جيده جدا ان مكانتش ممتازه
يعني مع وجود استايل رياضي لداخليه العربيه بس برضو كل حاجه فيها فخمه وممتازه الجوده
نيجي بقى للتجربه بتاعه القياده
من اول ما طلعت العربيه بالريفرس هي تضغط على الفتيس وتطلع كانك بتدي الاولاني
الدبرياج بتاعه طويل بالمقارنه بالعربيات الكوري واليابااني والنقطه دي حلوه انه العربيه مش بتبطل منك كتير وممكن في الزخمه بدون بنزين تدي الاولاني وبدون ما يكون في حساسيه وتعب في انك توزان وانت بتشيل رجلك من الدبرياج
الباور والعربيه واقفه يا جماعه فعلا خفيف خفيف خفيف خفيف واصل لدرجه الخفه في الكوري والياباني يعني هو زي مثلا النيو اكسنت الي باورها كهربا
وصاحب العربيه قالي ان باورها كهربا وزيت مع بعض والموضوع ده موجود في عربيات منها الاوبل استرا القديمه بس برضو باورها مكانش بالخفه دي
من اول ما تطلع العربيه فعلا تحس بالثبات عفشه محترمه فعلا في التراب والزلط الصغير العفشه ناشفه فقط في المساعدين لاغير يعني المساعد بياخد النقره بطريقه سريعه بدون ما يخلي العربيه تتهز وتتنطط نهائي
وعامه اهتزازات العربيه في كل الاحوال محدوده جدا جدا
في كل الغيارات فعلا تحس ان مفيش طاقه ضايعه في التبديل ده ناتج عن الشورت شيفت في الفتيس فعلا اول ما اغير من 1 الى 2 احس ان العربيه عايزه تتنطلق تاني
وفعلا الي سايق بيحس ان مفيش طاقه ضايعه في تغيير الغيارات
وميحس انه عشان يفضل جاري انه يحتاج انه يفضل دايز على البنزين وهو بيبدل غياراته عشان يدي العربيه عزم
الفتيس سلس الي حد كبير وحاراته صغيره ودقيقه في التبديل
من اول ما فعلا اطلع بالعربيه تحس بتقلها ووزنها حسيت كاني راكب مازدا 3 فعلا عشان المازدا تقيله برضو بس متهيالي فوق 120 ليون هتفضل ماسكه نفسها اكتر ووصلت لسرعه 120 وانا فعلا مبسوط واخدت غرزه قطم مره وحده كسرت الدركسيون بعزم قوي العربيه ولا الهوا دخلت وطلعت زي الفل وتحكم ممتاز توجيه الدركسيون مع الكاوتشات ممتاز العربيه بتروح في المكان الي انا عايزه ده حتى الواد بصلي حسيت انه عايز يقولي بتعمل ايه دي استحاله تعوم
مع ان الباور خفيف جدا بس على الطريق فعلا محستش بيه نهائي وحتى مش ادر احدد اذا كان بيتقل على السرعات ولا لا عشان العربيه تقيله بس عامه الباور على السرعات مع انه خفيف بس بيبقى ماسك نفسه متحس انه لعبه فقط الا لو واقف
الموتور هو الحاجه الوحيده الي اخدتها على العربيه موتور ضعيف نسبيا
هو بالنسبه لل 1.6 مانيوال الماني كويس يعني تسارعها افضل بكتير من الاوكتفايا الاوتو مثلا بس برضو مش ده الي نستناه من عربيه 1.6 مانيوال
بس عامه موتور تحفه برضو ومرضي الاداء بالنسبه لمصر وبرضو منقدر نقول عربيه تقيله على موتور زي ما بنقول على الاوكتافيا
وبرضو العربيه وصلت لسرعه 210 معاه بس rpm كان داخل على الريد زون
بس ده طبيعي في كل العربيات ال 1.6 مانيوال في العاااالم كله مش الالماني بس
وعامه العربيه مفيهاش الخشونه الموجوده في الالماني عامه
وفي السفريه كان معانا برضو مازدا اوتو بس دي كانت متبهدله فعلا من كل حاجه
جربنا مع بعض من سرعه 10 المازدا طلعت اولاني وعلى اخر التاني كانت الليون بتطلع من المازدا واستمر في الجري بس المازدا دي فعلا متبهدله جدا مكانتش بحالتها من اي ناحيه
يعني تقيمي للعربيه
صالون 10/10
عفشه 10/10 (لاتقدر تقول ناشفه ولا ناعمه بس تقدر تقول محترمه)
ثبات 10/10
ماتور وتسارع 8/10 ودي الحاجه الوحيده الي تحبط اي شاب من محبي التسارعات والحري الفتاك
انما اي حد يقول على العربيه كويسه وعامه التسارعات كلها موجوده على youtube لو حد عايز يشوفها
ده كان تقييمي للعربيه واتمنى يعجبكم
المفضلات