الموضوع: المنتدى من غير محمد ممدوح طعمه متغير و عباره عن اسئله بس من غيراجابات

ده يمكن تانى موضوع ليه فى المنتدى بس فعلا
المنتدى من غير محمد ممدوح طعمه متغير و عباره عن اسئله بس من غيراجابات وحتى الاجابات عباره عن احتمال واعتقد و انا جربت وحاجات زى كده

يا استاذ محمد انت لو كنت بتعمل اللى بتعمله ده عشان منظره او حب ظهور يبقى مترجعشى
لكن لو بتعمل كده احتساب فى سبيل ربنا عشان تساعد الناس ويكون عمل صالح يبقى ارجع و فيد الناس بشويةالعلم اللى عندك
وانا حاسس انك من النوع اللى بيتسمتع بمساعدة الناس فى حاجه هو بيحبها واكيد اكيد انتى بتدخل المنتدى ومش حنسى انك فدتنى كتير

بس الصراحه المنتدى بقى عامل زى منتدايات تانيه كتير ناس كتير بتسال و ناس قليله اوى بتجاوب ومعظم الاجابات عباره عن احتمالات و تجارب فى اعطال مشابهه

ياريت يا استاذ محمد تكبر دماغك من موضوع ان ناس بترد و مش بترد وسيبهم يا استاذ محمد اللى عايز يسمعك يسمعك وواللى عايز يعارض سيبه و متشغلشى دماغك
ياراجل ده انا و زمايلى بنتكلم على مساعدتك فى الدايو واحنا فى الشغل
ده انتى بقيت مشهور اوى
دحنا بنصلح العربيات على حسك
بقى حتضحى بكل الدعوات الحلوه اللى بتجيلك دية عشان مش عايز الناس ترد
ما تخلى اللى يرد يرد و اللى بيسال يختار الاجابه اللى تريحه
انت بتعمل الىل عليك
بقى والنبى فى قسم غير الدايو فيه حكاية تغير الرشاشات او تعديل الفرامل او تعديل الماتور او الايدل ليرن او تنظيف المنفول والبتاع التانى ده اللى مش فاكر اسمه
ياعم ده انت مخلى اللى معندهوش دايو بيدخل عشان يستفاد
يالله ياعم قوم صلى ركعتين ورد على الناس اللى ممكن تسوح بسبب الفتى الغير مقصود بغرض المساعد
و بردوه متسياش الظن فى اللى بيفتو هما فاكرين انهم بيساعدوا الناس كده
عندك انا كمثال كل ما حد يقولك الاربه بتاعتة الميه بتفضى و الميه بتفور انا مبقلشى غير حاجه واحده غير غطاء القربه و هات بتاع الاوبل عشان دية الحاجه الوحيده اللى عارفها مهو انا بردوه بفتى بس نفسى اساعد عشان الناس ميحصلهاش زى ما حصلى من تجميع غطيان الارب زى تجميع غطيان الازوزه