أنا عندى مشكلة

**mshemy** · 06-05-2009 07:35 AM

يا جماعة انا عندى مشكلة و أرجو المساعدة من زوى الخبرة

انا معايا لانسر بومة موديل 2008 و عاملة 27000 كم و عند ال20000 عملت الصيانة (مش فى التوكيل) بعت واحد سواق من اللى فى الشغل و راحل عمل الصيانة ... المهم طبعا حطلى تيل مضروب من أبو 90 جنيه المهم انا قولت هيا مرة و هاغيرة على 30000 المهم دلوقتى بقالى أسبوعين لما ببقى ماشي على أكتر من 60 كم\س و ألمس فرامل الطارة بتغربل معايا , المهم رحت لميكانيكى قالى دى الطنابير المهم غير التيل المضروب و حط القديم الأصلى برضه بتغربل.

فهل فهلا الطنابير راحت .... و لو راحت أيه الحل أشترى منين طنابير أصلى (مش من التوكيل) و مين أحسن ميكانيكي ممكن يركبهالى.

أرجو المساعدة

شكرا

**eltorky** · 06-05-2009 01:55 PM

بوص بقي يا كبير أنا لسة عامل كل الا أنت بتقول عالية داة أمبارح ودة فعلا عيب طنابير أنت عندك حالين 1-أنك تخرط الطنابير و تركب عاليهم التيل الاصلي وداة الي أنا عمالتة أمبارح 2- أنك تشتري جوز طنابير جداد و تيل جديد و طبعا الحل الثاني هايكون مكالف عن الاول و عن تجربتي في عربية لانسر 2007 أحسن مكان تجيب منو الطنابير و أي قطع غيار أخري غيرها لعربيتك غير التوكيل أحمد البلطي 12 ش عرابي التوفقية و علي فكرة أنا لسة سئلة أمبارح عن الطنابير الاصلي الجوز الامامي 1000 جنية و نوع تاني ياباني بس مش الاصلي بس هوة قلي نوع كويس برضو 400 جنية والعفشجي الي عملي الشغل في عربيتي الاسطي نبيل المصري 0123763452 ش الغريب خلف مسجد المدينة المنورة فيصل كالمة و قولة أنك من طرف هاني بتاع مجلس الشعب الي معاة الانسر الفراني و هو هايعمل معاك أحلي واجب وأبقي طمنى

**أبو إياد** · 06-05-2009 02:42 PM

تصدق بقا انت لو قلتلى انك رايح للبلطى كنت كلمتلك الناس هناك وجبتلك اسعار خياليه
بس هو بيبيع جمله والناس بتيجى معايا للمحلات اللى بينزللها الشغل بتاعهم وباخدها باسعار خياليه فعلا واحلا حاجه ان عنده اوريجنال ويابانى وتايوانى ياعنى كله موجود