الموضوع: .....<<<جرانــــد بونتــــو>>>.....

المشاركة الأصلية كتبت بواسطة Demirell

دي صورة الفتيس الـ easytronic بتاع الفيكترا

الـ steptronic بقى بيبقى فيه صف النقلات الـ P , R , N , D ورا بعض عالشمال زي الأوتوماتيك العادي بس بيبقى فيه كمان علامة الـ (+) والـ (-) عاليمين عشان لو عاوز تسوق بنظام شبيه بسواقة المانيوال....وده زي فتيس السيراتو كده مثلاً

الـ easytronic زي ما بيتقال هو أحسن حاجة عشان بيجمعلك ما بين سحب وعزم الفتيس المانيوال وسهولة وراحة الأوتوماتيك

الميزة فيه بقى عن الـ steptronic إن الإيزي ترونيك في الأساس فتيس مانيوال عادي بدبرياج بس دبرياج إلكتروني....يعني العربية هي اللي بتشغل الدبرياج ساعة النقل بالنيابة عنك....فا طبعاً الأداء بتاعه هايبقى أقوى بكتير من الستيب ترونيك أو الأوتوماتيك العادي

شكرا لتوضيح الجميل ده
بس برضو مفهمتش اوى لمه يكون اصلا مانيوال وفيه موتور ناقل بدل منقل انا افضل ولم هلمه يكون ستيب ترونك اوتوماتيك صرف ؟

المشاركة الأصلية كتبت بواسطة MohabSaeed

والله كويس اننا بدأنا نروح للعربيات الاوروبيه ذات التكنولوجيا المتقدمه و التصميمات الراقيه , و نسيبنا من الكورى و اليابانى الى واكلين دماغ الناس .

الجراند بونتو بجد عربيع جميله جدا , لما قعدت فيها حسيت براحه نفسيه !!!!! تصميم الجراند بونتو من الداخل بيديك احساس انك راكب عربيه ب 200,000 جنيه .. خامات ممتازه و تصميم رائع و مساحه كبيره .

الجراند بونتو صفقه رابحه بكل المقايس .
البرافو كمان مش صفقه رابحه و بس .... ديه صفقه العمر :-) .

فيات راجعه بقوه .

فعلا كلامك مظبط انا لسه راجع حالا من معرض شرين كار علاشن اشوف الالوان كلها ولقيت الأزرق والنبيتى والفيرانى الفاتح والأحمر بجد الأزرق تحفه وفعلا لمه تدخلها جوه تديك ايحاء انك هتشترى علبيه ب 300 الف من 200 بس كمان
بس الراجل قالى ممكن اعملك خصم 700 جنيه وشكلو كده بيقولى لمه تيجى هنزل كمان فى السعر بس انا بصراحه عاوز اجبها من التوكيل انتو ايه رأيكم يا جماعه لانى لحد دلؤاتى مش عارف ايه الفرق لمه حد يجيب عربيه من الوكيل او من معرض ؟؟

المشاركة الأصلية كتبت بواسطة Demirell

أحمد باشا صاحب الموضوع......أنا عندي سؤال مالوش علاقة بالموضوع خالص!

أنت ما فكرتش في الرومستر اللي بـ 87 ألف خالص؟ أصل أنا شايفها عربية شيك وواسعة وسعرها حلو....

وللا أنت ما كنتش حاططها في إعتبارك؟

بصراحه مكنتش حطتها فى الأعتبار وبينى وبينك حتى فى العتبار الجراند تكسب وله ايه ررأيك

انا اسف يا استاذ ilavm بس ما كنتش اقصد ازعلك ولا حاجة و يا ريت تتقبل اعتزاري

المشاركة الأصلية كتبت بواسطة loodaa

انا اسف يا استاذ ilavm بس ما كنتش اقصد ازعلك ولا حاجة و يا ريت تتقبل اعتزاري

ولا يهمك يابوب كل واحد فينا بيقول اللي يعرفة عشان الكل يستفيد وانا قلت اللي التوكيل قالهولي
مافيش حد برضو ناوي يعمل تقرير على العربية ولا اية

ألف مبروك يا صديقي

و مش حرغي كتير عنها و يكفي أني أقولك أني حموت و أشتري العربية دية

و كفاية برضة اقولك أني بقارن بينها بين مرسيدس مستعمل أو الجراند بونتو

فعلا عربية تحفة و رهيبة و تستاهل 90 الف بجد و من غير هزار مش كتير فيها

ربنا يديك خيرها و يكفيك شرها

و يا رب عقبالي

نصيحة لباقي الشباب اللي لسة مشافش البرافو

لازم تروحوا تشوفوها و تتعقدوا علشان أنا فعلا جالي صدمة منها رهييييييييييييييييييييييي ييييييييييييبة من هنا للسنة الجاية

الله يبارك فيك يا عمر وإن شاء الله تجيب البرافو مش الجراند كمان