الموضوع: .....<<<جرانــــد بونتــــو>>>.....

مبروك يا احمد وان شاء الله تستلمها في وقت قريب جداً ونشوف صورك وتقاريرك عن العربية.. هي فعلاً عربية جميلة وشيك وسعرها معقول

الف مبروك هى عربية ممتازة وفعلا بفكر فيها بجد ياريت تقولنا رايك فيها ايه خصوصا بعد التجربة وكمان ياريت لو تعرفنا جبتها ازاى وبكام وكده احنا برضه اخواتك

المشاركة الأصلية كتبت بواسطة Demirell

عربية أحلامي!

يا زين ما إخترت يا أحمد باشا

بجد ألف مبروك عليك....فعلاً العربية دي في رأيي أجمل عربية في فئتها

بس يا ترى أنت حاجز أنهي فئة في المانيوال؟ أصل أنا أعرف إنهم منزلين منها فئتين مانيوال وفئتين أوتوماتيك...ده طبعاً غير الكوبيه

و يا ترى هاتجيب أنهي لون فيها

وسؤال في الخباثة كده....يا ترى أنت جايبها كاش وللا تقسيط؟

شكرا لردك والله يبارك فيك انا يا سيدى حاجز المانيوال ومفيش منها فئتين ولا حاجه هيه فئه واحده مانيوال و 2 اوتوماتيك وإن شاء الله حجزت السوده وعاوز برضو رأيكم فى اللون
وانا جايبها كاش يا سيدى ان شاء الله عقبال متجبها انته كمان لانها عربيه فعلا تستاهل
بس احنه عندنا عيب فى مصر ان المصرى لازم يركب لانوس او لانسر او اوبترا ويشيل موبيل نوكيا مينفعش يغير ويشيل موبيل نوع تانى ويركب عربيات اجمل من ال3 الى ذكرتهوم
انا ىف ناس كتير بقابلها تقولى لا يا عم معاك 90 الف هات لانسر انا الجراند بالنسبالى تضرب الانسر بالجزم مع احترامى لمالكيها من حيث الشكل والسعر بتاعها

المشاركة الأصلية كتبت بواسطة fawzy2009

يا جدعان طب الجراند مش المفروض ترخص بما ان البنتو رخصت ولا انا بتكلم غلط !!!

بص يا باشا هوه موضوع انها ترخص ده لسه على بدايت 2010 هتنزلها 3-4 الاف جنيه وهتنزل نفس المبلغ ده كل سنه بعد كده لحد متبقى زيرو جمارج بس الى يستنى بقى وييتشحطط فى المواصلات لحد مده يحصل

المشاركة الأصلية كتبت بواسطة khpopo

مبرووك الحجز وانشاالله تستلم على خير
ربنا يوفق

المشاركة الأصلية كتبت بواسطة ggggggggg

مبروك يا احمد وان شاء الله تستلمها في وقت قريب جداً ونشوف صورك وتقاريرك عن العربية.. هي فعلاً عربية جميلة وشيك وسعرها معقول

المشاركة الأصلية كتبت بواسطة AHMED_IVB

الف مبروك هى عربية ممتازة وفعلا بفكر فيها بجد ياريت تقولنا رايك فيها ايه خصوصا بعد التجربة وكمان ياريت لو تعرفنا جبتها ازاى وبكام وكده احنا برضه اخواتك

الله يبارك فيكم يا جماعه يا رب بس تيجى بسرعه لان التوكيل بيقولى كمان شهر الى شهر ونص

وبالنسبه لسعرها هوه فعلا معقول جدا عكس مناس كتير بتقول كتير 90 الف على فيات هوه تقريبا فاكرنها بونتو كلاسيك مش جراند ناس كتير لسه مش مقتنعه بماركت فيات ان تدفع فيها فلوس على الرغم من كده انا مدفعش مليم فى عربيه لانسر
معلش انا مركز على النسر اوى علاش حجتين ان واحد صحبى عندو لانسر وبيقولى ايه الى هتعملو ده هات حاجه يبانى بالفلوس دى الحاجه التانيه ان الانسر عربيت الشعب

وأكيد يا أحمد انتو اخواتى فى الله وهبقى انزل تقرير عن العربيه اول مستلمها ان شاء الله بس انا كان نفسى لو حد اشراها يدل ويقولنا رأيو فيها علاش نانا كمان استفيد مع انى سألت كتير واتكدت انها تستاهل فعلا

وانا يا سيدى جبتها من وكيلها فى مصر اوماترا فى مدينة نصر وب 90 ألف المانيوال

المشاركة الأصلية كتبت بواسطة Demirell

شكراً عالإجابة يا أحمد.....

بس معلش لو فيها غلاسة.....كنت عاوز أعرف منك كماليات المانيوال بالضبط

واللون الأسود فعلاً من أشيك الألوان عليها.....بس همه لسه ما نزلوش ألوان تانية غير الأسود والأحمر والسماوي والفضي؟؟

وأنت طبعاً معاك حق في حكاية القالب اللي الناس حاطّة نفسها فيه ومش عاوزة تخرج براه أبداً.....بس على فكرة أغلب الناس اللي بتفكر بالطريقة دي بيبقوا كبار شوية في السن ومتجوزين ومعاهم أولاد...فايقوللك أنا أجيب حاجة سيدان كبيرة وواسعة عشان تسد مع العيال وحبشتكناتهم! وهمه دول اللي ما بيخرجوش بره اللانسر والعربيات الكوري

وبعدين غير كده الجراند بونتو دي عربية شبابي صرف....يعني ما تنفعش للناس دول خالص!

لا شكر على واجب يا جميل انا نفسى افيد الناس كلها
بالنسبه للكماليات فانا هنقلهالك من احد الاعضاء هنا كان جاب العربيه وكتب الكماليات كامله الى فيها
هي تكييف وبور بيقسو حسب السرعة ونظام city لتنعيم الدركسيون في حالات الركن وسنترلوك بالريموت (خارجي) وداخلي بزرار دا غير ان العربية بتقفل المسوجر أوتوماتيكيا لو السرعة زادت عن 20 Km /hour وتريب كومبيوتر وشاشة عرض لاي حاجة تحصل في العربية مع صفارات انذار ( مثلا لو مش لابس الحزام أو فرامل اليد نسيتها مرفوعة والعربية ماشية) وفتح الشنطة من الداخل بذرار أو من الخارج بالريموت و اتنين ايرباج وزجاج كهربا أمامي وكراسي فرش قطيفة يمكن تعديل وضعها في جميع الاتجاهات هيدروليكيا وكاسيت audio CD اصلي بتاع العربية وايطالي 100%.
بالنسبة للموتور هو 1400cc قدرتة 77 حصان عند 6000 rpm ولحد دلوقتي ماحستش ولو للحظه ان السحب قليل أو الموتور مش شايل العربية بالرغم من تحميلها 5 أفراد والتكييف شغال.
_____ انتهى النقل

فوق كل ده الطاره مكسيه بالجلد شكلها تحفه

بالنسبه للألوان فنانا اعرف ان فيها فضى واحمر وفيرانى فاتح مفهاش نبيتى
النبيتى فى الوتوماتيك بس فاحلى لون لقيتو هوه الأسود

بالنسبه للعربيه وانها هاتشباك
العربيه وسعه اوى من جوه ما شاء الله اوسع من الانسر بالرغم من انها هاتش
وادخل ال2 وشوف
والشنطه بتاعتها وساااااااااااااعه جدا ولا كانك راكب هاتش
يعنى جمعت ما بين جمال الهاتش ووسع السيدان فعلا

ومستنى برضو رأى الناس كلها فى العربيه

حبيت احطلكم شويت فيديوهات للعربيه لحد منشوف المنتد فى حد جاب جراند وله شكلى انا تانى واحد يبجها فى المنتدى

اتفضلو

وقولولى رأيكم

http://www.youtube.com/watch?v=a5t12...eature=related

http://www.youtube.com/watch?v=Dh-hP...eature=related

http://www.youtube.com/watch?v=BEDfc...eature=related

مبروك على العربية وحتبقى تالت واحد حسب معلوماتي. وفي الsound system رهيب جدا.و ذراير على الدركسيون و فوج لايت خلفي. والاستبن معمولة جراب مع العدة بتاعتة جوة العجلة الاحتياطي مش حطينة في كيسة كدة و رمينها في الشنطة.